Tímarit - 01.01.1869, Side 75

75
legt fleira. Af þessum haustþíngum, sem stundum hafa
ef til vill verið haldin haust og vor, hafa «hreppa sam-
komurnam síðan myndast, þegar hreppar mynduðust.
Þessi haustþíng hafa verið haldin á vissum þartilvöld-
um þíngstöðum, því þó þau hafi máske stundum verið
haldin á heimili goðans eða einhvers ríkasta og merk-
asta bóndans, þá munu það hafa verið undantekníngar,
og ef til vill helzt átt sér stað í hallærum, þegar ýmsir
af þíngheyendum voru lítt færir um að búa sig út með
vistir til þíngsins, og þurftu því að þiggja fæði um þing-
tímann, sem optast mun hafa verið nokkrir dagar. í*ar
hafa menn samið reglur og ákvarðanir um ýmsa hluti,
sem þeim við komu sameiginlega innbyrðis, eptir því
sem við átti það og það sinnið. Hafa þau að því leyti
verið hið sama fyrir goðorðið, eða þriðjúnginn, sem
alþíngi var fyrir landið, og eptir því hafa þau verið
löguð, að svo miklu leyti sem mátti. Menn hafa t. a.
m. haft þar nokkurs konar lögréttur, er þeir menn hafa
setið í, sem atkvæðisrétt áttu á þínginu. Sér þessa enn
merki á sumum þessum þíngstöðum, t. a. m. við Þíng-
holt í Landmannahreppi (það er vestur frá Flagveltu
við Holtavað forna), þar sjást 7 búðarústir allglöggvar,
og er hjá hvorri þeirra önnur lítil (matreiðslubúð?), en
mitt á meðal búðanna er krínglótt gyrðing mjög víð
og mikiu víðari heldur enn t. a. m. dómhríngurinn í
Arnesinu. Hefir það án efa verið lögrétta. í Laxár-
holti í Gnúpverjahreppi sér og til búðarústa og mótar
fyrir lögréttu, en allt er það mjög óglöggt, því foksand-
ur hefir rokið þar yfir ofan af holtinu og næstum slétt-
að allar ójöfnur framan undir því. Gömui munnmæli
segja, að Hreppa- Skeiða- og Flóa-menn hafi átt þar
fund með sér á hausti hverju í fyrri daga. Víða eru