Morgunblaðið - 02.08.2000, Blaðsíða 2
2 MIÐVIKUDAGUR 2. ÁGÚST 2000
MORGUNBLAÐIÐ
FRÉTTIR
Sláturfélag Suðurlands sendir nýtt kjöt á markað
Sumarslátrun hafin
SUMARSLÁTRUN hófst hjá Slát-
urfélagi Suðurlands á Selfossi í
fyrradag, en þá var um 260 lömbum
slátrað. Hermann Árnason, stöðv-
arstjóri Sláturfélags Suðurlands á
Selfossi, sagði að fyrstu lömbin lof-
uðu góðu, þau væru mun vænlegri
en í fyrra og hefðu komið einkar vel
út í flokkun. Hann sagði að kjötið
hefði verið selt til Nýkaups og að
fólk gæti hugsanlega nálgast það í
verslunum fyrirtækisins í dag.
Hermann sagði að SS hefði klár-
að sínar kjötbirgðir í apríl og því
hefði fyrirtækið þurft að kaupa
gríðarlegt magn frá öðrum. Hann
sagði að slátrað yrði vikulega fram
að jólum í sláturhúsinu á Selfossi og
að í september hæfist slátrun í slát-
urhúsunum á Kirkjubæjarklaustri
og á Laxá í Borgarfirði. Hann sagð-
ist gera ráð fyrir því að alls yrði um
120 þúsund lömbum slátrað fram að
jólum.
Að sögn Hermanns hefur oft ver-
ið erfitt að fá lömb í sumarslátrun
en hann sagði að það gengi þokka-
lega núna, þó væri það aðeins treg-
ara eftir að sett hefði verið útflutn-
ingsskylda á sumarslátrunina.
Hermann sagði að kosturinn við
að vera með svona langa sláturtíð
væri að geta útvegað ferskt ófryst
kjöt sem lengst. Hann sagði að hluti
kjötsins væri fluttur út til Dan-
merkur og að fyrstu skrokkarnir
færu þangað á næstu dögum. Hann
sagði að síðan yrði kjöt flutt þangað
vikulega allt fram að jólum.
Fundað um
ÍR-húsið í dag
FUNDAÐ verður í dag um fram-
tíð ÍR-hússins við Túngötu í menn-
ingarmálanefnd Reykjavíkur.
Guðrún Jónsdóttir, formaður
nefndarinnar, segir að húsið sé
sögulega stórmerkilegt. „Reykja-
vík er auðvitað ríkari með það inn-
an vébanda sinna,“ segir hún.
Kaþólska biskupsdæmið leigði
íþróttafélagi Reykjavíkur lóð á
Túngötu þar sem félagið byggði
íþróttahús árið 1930. Leigusamn-
ingurinn rann út árið 1964 og var
ekki gerður nýr. Á síðasta ári
krafðist kaþólska biskupsdæmið
heimildar til að fá ÍR borið út af
lóðinni með íþróttahúsið og fór
málið fyrir Hæstarétt þar sem
dómur féll biskupsdæminu í vil en
það hefur stefnt að því að hefja
framkvæmdir við byggingu nýs
íþróttahúss á lóðinni í sumar.
Tæplega
12% sam-
dráttur í
bflasölu
SALA á nýjum fólksbílum hefur
dregist saman um 11,95% íyrstu sjö
mánuði ársins, samkvæmt bráða-
birgðatölum frá Bílgreinasamband-
inu. Sölusamdrátturinn í júlí miðað
við sama mánuð í fyrra er 31%.
Alls var nýskráður 9.171 bíll
fyrstu sjö mánuði ársins en á sama
tíma í fyrra höfðu verið nýskráðir
10.416 bílar. í júlímánuði voru skráð-
ir 1.235 bílar, sem er 559 bflum færra
en í júlí 1999.
Sala hefur dregist saman í flestum
tegundum. Af söluhæstu bflunum er
samdrátturinn um og yfir 9%, þ.e. á
Toyota, Volkswagen og Subaru, en
sala á Nissan hefur aukist um 1,7%.
Þá hefur orðið rúmlega 83% aukning
í sölu á Mercedes-Benz.
---------------
Viðræður Sleipnis
og vinnuveitenda
Morgunblaðið/Sverrir
Kjaradeil-
an sögð á
viðkvæmu
stigi
SÁTTAFUNDI í deilu Bifreiða-
stjórafélagsins Sleipnis og Samtaka
atvinnulífsins (SA), sem hófst kl. 10 i
gærmorgun, lauk um hádegi án ár-
angurs. Gert er ráð fyrir að viðsemj-
endur komi aftur saman fyrir helgi
til óformlegra viðræðna og stefnt er
að formlegum samningafundi næst-
komandi þriðjudag.
„Staðan er óbreytt“
Óskar Stefánsson, formaður
Sleipnis, segir að menn hafi verið að
fara yfir stöðun'a í gær en ekkert
markvert hafi gerst. „Staðan er
óbreytt,“ sagði hann. Óskar vildi
engu spá um framhaldið og sagði að
kjaradeilan væri á viðkvæmu stigi.
Verkfalli Sleipnismanna var frestað í
síðasta mánuði til 12. ágúst.
