Morgunblaðið - 23.07.2000, Blaðsíða 2

2 SUNNUDAGUR 23. JÚLÍ 2000
MORGUNBLAÐIÐ
FRÉTTIR
Góð afkoma rrkissjóðs leiðir af sér auknar greiðslur til LSR
Revnt að koma í veg
fynr framtíðarvanda
RÍKISSJÓÐUR greiddi alls þrjá
milljarða króna til Lífeyrissjóðs
starfsmanna ríkisins á fyrstu sex
mánuðum ársins skv. mánaðarleg-
um afkomutölum fjármálaráðu-
neytisins, en þetta er um tveimur
milljörðum meira en á sama tíma í
fyrra. Þessar greiðslur eru í sam-
ræmi við samning sem gerður var
í fyrra við lífeyrissjóðinn um aukn-
ar greiðslur til sjóðsins af tekju-
afgangi ríkissjóðs þegar afkoma
hans væri góð en samningurinn
miðar að því að tryggja að sjóður-
inn geti staðið við framtíðar-
skuldbindingar sínar.
Þegar lífeyrissjóðslögum var
breytt fyrir nokkrum misserum
gafst þáverandi starfsmönnum rík-
isins kostur á að velja á milli þess
hvort þeir færu í A- eða B-deild
Lífeyrissjóðs starfsmanna ríkisins.
Allir nýir starfsmenn ríkisins fara
sjálfkrafa í A-deild og að sögn
Ragnheiðar Árnadóttur, aðstoðar-
manns fjármálaráðherra, er ljóst
að hún mun standa undir sér í
framtíðinni. Hætta er hins vegar á
að B-deildin, sem mun með tíð og
tíma leggjast af, verði tóm innan
tíu til tólf ára ef ekkert verður að
gert.
,Af þeirri ástæðu var ákveðið að
nota hluta af tekjuafgangi ríkis-
sjóðs til að auka þessar greiðslur
núna þegar möguleiki er á og rík-
issjóður hefur efni á því. Markmið-
ið er að koma í veg fyrir framtíð-
arvanda í þessum efnum,“ sagði
Ragnheiður. í fyrra vantaði 55
milljarða upp á til að fyrirsjáan-
legt væri að B-deildin stæði undir
skuldbindingum sínum.
Fjárhæðin miðast við
greiðslustöðu ríkissjóðs
Sagði Ragnheiður að á þessu ári
hefðu verið reiddar af hendi um
500 milljónir á mánuði og ef fram
færi sem horfði myndi ríkissjóður
því í heildina leggja um 6 milljarða
til lífeyrissjóðsins á þessu ári.
Benti hún á að þessir peningar
sem nú væru lagðir fyrir ávöxtuð-
ust og kosturinn væri því sá að sú
heildarupphæð sem ríkissjóður
þyrfti að greiða þegar allt kæmi til
alls minnkaði hlutfallslega eftir því
sem meira væri lagt fyrir.
Ragnheiður sagði ennfremur að
samkvæmt samningi ríkisins og
Lífeyrissjóðs starfsmanna ríkisins
bæri ríkinu ekki skylda til að reiða
þessar greiðslur af hendi. Á meðan
ráðrúm væri til, líkt og nú er, væri
hins vegar fylgt ákveðinni áætlun í
þessum efnum, og miðaðist fjár-
hæðin við greiðslustöðu ríkissjóðs
á hverjum tíma. Markmiðið væri
að ekki kæmi til stórfelldra erfið-
leika og útgreiðslna úr ríkissjóði
síðar meir vegna sjóðsins.
Stalbfl
bróður síns
og ók inn í
húsagarð
LÖGREGLAN í Keflavík hand-
tók í gær ungan pilt sem hafði
ekið fólksbifreið bróður síns
inn í húsagarð. Bifreiðin, sem
er nýleg, skemmdist mikið og
er talin ónýt. Pilturinn var ekki
með ökuréttindi enda hefur
hann ekki aldur til. Hann er
grunaður um ölvun. Pilturinn
hafði tekið bifreið bróður síns
ófrjálsri hendi á heimili þeirra í
Keflavík og hafði ekið um
stund um bæinn þegar hann
missti að lokum stjórn á bif-
reiðinni með þeim afleiðingum
að hún hafnaði á grindverki við
húsagarð. Er lögreglan kom á
slysstað um fimmleytið í gær-
morgun reyndi pilturinn að
forða sér en lögreglumennirnir
reyndust snarari í snúningum
og náðu honum á hlaupum.
