Morgunblaðið - 30.08.2000, Blaðsíða 14

14 MIÐVIKUDAGUR 30. ÁGÚST 2000
MORGUNBLAÐIÐ
HÖFUÐBORGARSVÆÐIÐ
Nemendur í Flensborgarskóla
fartölvuvæðast
Otakmarkað-
ur aðgangur
að Netinu
Hafnarfjordur
HÁTT í fimmtíu nemendur í
Flensborgarskóla fengu í gær
afhentar fartölvur til þess að
nota við nám sitt í skólanum.
Flensborgarskóli hefur ásamt
Hafnarfjarðarbæ átt í sam-
starfi við Opin kerfi og Spari-
sjóð Hafnarfjarðar um að auð-
velda nemendum að eignast
fartölvur en einnig hefur hef-
ur þráðlaust tölvukerfi verið
byggt upp í skólanum til þess
að mæta aukinni tölvunotkun.
Einar B. Steinþórsson,
skólastjóri Flensborgarskóla,
segir nemendur skólans nú fá
tækifæri til þess að eignast
tölvur á hagstæðari kjörum
en ella. „Opin kerfi bjóða
nemendum skólans fartölvur
á hagstæðari kjörum en bjóð-
ast á almennum markaði og
Sparisjóður Hafnarfjarðar
býður nemendum eða foreldr-
um þeirra hagstæð lán til þess
að fjármagna kaupin. Auk
þess hefur Hafnarfjarðarbær
styrkt okkur tii þess að setja
upp loftnetakerfi í skólanum
til þess að mæta aukinni
tölvunotkun nemenda," segir
Einar.
Hann segir nemendur skól-
ans engan veginn skylduga til
þess að eiga fartölvur. „Það er
langt frá því að við séum að
skylda nemendur okkar til
þess að kaupa sér tölvur. Við
erum með margar vélai- í skól-
anum en þar eru tvö tölvuver
sem notuð eru til kennslu og
eitt sem er opið eingöngu fyr-
ir nemendur. Auk þess eru
fastar vélar í kennslustofum
skólans. Hins vegar er öllum
nemendum boðið upp á að
kaupa fartölvur en þannig
viljum við skapa tækifæri fyr-
ir þá til þess að eignast slíkar
tölvur og nota þær. Nemend-
ur sem kaupa vélarnar leigja
síðan netkort af skólanum
sem veitir þeim ótakmark-
aðan aðgang inn á tölvunetið,“
segir Einar.
Kennarar sækja
viðamikil námskeið
Að sögn Einars hafa kenn-
arar verið jákvæðir gagnvart
tölvuvæðingu nemenda en
hópur þeirra sækir nú viða-
mikil námskeið til þess að
undirbúa sig fyrir að vinna
með nemendum með fartölv-
ur.
„Það sem okkur þykir verst
er að skólinn skuli ekki hafa
bolmagn til þess að útvega
starfsmönnum sínum svona
vélar. Kennarar hafa tölvur á
vinnuborðum sínum og síðan
eru tölvur í kennslustofunum
tengdar þessu Neti. Á þann
hátt verða þeir að vinna með
þetta til að byrja með,“ segir
Einar.
Tilboð Opinna kerfa og
Sparisjóðsins mun standa
nemendum opið áfram og lík-
lega munu enn fleiri nemend-
ur nýta sér það þegar líður á
Nemendur munda sig við nýju fartölvurnar.
Morgunblaðið/Amaldur
veturinn. „í þessari fyrstu út-
hlutun voru þetta tæplega 50
nemendur en gert er ráð fyrir
að tölvur verði afgreiddar um
það bil einu sinni í mánuði eft-
ir því sem pantanir berast en
næsti frestur rennur út 15.
september," segir Einar.
Ekki þróunarskóli
upplýsingatækni
Nokkrir framhaldsskólar á
íslandi taka nú þátt í verkefni
á vegum menntamálaráðu-
neytisins og eru þróunarskól-
ar í upplýsingatækni. Þeir
hafa meðal annars tekið í
notkun þráðlaust tölvukerfi
og nemendum hafa verið
boðnar tölvur á hagstæðum
kjörum. Flensborgarskóli
hefur ekki tekið þátt í þessu
verkefni heldur hefur skólinn
unnið sjálfstætt að uppbygg-
ingu kerfisins ásamt styrktar-
aðilum sínum. „Við höfum
unnið þetta svolítið upp á eig-
in spýtur en fengum reyndar
styrk frá ráðuneytinu árið
1999,“ segir Einar.
Hann segir að kalla megi
hóp fyrrverandi stúdenta við
skólann upphafsmenn að
þessari uppbyggingu. „Árið
1998 gáfu þáverandi 20 ára
stúdentar skólans okkur þá
gjöf að aðstoða okkur við að
byggja upp tölvukerfið sem
var orðið dálítið úrelt. Þeir
unnu að því með okkur að fá
íyrirtæki til samstarfs við
skólann. Til þess samstarfs
komu Opin kerfi, Sparisjóður
Hafnarfjarðar, Landssíminn
og SIF auk þess sem Hafnar-
fjarðarbær styrkti okkur
myndarlega. Þá var byggt
upp mjög öflugt tölvukerfi hér
í skólanum og gott innra net.
