Árbók Hins íslenzka fornleifafélags - 01.01.1970, Side 68

72
ÁRBÓK FORNLEIFAFÉLAGSINS
Nr. 13. Sálmabók Strandarkirkju.
1853), innbundinn af Guðmundi á Minna-Hofi. Gylling á kili
er nú mjög máð, en skrautið er með sama svip og á Nýja Testa-
menti Halldórs í Strandarhjáleigu.
13.-14. Strandarkirkja í Selvogi á enn tvær sálmabækur í skraut-
bandi, sem Sigríður Jónsdóttir í Herdísarvík og Sigríður Eyjólfs-
dóttir, dóttir hennar, gáfu kirkjunni 1873. Skúli Helgason hefur
látið taka ljósmyndir af bókum þessum. Heimilt er að eigna
band þeirra Guðmundi á Minna-Hofi.
15. Frú Kristín Skúladóttir frá Keldum á Rangárvöllum á sálma-
bók (útg. Rvk 1871), og er á hana letrað, að bandið sé verk Guð-
mundar Péturssonar bókbindara á Minna-Hofi. Bundið er í
alskinn. Bókarheitið er gyllt á kjöl og gylltar skrautfléttur ofan
og neðan við, gyllt skraut einnig á spjöldum.
5
Ekki hefur athugun mín náð til fleiri bóka, en hún ætti að nægja
til þess að búa Guðmundi á Minna-Hofi þann stað, sem honum ber;
í röð beztu bókbindara íslenzkra að fornu og nýju. Snilli hans er