Gefn - 01.07.1872, Side 79

79
drætti hlutanna og samanhengi þeirra; þar á móti er rángt
að ímynda sér, að menn eigi að gera það með heimspekilegu
orðaglamri, eins og Hegel og fleiri aðrir hafa gert. Menn
hafa verið opt að tala um »anda tímans«, eins og það væri
einhverr furðulegur svipur eða andi, sem byggi í fjarska og
svifi yfir mannkyninu eins og andi guds sveif yfir vötnunum;
en »andi tímans« er ekkert annað enn hugsanir hinna ein-
stöku manna og þeirra verk, og það er því ekki að hugsa
til að »særa* hann eða reyna til að ná honum eins og
draugum úr dauðra manna gröfum; hann stendur á degi
hverjum í sögunnar óþrotiega ljósi, öllum auðsær og öllum
jafn skiljanlegur.
Verði riti þessu haldið áfram, þá munu smám saman
fylgja stutt yfirlit vfir enar aðrar vísindagreinir, sem heyra
til almennrar uppfræðíngar.