Morgunblaðið - 02.08.2000, Blaðsíða 22
22 MIÐVIKUDAGUR 2. ÁGÚST 2000
MORGUNBLAÐIÐ
VIÐSKIPTI
Kjötiðnaðarfyrirtækið Goði hf, verður til úr sameiningu fimm sláturhúsa og kjötvinnslna
V er ður stær sti
sláturleyfís-
hafi landsins
Morgunblaðið/Árni Sæberg
Stjórnendur Goða hf., frá vinstri: Valdimar Grímsson, framkvæmdastjóri, Pálmi Guðmundsson, varaformaður og
Ólafur Sveinsson, stjórnarformaður.
GOÐI HF. er nýtt fyrirtæki í kjöt-
iðnaði og sláturhúsarekstri en það
var formlega stofnað í gær. Goði
hf. varð til við sameiningu Borgar-
ness-Kjötvara ehf. í Borgarnesi,
Sláturhúss og kjötvinnslu Kaupfé-
lags Héraðsbúa á Egilsstöðum,
Kjötumboðsins hf. í Reykjavík,
Norðvesturbandalagsins hf. á
Hvammstanga og Þríhyrnings hf.
Eftir sameininguna verður Goði hf.
stærsti sláturleyfíshafi landsins
með liðlega 40% markaðshlutdeild
og skiptist hún nokkuð jafnt á milli
svína-, hrossa- og kindakjöts.
Þrír stærstu eigendur Goða eru
Norðvesturbandalagið, Þríhyrn-
ingur og Kaupfélag Héraðsbúa.
Stjórn Goða skipa Olafur Sveins-
son, sem kemur frá Norðvestur-
bandalaginu og er stjórnarformað-
ur, Pálmi Guðmundsson frá
Þríhyrningi, varaformaður, og Ingi
Már Aðalsteinsson frá Kaupfélagi
Héraðsbúa, ritari. Framkvæmda-
stjóri Goða hf. er Valdimar Grfms-
son.
Að sögn forráðamanna hins nýja
félags er markmið sameiningarinn-
ar fyrst og fremst það að mynda
öfluga rekstrareiningu og laga
framleiðslu á íslenskum landbún-
aðarafurðum að síbreytilegu mark-
aðsumhverfi. Það sé mun auðveld-
ara þegar stórt og þróttmikið
fyrirtæki eigi í hlut. Markmið Goða
hf. sé að geta boðið bændum góð
kjör í viðskiptum sínum og vera um
leið afurða- og vinnslustöð í
fremstu röð.
Stefnt að skráningu Goða hf.
á hlutabréfamarkaði
í ár er gert ráð fyrir að velta
Goða hf. verði um 3,6 milljarðar
króna en stefnt er að því að veltan
losi fjóra milljarða króna á næsta
ári. Starfsmenn fyrirtækisins eru
um 260 talsins og þar af um 200 úti
á landi. Á álagstímum eins og þeg-
ar sláturtíð stendur yfír fjölgar
starfsmönnum í allt að 700 manns.
Stjórnendur Goða hf. segja að ekki
séu fyrirsjáanlegar uppsagnir
starfsfólks vegna sameiningarinn-
ar. Aðspurður sagðist Ólafur
Sveinsson stjórnarformaður ekki
draga dul á það að það væri á
stefnuskrá fyrirtækisins að skrá
það á hlutabréfamarkað en auðvit-
að yrði að fara fram töluverð vinna
áður en af því gæti orðið.
Goði hf. mun reka sláturhús á
Hvammstanga, Búðardal, Hólma-
vík, Egilsstöðum, Fossvöllum,
Breiðdalsvík, Hornafirði, Hellu,
Þykkvabæ og Reykjavík. Höfuð-
stöðvar Gpða hf. verða í Reykjavík.
Að sögn Ólafs Sveinssonar verður
slátrun með óbreyttum hætti í
haust en hins vegar sé ljóst að
afkastageta Goða hf. í slátrun sé of
mikil og ljóst að draga þurfi úr
henni þó að það verði ekki gert á
hausti komanda. Þá sé og ljóst að
hagræða megi töluvert í sölu- og
dreifingarmálum auk þess sem efla
megi vöruþróun félagsins enda sé
vöruþróun að verða lykilatriði fyrir
fyrirtæki af þessu tagi.
Morgunblaðið/Ásdís
Hreinn Jakobsson, forstjóri Skýrr, segir að allir eignarhlutir félagsins í
öðrum fyrirtækjum séu í sífelldri endurskoðun.