Göngubrú á ferðalagi
Óvenjulegur farmur var fluttur um Vesturlandsveg- stóð til að loka hluta Miklubrautar frá miðnætti til kl.
inn í gær. Þarna var á ferðinni göngubrú sem til stóð 6 í morgun meðan verið væri að reisa brúna.
að reisa síðustu nótt yfir Miklubraut. Af þeim sökum .
Mjólkurkvdtinn búinn á Stekkjarvöllum í Staðarsveit
Mjólk borin á túnin
SVEINN Guðjónsson, bóndi á
Stekkjarvöllum í Staðarsveit, notar
nú mjólk sem áburð á tún og mela.
Mjólkurkvóti býlisins var uppurinn
fyrir u.þ.b. mánuði. í stað þess að
leggja mjólkina inn hjá Mjólkur-
samsölunni í Reykjavík ákvað
Sveinn að nota mjólkina frekar til
áburðargjafar. „Það er öllum hollt
að fá kalk,“ sagði Sveinn þegar
hann var inntur eftir því hvernig
mjólkin hefði reynst sem áburður.
Sveinn segir að kýr sínar hafi
mjólkað vel í vetur og því hafi
mjólkurkvótinn klárast fyrir u.þ.b.
mánuði. Verðið sem boðið er fyrir
mjólk sem er umfram kvóta sé of
lágt til þess að það taki því að
leggja mjólkina inn.
Fær krónu fyrir mjólkurlítrann
„Ég heyrði sagt á Rás 2 núna í
sumar að það væru tvær krónur
fyrir lftrann. Önnur krónan fer þá í
flutning suður.“ Hann segir að
bændur ættu ekki að leggja inn
mjólk þegar verðið er svo lágt.
„Menn eiga bara að nýta sinn kvóta
og svo búið,“ segir Sveinn. í hverri
viku eru um 500-600 lítrar af mjólk
bornir á mela og tún.
Sveinn lætur mjaltakerfið
mjólka beint í haugsugu. Hann not-
ar si'ðan haugsuguna til að dreifa
mjólkinni. Hann segir að helsti
gallinn sé að mjólkin súrni en það
komi þó ekki mikið að sök þar sem
hann beri hana á talsvert frá bæn-
um. Nýtt kvótatímabil hjá mjólkur-
bændum hefst hinn 1. september
og þá mun Sveinn senda mjólkina á
ný í Mjólkursamsöluna.
Go flýgur
ekki til
Islands
í vetur
BRESKA lágfargjaldaflugfélagið
Go hefur ákveðið að halda ekki
áfram áætlunarflugi sínu til Is-
lands næsta vetur. Go hefur flogið
fjórum sinnum í viku frá Lundún-
um til íslands frá 25. maí sl. Síð-
asta flug félagsins verður því hinn
27. september nk. líkt og áætlað
hafði verið upphaflega. Hins vegar
þykir líklegt að flogið verði að
nýju næsta vor.
Skortur á flugvélum
Vegna mikils áhuga á flugleið-
inni höfðu þó verið uppi áform um
að halda áfram áætlunarflugi á
þessari flugleið en að sögn tals-
manns Go var í gær tekin ákvörð-
un um að standa við upphaflegu
áætlunina og fljúga ekki í vetur.
Hann sagði ástæðuna m.a. vera
skort á flugvélum, því einungis
hefðu verið teknar frá vélar í þetta
flug út september.
Talsmaður félagsins sagði að
ávallt væru breytingar á flugleið-
um félagsins að hausti og vori, því
ekki væri flogið á alla áfangastaði
allan ársins hring. „Á veturna bset-
ast við áfangastaðir sem ekki eru
jafn eftirsóknarverðir á sumrin,
líkt og skíðastaðir. Sama gildir um
staði sem við fljúgum eingöngu til
á sumrin en ekki á veturna vegna
þess að þeir eru ekki jafn vinsælir
á þeim árstíma."
Líklega flogið
aftur næsta vor
„Hins vegar var velgengni þessa
flugs svo mikil að ekki þykir ólík-
legt að flogið verði að nýju til Is-
lands næsta vor,“ sagði hann.
„Ákvörðun þess efnis verður ekki
tekin fyrr en að nokkrum mánuð-
um liðnum og er því ekki hægt að
segja fyrr til um hvort áætlun
muni breytast frá því sem var í
sumar eða hvort henni verður
haldið óbreyttri.“
Go er lágfargjaldaflugfélag og
hóf sem fyrr segir áætlunarflug
milli London og Keflavíkur í vor.
Félagið er í eigu breska flugfé-
lagsins British Airways.
Sérblöð í dag
iUovminbtnMb
múR VERINU
► IVERINU í dag er m.a. sagt frá lækkandi kvóta-
verði, greint frá lokum humarvertíðar og áhuga
Norðmanna á að kaupa íslenskan þorsk. Einnig er
rætt við færeyskan skipstjóra og sagt frá til-
raunaeldi á kræklingi í Mjóafirði.
Tvísýnt með Jón Arnar vegna
támeiðslanna C/1
Víkingar skelltu Valsmönnum
öðru sinni C/2
► Teiknimyndasögur
► Myndir
► Þrautir
► Brandarar
► Sögur
► Pennavinir