Árbók Hins íslenzka fornleifafélags - 01.01.1975, Side 7

STAFSMÍÐ Á STÓRU-ÖKRUM
11
2. mynd. Austurendi bæjardyra að innan. Til liægri eru dyr til ganga, en til
vinstri stigi uppá loft.
grópþiljum eru forn strik sett við brúnir. Fleira er athyglisvert
við þiljurnar. Þær eru misbreiðar að ofan og neðan, eru fleyglaga,
og munar allt að 10 sm. Á fjórum þeirra eru vandlega sniðin kringlótt
göt frá 0,8—8,3 sm í þvermál. Á þeirri fimmtu er það ferkantað og
þeirra stærst. Strikunin er báðum megin á þilfjölunum og bendir
það auðvitað til þess að þarna í horninu hafi þær ekki alltaf staðið,
enda orðnar dökkar og slitnar af elli. Verður nánar vikið að þeim
síðar. Rétt er að taka það fram að tekið er úr annarri hlið grópsins
á miðsyllu út við hornstaf u. þ. b. 26 sm, til þess að hægt sé að
smeygja þilinu milli syllna.
Við austurgafl bæjardyraportsins er einnig þil norðanvert við
dyr til ganga (2. mynd). Það er með tvennskonar hætti uppbyggt.
Næst dyrum gengur það í heilu lagi milli neðribita og þverstokks,
en innar í tveim áföngum. Sett er miðsylla frá þriðju þilfjöl, sem
heil gengur niður, út í hornstaf. í stórum dráttum er gerð fremra
þilsins sú sama og þess sem áður er vikið að, nema hér eru gróp-
þiljur ennþá sverari; það væri réttara að kalla þær grópstólpa. Þilið
er án strika. Við þetta þilbrot verður nánar staldrað síðar. Innri
hluti þilsins er með gamalkunnu sniði. Efri og neðri þiljur eru