Morgunblaðið - 30.06.2000, Síða 2

2 FÖSTUDAGUR 30. JÚNÍ 2000
MORGUNBLAÐIÐ
FRÉTTIR
Islensk börn geta vænst lengri
skólagöngu en innan OECD
FIMM ÁRA bam á íslandi getur
vænst þess að sækja skóla í 17,7 ár
en meðaltal í OECD-ríkjunum er
16,4 ár. Þar af mun íslenska barnið
að meðaltali sækja skóla á fram-
haldsskólastigi í tæp fimm ár og
skóla á háskólastigi í tvö ár. I
OECD-löndunum tekur fólk á aldr-
inum 25-64 ára að meðaltali þátt í
símenntun í eitt ár yfir starfsævina.
Þetta kemur fram í ritinu Educat-
ion at a Glance sem OECD gefur út.
Útskriftarhlutfall íslenskra nem-
enda á framhaldsskólastigi er með
því hæsta sem gerist innan OECD-
ríkja en útskriftarhlutfall er reikn-
að þannig að 1 fjölda útskrifaðra er
deilt með fjölda í dæmigerðum ald-
ursárgangi. Á íslandi er reiknað
hlutfall af 20 ára aldurshópnum til
að reikna útskriftarhlutfall fyrir
framhaldsskólastigið. Útskriftar-
hlutfallið á íslandi er 92% en með-
altal OECD-ríkja er 79%.
„Þetta háa útskriftarhlutfall ís-
lenskra framhaldsskólanema má
m.a. skýra með því að margir nem-
endanna eru eldri en tvítugir þegar
þeir útskrifast. Að auki bjóða sumir
íslensku framhaldsskólanna upp á
útskriftir eftir styttra nám en fjög-
ur ár sem einnig hækkar fjölda út-
skrifaðra," segir í Fréttum Hag-
stofu íslands þar sem greint er frá
upplýsingum í ritinu.
Minnst útgjöld hér
til háskólastigsins
Þar kemur einnig fram að út-
skriftarhlutfall fyrir fyrstu háskóla-
gráðu var 25% á íslandi en 23% inn-
an OECD-landa að meðaltalið
skólaárið 1997-1998.
Útgjöld íslendinga til mennta-
mála námu um 5,7% af landsfram-
leiðslu árið 1997 sem er nærri með-
altali OECD-ríkja. Útgjöld íslands
til grunnskóla og framhaldsskóla er
einnig nálægt meðaltali OECD-
ríkja. Eingöngu 0,7% af landsfram-
leiðslu íslands fer til háskólastigs-
ins en meðaltal OECD-ríkja er
1,3%.
Menntunarstaða íslensku þjóðar-
innar er nærri meðaltali OECD-
ríkja. Þannig höfðu árið 1998 63%
karla og 48% kvenna á aldrinum
25-64 ára lokið námi á framhalds-
skólastigi sem veitir aðgang að há-
skólastigi. Meðaltal OECD-ríkja
var 64% fyrir karla og 58% fyrir
konur. Munurinn milli kynjanna
stafar af kynjamun í elstu aldurs-
flokkunum þar sem lítill munur er á
mUli kynja í aldurshópnum 25-34
ára. Sama ár höfðu 17% íslenskra
karla og 15% kvenna á aldrinum
25-64 ára lokið háskólaprófi en
meðaltal OECD-ríkja var 15% fyrir
karla og 12% fyrir konur.
Atvinnuþátttaka á íslandi er sú
mesta sem gerist í OECD-ríkjum
en hún er minna háð menntun en í
flestum öðrum aðildarlöndum
OECD. Eins og í öðrum OECD-
löndum er atvinnuþátttaka á Is-
landi mest meðal þeirra sem
lengsta skólagöngu hafa að baki.
Einnig er atvinnuleysi minnst með-
al þeirra mest menntuðu.
Geysir skvett-
ir líklega
ekki meira
úr sér í bili
GEYSIR, sem hefur nokkuð látið
á sér kræla síðan jarðskjálftahrin-
an hófst hinn 17. júní, mun að öll-
um líkindum ekki skvetta meira
úr sér í bili. Rauf sem fyrir all-
löngu var gerð í skál Geysis var
stífluð í gær með torfi og
sandpoka. Vatnsborð í Geysi
hækkar með þessu um 30 til 40
cm en hærra vatnsborð í skálinni
veldur því að Geysir gýs síður.
Þórir Sigurðsson, umsjónarmaður
svæðisins, segir að þetta sé gert
til að koma í veg fyrir slys á
ferðamönnum ef ske kynni að
Geysir myndi skyndilega gjósa, en
fólk sem stendur nálægt Geysis-
gosi getur brennst talsvert. Nokk-
uð hefur bætt í rennsli á hvera-
svæðinu undanfarið en Helgi
Torfason hjá Orkustofnun segir
aukninguna þó ekki mikla.