Hraðakstur
• •
í Oxnadal
LÖGREGLAN á Akureyri hafði í
nógu að snúast aðfaranótt föstu-
dags. Lögreglan stöðvaði 16 öku-
menn fyrir of hraðan akstur um
kvöldið og nóttina, 12 þeirra óku of
greitt um Öxnadalinn en hinir virtu
ekki hraðatakmarkanir á Akureyri
og Ólafsfirði. Einn þeirra sem lög-
reglan stöðvaði hafði tjaldvagn í
eftirdragi og annar ökumaður hafði
þegar verið sviptur ökuréttindum.
Að sögn lögreglu var mjög ró-
legt í miðbæ Akureyrar aðfaranótt
föstudags en um klukkan sex um
morguninn þurfti lögreglan að hafa
afskipti af tveimur líkamsárásum. I
báðum tilvikum þurftu menn að
leita aðhlynningar á slysadeild.
-------------
Bílvelta við
Borgarnes
BÍLVELTA varð á hringveginum
móts við Mótel Venus skammt ut-
an Borgarness um klukkan 11 í
gær. Tveir voru í bílnum. Farþeg-
inn slasaðist nokkuð og var fluttur
á heilsugæslustöðina í Borgarnesi
til aðhlynningar. Kind hljóp í veg
fyrir bifreiðina og þegar ökumaður
reyndi að forðast árekstur missti
hann stjórn á bílnum, sem valt og
hafnaði utan vegar.
-----*-♦-♦---
12 ölvaðir
undir stýri
EKKERT lát er á ölvunarakstri að
sögn varðstjóra hjá lögreglunni í
Reykjavík en 12 ökumenn, karlar
og konur á ýmsum aldri, voru
stöðvaðir í Reykjavík og Kópavogi
í fyrrinótt vegna gruns um ölvun
við akstur. Níu voru stöðvaðir í
Reykjavík, flestir um kl. 4-6 í
gærmorgun, er þeir voru á heim-
leið eftir ævintýri næturinnar. Þá
voru þrír drukknir ökumenn tekn-
ir undir stýri í Kópavogi.
-----♦-♦-♦---
Kaupmenn opn-
uðu Laugaveginn
KAUPMENN við Laugaveginn í
Reykjavík fjarlægðu í gærmorgun
skilti sem lokuðu götunni fyrir um-
ferð bíla. Skiltin voru við Klappar-
stíg og Bergstaðastræti og aðhafð-
ist lögregla ekkert þó þetta væri
gert. Kaupmenn hafa verið
óánægðir með lokunina og segja að
hún bitni á versluninni. Þeir sendu
borgaryfirvöldum skrifleg mót-
mæli fyrir skömmu.
Morgunblaðið/Kristján
Valgerður Sverrisdóttir, iðnaðar- og viðskiptaráðherra, ræsti búnaðinn í nýrri orkustöð Orkuveitu Húsavíkur við hátíðiega athöfn í gær. Við hlið
hennar stendur Hreinn Hjartarson, framkvæmdastjóri Orkuveitu Húsavíkur, en fyrir aftan þau standa forseti íslands, herra Ólafur Ragnar
Grímsson, og Arvid Kro, eiginmaður Valgerðar.
Valgerður Sverrisdóttir ræsti búnað í nýrri orkustöð Orkuveitu Húsavíkur
Áður ónýttur varmi notað-
ur til raforkuframleiðslu
VALGERÐUR Sverrisdóttir iðnaðar- og við-
skiptaráðherra ræsti búnað í nýrri orkustöð
Orkuveitu Húsavíkur við Kaldbak við hátíðlega
athöfn í gær. Á meðal gesta við athöfnina voru
Ólafur Ragnar Grímsson forseti íslands og heit-
kona hans, Dorrit Moussaieff, en þau heiðruðu
Húsvíkinga með nærveru sinni í gær og tóku þátt
í fjölbreyttri dagskrá í tilefni 50 afmælis Húsavík-
urkaupstaðar.