Skýrr minnkar
hlut sinn í Ax-
hug’búnaðarhúsi
SKÝRR hf. hefur selt hluta af eign-
arhlut félagsins í Ax-hugbúnaðar-
húsi hf. að nafnverði 24 milljónir
króna en söluandvirði bréfanna nam
60 milljónum króna. Jafnframt fram-
seldi Skýrr hf. rétt sinn til hluta-
bréfakaupa í afloknu hlutafjárútboði
en þá var hlutafé Ax-hugbúnaðar-
húss aukið um 40 milljónir króna eða
í 340 milljónir.
Eignarhlutur Skýrr hf. í Ax-hug-
búnaðarhúsi nemur nú 136 milljón-
um króna að nafnverði og lækkar
eignarhluturinn úr 53,3% í 40%.
Ax-hugbúnaðarhús var stofnað í
september í fyrra af Tæknivali,
Skýrr og Opnum kerfum og var upp-
haflegt hlutafé 300 milljónir króna.
Skýrr átti þá 40%, Tæknival 25%,
Opin kerfí 10% og starfsmenn og
fagfjárfestar 25%. I vor keypti Skýrr
hf. viðbótarhlut í Ax-hugbúnaðar-
húsi fyrir 76 milljónir króna og eign-
aðist þar með meirihluta í félaginu
eða 53,3%. Bréfin keypti Skýrr á
genginu 1,9 en við söluna nú var
gengið 2,5 þannig að segja má að
Skýrr hafi hagnast um 14,4 milljónir
króna á viðskiptunum ef miðað er við
kaupin í vor.
Hluti af virkri fjár-
festingarstefnu
Hreinn Jakobsson, forstjóri
Skýrr, segir að Skýrr hafi keypt auk-
inn hlut í Ax-hugbúnaðarhúsi í vor
vegna þess að mönnum hafi þótt það
vænlegur fjárfestingarkostur. Það
hafi ekki endilega verið stefna Skýrr
að eiga meirihluta hlutafjár í Ax. Hjá
Skýrr sé einfaldlega stunduð virk
íjárfestingarstefna og það þýði að
allir eignarhlutir félagsins í öðrum
fyrirtækjum séu í sífelldri endur-
skoðun. Menn hafi í þessu tilviki
ákveðið að minnka eignarhlutinn í
Ax og leysa til sín söluhagnað sem
varð til á tímabilinu. Skýrr eigi eftir
sem áður 40% í Ax og í raun sé eign
Skýrr í Ax hærri en í upphafi þar
sem hlutafé hafi verið aukið úr 300 í
340 milljónir.
Aðspurður sagði Hreinn að kaupin
hafi farið fram í gegnum verðbréfa-
fyrirtæki og hann viti ekki hver end-
anlegur kaupandi sé.
Sex mánaða uppgjör Skeljungs hf,
Hagnaður fyrir afskriftir
o g fjármagnsliði eykst
Æ\ Skeljungur hf. Æ\ Úr milliuppgjöri 2000 V X
Rekstrarreikningur jan,- júní 2000 1999 Breyting
Rekstrartekjur Milljónir króna 6.056 4.395 +37,8%
Rekstrargjöld 5.733 4.104 +39,7%
Afskriftir -169 -153 +10,5%
Fjármagnsliðir -87 -2
Reiknaður tekjuskattur -74 -89 -16,9%
Aðrar tekjur og gjöld -5 11 -145,5%
Hagnaður ársins 158 211 -25,1%
Efnahagsreikningur 30.06.OO 30.06.99 Breyting
Eignir samtals Milljónir króna 8.714 7.463 +16,8%
Eigið fé 3.854 3.264 +18,1%
Skuldir 4.860 4.199 +15,7%
Skuldir og eigið fé samtals 8.714 7.463 +16,8%
Kennitölur og sjóðstreymi 2000 1999 Breyting
Eiginfjárhlutfall 44,2% 44,1 %
Veltufjárhlutfall 1,07 1,35
Veltufé frá rekstri Milljónir króna 407 425 -4,2%
Skeljungur hf. birti í gær árshluta-
reikning sinn íyrir tímabilið 1. janúar
til 30. júní. 25% minni hagnaður varð
en fyrir sama tímabil í fyrra og skýr-
ist það af mun óhagstæðari fjár-
magnsliðum, en hagnaður íyrir þá liði
hækkaði úr 444 milljónum í 494 millj-
ónir króna, eða um 11%.
