Morgunblaðið - 03.03.2000, Blaðsíða 26

MORGUNBLAÐIÐ
26 FÖSTUDAGUR 3. MARS 2000
HASKOIABIO
Anna and the King (Anna og konungurinn) er mynd sem gerist í Tælandi undir lok
19. aldar og fjallar um dramatískt líf breskrar kennslukonu og þau ævintýri sem
hún lendir í. Með aðalhlutverk fara Jodie Foster og Yun-Fat Chow.
Tilnefnd til tveggja Óskarsverðlauna!
-ALLTAf^ e/TTH\SA£D A/ÝTT

I tilefni af frumsýningu kvikmyndarinnar Anna and the King
(Anna og konungurinn) bjóða mbl.is og Skífan þér að taka
þátt í léttum leik á mbl.is. Það eina sem þú þarft að-gera
er að svara léttum spurningum um myndina á mbl.is.
Verðlaun
• Glæsileg 8 rétta máltíð fyrir tvo í boði veitingahússins Asíu
• Glæsilegt silfurhúðað matarprjónasett.
• Play Station-leikjatölva frá Skífunni.
• Anna and the King-simabækur.
• Anna and the King-lyklakippur og -bókamerki.
• Miðar fyrir tvo á myndina.
Iyeggja_iítra kippa af Egils-kristal
ERLENT
Alvarlegt lestarslys í Danmörku
Þrír látnir og
tugir slasaðir
Kaupmannahöfn. AP.
TVÆR farþegalestir skullu saman
í grennd við K^lkær-stöðina suð-
vestan við Ikast á Jótlandi snemma
í gærmorgun og fórust þrír, báðir
lestarstjórarnir og kona úr röðum
farþega. Að auki slösuðust 36, þar
af einn alvarlega, en alls voru um
70 manns í lestunum.
Talsmaður lögreglunnar í Hern-
ing sagði á fréttamannafundi að
búið væri að bera kennsl á hina
látnu en nöfn þeirra yrðu ekki gef-
in upp fyrr en náðst hefði í
aðstandendur.
Kplkær-stöðin er ekki lengur í
notkun, að sögn netútgáfu Berl-
ingske Tidende, en hún er á milli
bæjanna Brande og Herning,
nokkurn veginn á miðju Jótlandi.
Lest á suðurleið frá Herning hafði
verið stöðvuð og var á hliðarspori
til að hleypa hinni framhjá en um-
rædd lest, sem var á leið til Struer,
ók af einhverjum ástæðum inn á
hliðarsporið af aðalbrautinni og
framan á hina fyrrnefndu.
„Það eina sem við vitum er að
önnur lestin átti ekki að vera á
hliðarsporinu," sagði Peder Christ-
ensen, yfirmaður í lögreglunni, í
samtali við TV-2 sjónvarpsstöðina.
Við höggið þeyttist kyrrstæða
lestin um 150 metra aftur á bak.
Lestarslysið er hið mannskæðasta
í Danmörku síðan 1988 er átta
manns fórust.
Jörg Haider í blaðaviðtali
Segir Hitler hinn
versta á 20. öld
Beirút, Brussel. AFP.
HINN umdeildi austurríski stjóm-
málamaður Jörg Haider sagði í við-
tali sem birtist í arabísku blaði, út-
gefnu í Lundúnum, í gær, að Adolf
Hitler hefði verið „versti maður 20.
aldarinnar" og að austurrísk stjórn-
völd ættu að biðjast afsökunar á
þætti Austurríkis í helíor nazista
gegn gyðingum.
Viðtalið í dagblaðinu Asharq a1-
Awsat, sem gefið er út á arabísku í
Lundúnum, var tekið sl. sunnudag,
daginn áður en Haider sagði af sér
formennsku í Frelsisflokknum
(FPÖ), sem flokkaður er sem lýð-
skrumsflokkur á hægri vængnum og
á nú aðild að ríkisstjórn Austum'kis.
„Hitler var versti maður 20. aldar-
innar,“ er haft eftir Haider, en hann
hefur á stjómmálaferli sínum haft
uppi ummæli sem gjarnan hafa verið
túlkuð sem lof um vissa þætti
nazistatímans. „Austurríki ber hluta
ábyrgðarinnar á helförinni og ætti að
biðjast afsökunar, fyrst og fremst
fyrir komandi kynslóðir," sagði
Haider um útrýmingarherferð
nazista gegn gyðingum í Evrópu.
Haider hvatti ísraelsstjóm til að
senda sendiherra sinn aftur til Vínar-
borgar; sambandið milli Austmríkis
og Israels væri gott. Sendiherrann
var kallaður heim þegar Frelsis-
flokkur Haiders myndaði ríkisstjóm
ásamt hinum íhaldssama Þjóðar-
flokki fyrir tæpum mánuði og ísra-
elskir ráðamenn hafa lýst því yfir að
afsögn Haiders úr flokksleiðtoga-
hlutverkinu breyti engu.
Haider sakar í viðtalinu vinstriöfl-
in í Austurríki um að bera höfuð-
ábyrgðina á „rógsherferðinni" sem
hann þurfi að þola um þessar mundir.
Talsmaður Héraðanefndar
Evrópusambandsins, ráðgefandi
nefndar sem skipuð er kjörnum full-
trúar héraðsstjóma aðildarlandanna
og Haider á sæti í sem fylkisstjóri
suður-austurríska héraðsins Kárn-
ten, staðfesti í Brassel í gær að Haid-
er hygðist sækja næsta fund nefnd-
arinnar, 12.-13. apríl næstkomandi.
Hverfisborgarstjóri Etterbeek-
hverfís í Brassel, þar sem hagsmuna-
gæzluskrifstofa Kárnten er til húsa,
hefur áður lýst því yfir að sitt
markmið sé að Haider láti ekki sjá
sig.
Sænski herinn
Síld en ekki
kafbátar?
SÆNSKI herinn telur sig enn
hafa sannanir fyrir því að so-
véskir kafbátar hafi endurtekið
siglt inn í sænska landhelgi í
byrjun níunda áratugarins,
enda þótt ýmislegt hafi komið á
daginn sem kann að draga úr
trúverðugleika þess. Nú er tal-
ið hugsanlegt að ekki einasta
hafi sænski herinn ranglega
haldið minka á sundi vera so-
véska kafbáta, heldur hafi síld
einnig blekkt hann. Að því er
fram kemur í netútgáfu Dagens
Nyheter hafa sex ára rann-
sóknir með hjálp nýrrar tækni
leitt í ljós að síld gefur frá sér
sams konar hljóð og kafbátar.