Nýja orkustöðin er sú eina sinnar tegundar í
heiminum að sögn Hreins Hjartarsonar, fram-
kvæmdastjóra Orkuveitu Húsavíkur, en til raf-
orkuframleiðslunnar er notaður áður ónýttur
varmi. „Við erum að flytja 125 gráðu heitt vatn 16
km leið frá Hveravöllum til bæjarins og nýtum
varmann frá 125 gráðum niður í 80 gráður til að
framleiða rafmagn. Þetta er varmi sem við höfum
verið að henda hingað til en vatnið var áður látið
sjóða á holutoppi á Hveravöllum og flutt 100
gráðu heitt í óeinangraðri lögn í bæinn. Hér er því
um mjög mikið umhverfísmál að ræða,“ sagði
Hreinn.
Iðnaðar- og viðskiptaráðherra sagði við vígsl-
una að Húsvflángar hafi verið í fararbroddi í nýt-
ingu jarðhitans. „Hin nýja orkustöð mun því án
efa efla og styðja mjög mannlíf, atvinnulíf og allt
byggðarlagið til frekari dáða í framtíðinni og
bæta kjör.“ í máli Valgerðar kom einnig fram að
aukin nýting jarðhitans hafi ekki haft lítil áhrif á
Stöðin sú eina sinnar
tegundar í heiminum
lífskjör íslendinga. Spamaður við að nýta jarð-
hita til húshitunar miðað við að flytja inn olíu í
þeim tilgangi nemi í dag tæplega átta milljörðum
króna á ári. Sé þá ekki meðtalinn hagnaður við
raforkuframleiðslu, iðnaðarframleiðslu og ylrækt
auk margháttaðra þæginda sem þessi gæði lands-
ins hafi veitt okkur sem erfitt sé að meta til efnis-
legs hagnaðar eða ábata.
Heildarkostnaður rúmar 800 milljónir
Hreinn sagði að þessi framkvæmd væri vissu-
lega fjárfrek fyrir ekki stærra samfélag en heild-
arkostnaður er áætlaður rúmar 800 milljónir
króna. Af þeirri upphæð leggur Húsavíkurbær
fram 92%, aðrir samstarfsaðilar 2% en afgangur-
inn er styrkur frá Evrópusambandinu, alls um 50
milljónir króna. Lögð hefur verið ný einangruð
pípulögn úr stáli frá jarðhitasvæðinu og liggur
hún neðanjarðar meðfram gömlu lögninni mestan
hluta leiðarinnar til bæjarins. Gert er ráð íyrir að
vatnið kólni um 2 gráður á leiðinni frá Hveravöll-
um til Húsavíkur. Orkustöðin hýsir rafstöð sem
er 2 MW tvívökva eining en þar eru einnig varma-
skiptar og stjómstöð.
Hreinn sagði að aðalmálið í öllu þessu væri
framleiðslan á heitu vatni fyrir bæjaifélagið og
svo að afgangsvarminn væri nýttrn- til rafmagns-
framleiðslu. „Raforkuframleiðslan kemur til með
að fullnægja um þremur fjórðu hlutum núverandi
raforkuþarfar bæjarfélagsins. Stöðin framleiðir
jafnframt heitt vatn á þeim hita sem iðnaður og
húshitun þarfnast hveiju sinni, allt að 120 gráður.
Okurverð á rafmagni hingað
Þetta er ekkert mjög ódýr vii-kjun en það er al-
gjört okurverð á rafrnagni hingað. Orkuveitan er
að kaupa rafmagn á hærra verði en t.d. Akureyr-
ingar eru að selja á út í fyrirtækin. Við eram í hópi
þeirra sveitarfélaga sem ekki hafa aðgang að
Landsvirkjun, Orkuveitan kaupir rafmagn í
gegnum RARIK sem millilið og meðalverðið sem
við greiðum er ríflega fjórar krónur fyrir kWst.
Við getum framleitt kWst á um þrjár krónur á
meðan Landsvirkjun framleiðir kWst á eina
krónu hér rétt við hhðina á okkur. Þannig að mis-
munurinn sem við greiðum fyrir raftnagnið fer í
að greiða niður álver og annað,“ sagði Hreinn.
Verklegar framkvæmdir hafa staðið yfir í um
eitt og hálft ár og sagði Hreinn að bæði verktími
og kostnaður væri í samræmi við frumáætlanir
þrátt fyrir skamman undirbúningstíma. Gert er
ráð fyrir að gjaldskrá Orkuveitu Húsavíkur hald-
ist óbreytt þrátt fyrir þessar miklu framkvæmdir.