Hreinar rekstrartekjur, sem eru
rekstrartekjur að frádregnu kostnað-
arverði seldra vara, hækkuðu um
tæplega 8%, en rekstrargjöld án af-
skrifta hækkuðu um rúmlega 6%.
Heildarsala fljótandi eldsneytis
jókst um 8% ogvoru seldar rúmlega
164 milljónir lítra.
Arðsemi eigin fjár lækkar
Eigið fé hækkaði um rúmlega 18%
og eiginfjárhlutfallið stóð í stað í rúm-
lega 44%. Arðsemi eigin fjár lækkaði
úr tæpum 13% í rúm 8%.
Bókfært verð hlutabréfa í eigu fé-
lagsins nam í lok júní 1.249 milljónum
króna. Þar af eru hlutabréf að upp-
hæð 1.071 milljón króna sem skráð
eru á hlutabréfamarkað, en markaðs-
virði þeirra er rúmir tveir milljarðar
króna.
„Við erum nokkuð ánægðir með
þetta uppgjör," segir Gunnar Karl
Guðmundsson, fjármálastjóri Skelj-
ungs, en bætir því við að gera hafi
mátt ráð fyrir því að fjármagnsliðir
yrðu félaginu óhagstæðir. „Það sem
við teljum að mestu máli skipti," segir
hann, „er að við höldum rekstrar-
kostnaði niðri þrátt fyrir aukin umsvif
og aukum hreinar rekstrartekjur."
Skýringuna á minna veltufé frá
rekstri en í fyrra segir Gunnar Karl
vera mikla gengislækkun krónunnar í
lok júní sem valdið hafi gengistapi
skammtímalána.
Gunnar Karl var spurður út í hátt
eiginfjárhlutfall og minni arðsemi
eigin fjár en í fyrra. Sagðist hann telja
jákvætt að fyrirtækið hefði sterka
eiginfjárstöðu. Hann sagði einnig að
eigið fé Skeljungs væri ekki mikið ef
miðað væri við eigið fé keppinautanna
tveggja samtals, en hægt væri að líta
á eigið fé hinna félaganna sem eina
stærð vegna eignartengsla þeirra.
Hann sagði fyrirtækið meta það svo
að það þyrfti á þessu eigin fé að halda
til að geta varið stöðu sína og sagðist
jafnframt benda á að í fyrra hefði arð-
semi eigin fjár verið viðunandi, en
hún var 15,7% fyrir allt árið í fyrra.
Um Select-verslanimar sagði
Gunnar Karl að þær hefðu komið
mjög vel út, en ekld væri í bígerð að
fjölga þeim. Hann sagði þessar versl-
anir vera famar að skipta veralegu
máli í rekstrinum og að þær styrktu
stöðu hans enn frekar.
Ekki svigrúm til hækkunar
Greiningardeild Kaupþings sendi
frá sér greiningu á Skeljungi vegna
birtingar milliuppgjörsins í gær. Þar
kemur fram að hækkun hagnaðar
fyrir fjármagnsliði og afskriftir upp á
11,3% megi teljast viðunandi. Grein-
ingardeildin býst þó ekki við mikilli
aukningu hagnaðar og því sé ekki
svigrúm til hækkunar bréfa Skelj-
ungs.
Rósa Guðmundsdóttir, starfsmað-
ur greiningardeildarinnar, sagði að
fólki væri ekki endilega ráðlagt að
selja bréfin, ákvörðun um það færi
eftir því á hvaða forsendum fólk fjár-
festi. Hún benti á að seljanleiki bréf-
anna væri lítill en á móti kæmi að
bréfin gætu verið ágætis kostur í
eignasöfn þar sem sveiflur í afkomu L
olíuíélaga væra ekki miklar. Hún |
sagðist telja að til langs tíma myndu |
bréfin hækka, en álit greiningardeild- p
arinnar væri að aðrir fjárfestingar-
kostir væra líklegii til að gefa betur
af sér til skemmri tíma litið.
Rósa sagðist telja fyrirtækið ágæt-
lega rekið. Hún benti á að þrátt íýt'ir
að fjámagnsliðir hefðu verið neikvæð-
ir á fyrrihluta ársins væri þar um eðli-
legar sveiflur að ræða og fjárfestar
gætu ekki vænst þess að fyrirtæki L
skiluðu gengishagnaði eins og í fyiTa
ár eftir ár.