Er KRISTNI KOM Á ÍSLAND
Er kristni
kom á Island
í tilefni Rristnihátíðar sem
haldin verður á Þingvöllum um
helgina fylgir Morgunblaðinu í
dag 16 síðna blaðauki þar sem
rakinn er aðdragandi kristnitök-
unnar og sagt frá kristnitökunni
sjálfri. Eru fomar heimildir
látnar tala sem mest og þannig
leitast við að skapa meiri nálægð
við þá atburði sem um ræðir. í
forystugrein Morgunblaðsins í
dag segir m.a.: ,Að þetta skuli
vera hægt, að geta birt lesend-
um á tölvuöld orðrétt mörg
hundruð ára gamla texta og boð-
ið þeim vel að njóta, er að öllum
líkindum einstakt í heiminum og
er í raun og veru það sem gerir
Islendinga að því sem þeir eru.“
Fundi frestað
RÍKISSÁTTASEMJARI frestaði
fundi samninganefnda Samtaka at-
vinnulífsins og Bifreiðastjórafélags-
ins Sleipnis skömmu fyrir miðnætti
í gær. Ánnar fundur er boðaður kl.
16 í dag. Viðræður stóðu allan dag-
inn og sagði Þórir Einarsson sátta-
semjari að menn hefðu skoðað ýms-
ar leiðir til lausnar en ekki væri
hægt að tala um að árangur hefði
náðst að öðru leyti en því að við-
ræður héldu áfram. Deilan væri
mjög erfið.
Góðar veð-
urhorfur á
Kristnihátíð
ÚTLIT er fyrir að veður verði gott á
Suðvesturland um helgina, en þá fer
fram Kristnihátíð á Þingvöllum.
Samkvæmt upplýsingum Veðurstof-
unnar eru horfur á hægri breytilegri
átt og mjög hlýju veðri; 15-18 stiga
hita. Viss hætta er á síðdegisskúrum
á stöku stað. Útlitið fyrir sunnudag-
inn er enn betra en fyrir laugardag-
inn, en þá snýst vindur í norðaust-
læga átt. Veðurstofan segir að sú
vindátt þýði jafnan mjög hlýtt og
gott veður suðvestanlands.
í gær gaf Veðurstofan út svohljóð-
andi veðurspá fyrir landið allt.
„Fram í miðja næstu viku lítur út
fyrir fremur hæga breytilega átt.
Skýjað með köflum, en hætt við
þokulofti úti við sjóinn. Síðdegis-
skúrir á stöku stað. Hiti yfirleitt á
bilinu 10 til 20 stig, hlýjast til lands-
ins.“
Morgunblaðið/Júlíus
Ferðamenn virða fyrir sér Geysi í blíðunni á Suðurlandi í gær.
Afram skelfur
á Hestfjalls-
sprungunni
EINN jarðskjálfti af stærðinni 3,1 á
Richter-kvarða reið yfir Suðurland í
gærmorgun, en að öðru leyti var dag-
urinn tiltölulega rólegur á skjálfta-
vakt Veðurstofunnar. Upptök
skjálftans voru við Skeiðavegamót á
svipuðum slóðum og eftirskjálftarnir
þrír sem urðu í fyrradag og voru af
stærðinni 3-3,3. Mest skjálftavirkni
hefur verið á Hestfjallssprungunni
þar sem stóri skjálftinn 21. júní átti
upptök sín. Talsverð virkni er einnig
á sprungu í Holtunum. Ennfremur
hafa komið skjálftar með upptök
miðja vegu milli Selfoss og Hest-
fjalls. Allt hafa þetta verið litlir
skjálftar, þ.e.a.s. undir 2 á Richter.
Vakt verður á jarðskjálftadeild
Veðurstofunnar um helgina, en eftir
helgi verður tekin afstaða til þess
hvort eitthvað verður dregið úr við-
búnaði á deildinni.
Á kortinu, sem fengið er af vef
Veðurstofu íslands, tákna dökk-
rauðu punktamir nýjustu jarð-
skjálftana, en dökkbláu punktarnir
tákna skjálfta sem urðu fyrir meira
en sólarhring. Skjálftar merktir með
grænum stjörnum tákna skjálfta
stærri en 3 á Richter-kvarða.
Sérblöð í da

BIOBLAÐIÐ
k FÖSTUDÖGUM
Örvhent skytta
til Eyja/Bl
Sjö ára bið Fram
á enda/B2
Fylgstu
með
nýjustu
fréttum
www.mbl.is