Morgunblaðið - 10.11.1999, Page 22

22 MIÐVIKUDAGUR 10. NÓVEMBER 1999
MORGUNBLAÐIÐ
LANDIÐ
Margmiðlun á Yesturlandi
Vesturlandsvef-
urinn og Skessu
horn sameinast
Morgunblaðið/Sigríður Kristinsdóttir
Við húsnæði Skessuhorns, f.v.: Þór Þorsteinsson hjá Tölvert, Bjarki
Már Karlsson vefsmiður, Guðrún Björk Friðriksdóttir, auglýsinga-
gerð, og Magnús Magnússon framkvæmdastjóri.
Reykholti - Við Borgarbraut 49 í
Borgarnesi, blasir nú við stórt
skilti héraðsfréttablaðs Vestur-
lands, Skessuhorns. Blaðið hóf
útgáfu fyrir tæpum tveimur ár-
um og telst nú eitt af útbreidd-
ustu héraðsfréttablöðum lands-
ins. Það kemur út vikulega og
hefur einnig opinn fréttavef á
slóðinni www.skessuhorn.is
Fyrirtækið Skessuhorn ehf. er
nú orðið meira en almenn blaða-
útgáfa því í sumar sameinaðist
það Vefsmiðju Vesturlands í eigu
Bjarka Más Karlssonar, en hann
annast vefhönnun og markaðs-
setningu á Netinu og rekur jafn-
framt Vesturlandsvefinn. Eig-
endur Skessuhorns ehf. eru þeir
Gísli Einarsson sem jafnframt er
ritstjóri, Magnús Magnússon
framkvæmdastjóri, Helgi Daní-
elsson, Magnús Valsson og Bjarki
Már. Magnús segir í viðtali við
blaðið að með þessari samein-
ingu sé verið að koma á fót
margmiðlunarfyrirtæki, en auk
vefhönnunar og blaðaútgáfu sé
lögð áhersla á almenna útgáfu-
þjónustu og lausnir í markaðs-
setningu fyrir fyrirtæki og ein-
staklinga. Starfsmenn fyrirtækis-
ins eru nú 15 í 10 stöðugildum.
Bjarki Már Karlsson hefur um-
sjón með vefsmiðju fyrirtækisins.
Vefurinn var opnaður í febrúar
sl. og segir Bjarki að netverkefni
séu mjög vaxandi markaður og
nú sé í þróun að bjóða upp á „lif-
andi vefsíður", þ.e. vefsíður sem
sækja sjálfkrafa gögn úr upplýs-
ingakerfum fyrirtækjanna. Fyr-
irtækið hefur nýlega komið sér
upp vefþjóni sem er sítengdur
Netinu um leiguh'nu. Að sögn
Bjarka varð þessi þjónusta kostn-
aðarlega raunhæf þann 1. októ-
ber sl. þegar gjaldskrá fyrir
leiguh'nur lækkaði. En eins og
verðlagningu leigub'na var hátt-
að áður voru fyrirtæki í upplýs-
ingatækni á landsbyggðinni með
mun lakari samkeppnisstöðu en
keppinautar þeirra á höfuðborg-
arsvæðinu.
Samstarf við Ríkisútvarpið
Skessuhorn hefur nýlega, sem
fyrsta starfandi landshlutablaðið,
hafið samstarf við Ríkisútvarpið
um að vinna fréttir af Vestur-
landi og er verið að innrétta
hljóðver með klippiforritum og
upptökutækjum í einu herbergja
hússins. Einnig eru í gangi við-
ræður við Ríkissjónvarpið.
í húsnæði Skessuhorns starfa
raunar þijú fyrirtæki. Kjallarann
leigir Fjölritunar- og útgáfuþjón-
ustan sem rekin er af Olgeiri
Helga Ragnarssyni, en þar er
tölvuvædd fjölritunarþjónusta og
sér Olgeir einnig að miklu leyti
um umbrot Skessuhorns. I hús-
næðinu hefur einnig tölvufyrir-
tækið Tölvert aðstöðu, en þar
starfar Þór Þorsteinsson og ann-
ast almenna tölvu- og hugbúnað-
arþjónustu við fyrirtæki á Vest-
urlandi.