Síðan hefur samstarfið við
Opin kerfi og Sparisjóðinn
haldið áfrarn," segir Einar.
Einar segist sannfærður
um að í framtíðinni verði meg-
inþorri nemenda kominn með
fartölvur. „Ég er sannfærður
um að þetta sé það sem koma
skal og einhvem tíma verða
menn að hella sér af stað,“
segir Einar.
BS
Morgunblaðið/Jim Smart
Körfubíll slökkviliðsins kemst naumlega upp breiðari enda brautarinnar.
Þjónustubraut við
Klukkuberg
Brautin
orengri en
/eikningar
segja til
um
Hafnarfjördur
ÞORSTEINN Karlsson,
sviðssljóri hjá Slökkviliði
höfuðborgarsvæðisins, seg-
ir þjónustubraut við
Klukkuberg í Hafnarfirði,
sem meðal annars er ætluð
slökkviliðsbílum, vera
þrengri en fram kemur á
samþykktum teikningum.
„Á teikningum keraur fram
að breiddin á brautinni sé
3,30 metrar en samkvæmt
okkar mælingum er hún
um það bil 3,12 til 3,15
metrar í beygjunni og í
kringum 3,20 við efri inn-
keyrslu. Auk þess er beygj-
an við neðri innkeyrslu
krappari en sýnt er á teikn-
ingum,“ segir Þorsteinn.
Hinn 20. ágúst varð elds-
voði í íbúð við Klukkuberg
og komst þá kranabíll
slökkviliðsins naumlcga
upp brautina. f kjölfar þess
fóru starfsmenn slökkviliðs-
ins á vettvang til þess að
athuga hvort hægt væri að
keyra körfubíl slökkviliðs-
ins upp brautina, en körfu-
bfilinn er stærsti bfllinn
sem slökkviliðið notar. „Við
komumst ekki upp brautina
við neðri innkeyrsluna en
við komumst rétt naumlega
upp efri innkeyrsluna með
mikilli varkárni," segir
Þorsteinn.
Getur tafíð starf
slökkviliðs
Hann segir að körfubfll-
inn hafi þurft að bakka nið-
ur þjónustubrautina enda
sé útilokað að hann komist
niður brautina við neðri
innkeyrslu. Þorsteinn segir
brautina geta tafið starf
slökkviliðs ef hún verði
ekki lagfærð. „Það tók
körfubflinn tæpar tvær
mínútur að fara frá neðri
innkeyrslunni, upp fyrir
húsið, snúa þar við og fara
upp efri innkeyrsluna. Það
getur skipt máli í aðstæð-
um eins og voru þarna um
daginn þegar skíðlogaði í
íbúð í húsinu," segir Þor-
steinn. Hann segir bflinn
ekki hafa komist upp
brautina nema með lcið-
sögn. „Það þarf að vera
maður úti á brautinni til
þess að hjálpa til og jafnvel
þarf að gera fleiri en eina
tilraun til þess að komast
upp,“ segir Þorsteinn.
Aðspurður segir Þor-
steinn aðstæður sem þessar
ekki vera fullnægjandi.
„Auðvitað er þetta erfiðara
og óþægilegra fyrir okkur
en ef við fengjum þarna
einhverja lagfæringu á efri
innkeyrslu myndi þetta
sleppa fyrir horn. Þetta er
erfitt eins og þetta er núna
og mun sjálfsagt versna
þegar fer að snjóa og það
fer að myndast þarna hálka
eða klaki,“ segir Þorsteinn.
Erlendur Árni Hjálmars-
son, byggingarfulltrúi í
Hafnarfirði, segir að
Slökkviliðið muni skila
skýrslu um þjónustubraut
við Klukkuberg og í kjölfar
þess verði málið skoðað.
Bæjarstjórn ræður
bæjarstjóra á morgun
Garðabær
BÆJARSTJÓRN Garðabæj-
ar mun væntanlega taka
ákvörðun um ráðningu nýs
bæjarstjóra á sérstökum bæj-
arstjórnarfundi sem boðaður
er á morgun.
Á bæjarráðsfundi í gær-
morgun voru lagðar fram um-
sóknir 14 aðila um starfið sem
losnar þegar Ingimundur Sig-
urpálsson tekur við starfi for-
stjóra Eimskipafélags íslands
í október. Bæjarráð sam-
þykkti að vísa málinu til af-
greiðslu bæjarstjórnar og
boða sérstakan bæjarstjórn-
arfund til að fjalla um málið
klukkan 17 á morgun.
Morgunblaðið/Jim Smart
Göngustígar við
Eiðsgranda
Grandi
FRAMKVÆMDIR standa
nú yfir við Eiðsgranda í
Reykjavík en verið er að lag-
færa svæðið milli götu og
grjótgarða. Til stendur að
leggja göngustíga meðfram
sjónum allt frá bæjarmörkum
Reykjavíkur og Seltjarnar-
ness út að Mýrargötu. Einnig
verða steyptir kantar við veg-
inn og ný niðurföll gerð.
Grjótgarðarnir sjálfír hafa
verið endurgerðir og vafa-
laust mun svæðið allt breyta
um svip þegar framkvæmdir
eru yfirstaðnar.