Morgunblaðið - 27.11.1999, Síða 16

16 D LAUGARDAGUR 27. NÓVEMBER 1999
MORGUNBLAÐIÐ
MATREIÐSLU-
MAÐUR ÁRSINS -
Kannski er ekki al-
veg sanngjarnt að
fá þaulvanan kokk
sem fulltrúa
jólamatargerðar fyrir
byrjendur en
Ragnar - sem ber
nafnbótina Mat-
reiðslumaður ðrsins
1999 - fullyrðir að
réttirnir sem hann
hefur útbúið séu
langt í frá óviðráö-
anlegir. Hann segir
að ekki megi láta
blekkjast af faglegri
uppröðuninni á
diskana - hátíðar-
matseldin sé ekki
eins flókin og hún
sýnist.
FROST OG FUNI - Dvergappeisínur fljóta í sætu sírópi umhverfis heitar „Brownies“ með ís.
Heimagert skraut
og Jóki björn á skjánum
JótÍMs wtA/ kátíð kejðaMMA/ oj Juer (lajzv suamat
(wtrjor uerið V mótuM/ ó/ (leJjmiluMi/ (micUímá
umí/ óroturjtuíceið. En/ er leyjUerjt oð bÚA/ tii
nýjar kejðir? Sigurbjörg Prastardóttír keinu
sóttb uMCjt yor seMc steMxiur JroMiMiifyrir jyvv
syeuMMMxii iterkejni aðjuuco/ uyyjóiÍM/.
Sólblómið
Við bjóðum ykkur
hjartanlega velkomin
í hlýja og vinalega
verslun okkar.
Snorrabraut 22
sími 561 5116
Hlökkum til að sjá ykkur!
Fríða og Sigga
H stofugólfinu stendur
María litla Lív, fjórtán
mánaða, alveg
dæmalaust fín í
rósóttum kjól. Hún
er að æfa sig að
ganga, því innan tíðar verður sett
upp jólatré í stofunni og hana lang-
ar að geta rölt í kringum það
óstudd.
I eldhúsinu er mamma að föndra
við mosa og hnetur og pabbi er
eitthvað að dútla við pottana. Það
hlýtur að vera í sambandi við þessi
jól sem allir eru að tala um, en Mar-
ía Lív man ekki vel eftir jólahátíðinni
í fyrra. Jólin í ár verða þannig í raun
hennar fyrstu, og líka fyrstu jólin
sem litla fjölskyldan heldur í kjall-
araíbúðinni við Skeiðarvoginn.
Sammála um að
borða klukkan sex
„Við ætlum að vanda okkur við
að hafa það verulega gott og nota-
legt um jólin. Hrærast í algjöru
tímaleysi og njóta þess að þurfa
ekki að mæta á ákveðna staði á
ákveðnum tíma eins og alla aðra
daga,“ segir Erla Snorradóttir um
leið og hún leggur sem snöggvast
frá sér mosakransinn. Erla starfar
við afgreiðslu í verslun og býst því
við löngum vinnustundum þegar
nær dregurjólum. Unnustinn Ragn-
ar Ómarsson er kokkur á Hótel
Holti þar sem einnig er aukavinnu
að vænta í desember, en eins og
hann bendir á verður allt slíkt yfir-
staðið þegar hátíðin sjálf gengur í
garð.
Fundum Erlu og Ragnars bar á
sínum tíma saman í eldhúsi
Perlunnar þar sem þau störfuðu
bæði sumarlangt og fyrstu jólunum
eyddu þau saman í hitteðfyrra. „Þá
bjuggum við á Vesturgötunni, vor-
um tvö ein saman um jólin, bjugg-
um til konfekt og höfðum það æð-
islega gott,“ rifjar Ragnar upp. „í
matinn höfðum við svínahnakka,
þvert á allar venjur að heiman, en
þar sem við höfum bæði alist upp
við að borða á slaginu sex héldum
við í þá hefð og hlustuðum í andakt
þegar útvarpið hringdi inn jólin,“
bætir Erla við.
í fyrra dvaldi parið í Noregi i
nokkra mánuði og flutti ekki til Is-
lands fyrr en skömmu fyrir jól. „Þá
var ákveðið að dvelja yfir jólin hjá
foreldrum Erlu á Egilsstöðum þar
sem ég kynntist nýrri jólamenningu.
Til dæmis var það ný reynsla að
hlusta á jólakveðjurnar í útvarpinu
hennar tengdamömmu," upplýsir
Ragnar og kímir.
Nýtt og betra skraut
Nú þegar þriðju jólin nálgast
mun unga parið halda í sumar
hefðir úr foreldrahúsum en skapa
sér aðrar nýjar eftir atvikum. „Ég
er til dæmis staðráðin í að skreyta
jólatréð nokkrum dögum fyrir jól,
þótt það hafi aldrei verið sett upp
fyrr en á Þorláksmessu hjá foreldr-
um Ragnars og á aðfangadag á
mínu heimili," segir Erla. „Svo
reynum við að vera frekar spar-
söm í desember, en gera samt fínt
í kringum okkur. Til dæmis hef ég
búið til kertahringi úr þykkum
servíettum og servíettuhringi úr
trjágreinum úr garðinum," segir
hún og dregur fram í dagsljósið
sitthvað fleira fallegt sem hún hef-
ur útbúið í frístundum. Ragnar er
hæstánægður með heimagerða
jólaskrautið hennar Erlu, segist
enda löngu orðinn leiður á „sama
gamla skrautinu að heiman" - þó
með fullri virðingu fyrir smekk for-
eldranna.
Að ganga í barndóm
Enn hefur ekki verið ákveðið
hvar litla fjölskyldan eyðir að-
fangadagskvöldi í ár, en þegar
hefur borist heimboð frá foreldrum
Ragnars í Keflavík. „María Lív er
svo eftirsótt - mamma og pabbi
vilja ólm njóta nærveru hennar um
jólin,“ segir Ragnar. „Já, við mun-
um eflaust þiggja boðið, enda
finnst mér alltaf skemmtilegt að
hafa fullt af fólki í kringum mig á
aðfangadag," bætir Erla við, og
þar með er hugmynd Ragnars um
róleg heimajól felld á jöfnum at-
kvæðum. „En ég vil taka fram að
hvar sem ég er staddur finnst mér
nauðsynlegt að horfa á skrípóið í
sjónvarpinu á aðfangadag, í það
minnsta með öðru auganu," segir
Ragnar einlægur á svip. „Já, mað-
ur verður alltaf svo mikið barn um
jólin,“ bætir Erla við. „Mér finnst
jólatré til dæmis alltaf stórmerkileg
og tilkomumikil, alveg eins og
þegar ég var lítil. Svo þykir mér
jólastemmningin eiginlega ekki
fullkomnuð fyrr en ég sé jólaaug-
lýsingu Coca Cola í sjónvarpinu -
þessa með fjölþjóðlega hópsöngn-
um,“ segir hún og skellihlær.
Jólin eru meira
en gjafirnar_______________
Ragnar tekur undir og bætir við
að það sé jafnframt hluti af jóla-
skapinu að hlusta á jólalögin í vinn-
unni síðustu dagana og fara í bæ-
inn á Þorláksmessu - jafnvel þótt
ekki eigi eftir að kaupa neitt. „Jólin
snúast um milljón litla hluti sem
smella saman á réttum tíma. Þetta
er einhvern veginn innbyggt í gang-
verkið; jafnvel þótt allt sýnist ógert
þá koma jólin samt alltaf á réttum
tíma.“