„Margmiðlun felur í sér að
nota þær miðlunaraðferðir sem
til eru,“ útskýrir Bjarki, „við höf-
um starfsfólk og aðstöðu til að
miðla upplýsingum til fólks á
prenti, í gegnum tölvur og nú
einnig með samvinnu við Ríkisút-
varpið,“ auk þess sem markaðs-
ráðgjöf og tölvuþjónusta býðst á
staðnum.
Stefnu-
mótun í at-
vinnumál-
um í Bol-
ungarvík
Isafjörður - Bæjarstjórn Bol-
ungarvíkur hefur ákveðið að
móta stefnu bæjarins í at-
vinnumálum með skipulegum
hætti. Markaðsráðgjafi At-
vinnuþróunarfélags Vest-
fjarða mun stýra verkefninu
en ráðgjafar frá Iðntækni-
stofnun leiða sjálfa vinnuna og
veita faglega ráðgjöf.
Fjórir vinnuhópar
Verkefnið er unnið í fjórum
8-10 manna vinnuhópum.
Einn fjallar um ferðaþjón-
ustu, verslun og þjónustu,
annar um hefðbundið atvinnu-
líf, hinn þriðji um menntun,
rannsóknir og notkun upplýs-
ingatækni og sá fjórði um
samfélagsþjónustu. Að loknu
starfi vinnuhópanna mun
verkefnisstjórn samræma til-
lögur þeirra og verður þannig
mótuð heildstæð stefna í at-
vinnumálum og auk þess
skýrðar hugmyndir um fyrstu
aðgerðir.
Þegar bæjaryfirvöld hafa
samþykkt tillögur verkefnis-
stjórnarinnar lýkur verkefn-
inu með kynningu á niður-
stöðum þess fyrir þeim er hlut
eiga að máli.
Morgunblaðið/Sigurður Gunnarsson
Morgunblaðið/Gunnar
Heilsugæsla Þorlákshafnar
þakkar fyrir gjafír
Bté NOHAJI
Brunaslöngur
Noha brunaslöngur með eða án skáps.
Ýmsar útfærslur.
Noha Viðurkennd brunavörn.
■r—im»-iiiir...■
Smiðjuvegi 11 • 200 Köpavogur
Sími: 564 1088 • Fax: 564 1089
lái/ / byguinggvörumslunurn um laml allt
Námskeið
landvarða-
nema
Hnappavöllum - Nú er nýlokið
námskeiði hjá Náttúruvernd rík-
isins sem staðið hefur undan-
farnar helgar, um 120 tíma
kennsla fyrir um 40 landvarða-
nema, en með því fá þeir starfs-
heitið Landvörður. Námskeiðinu
lauk með skoðunar- og æfinga-
ferð í þjóðgarðinn í Skaftafelli,
en þar dvaldist hópurinn í fjóra
daga og var myndin tekin við
það tækifæri.
% mbl.is
_ALLTAf= e!TTH\SA0 NÝTT
Þorlákshöfn - Stjórn Heilsugæslu
Þorlákshafnar bauð nýlega fulltrú-
um Krabbameinsfélags Arnessýslu
og fulltrúum Kvenfélags Þorláks-
hafnar til kaffisamsætis. Stjórnin
vildi þannig sýna þakklæti sitt vegna
gjafa sem þessi félög höfðu fært
heilsugæslunni.
Baldur Kristjánsson stjómarfor-
maður þakkaði gjafimar og sagði að
rekstur heilsugæslustöðva væri háður
góðvild einstaklinga og félagasamtaka.
Snjórinn
kætir
SNJÓRINN kætir börnin um land
allt, enda er hann endalaus upp-
spretta leikja og íþrótta. Var
hann því kærkominn börnunum í
Bolungarvík, sem kunnu að meta
hann og kunna líka að klæða sig
eftir veðri, sem var reyndar tek-
ið að hlýna snarlega í gær og
fyrradag.
Á myndinni eru frá vinstri:
Bergdís Sigurðardóttir hjúkrun-
arfræðingur, María Kristjáns-
dóttir, gjaldkeri Krabbameinsfé-
lags Ámessýslu, Helgi Hauksson
heilsugæslulæknir, Jón B. Stef-
ánsson, varaforniaður KFÁ,
Edda Pálsdóttir læknaritari,
Björg Sörensen, formaður KFÁ
og Kolbrún Skúladóttir, gjald-
keri Kvenfélags Þorlákshafnar.
Morgunblaðið/Jón H. Sigurmundsson