Árbók Hins íslenzka fornleifafélags - 01.01.1975, Qupperneq 147

SKÝRSLA UM ÞJÓÐMINJASAFNIÐ 1974
151
Grindavíkurskipið sem nú er til. Beyndar er báturinn afar illa farinn
og má hæpið telja að hægt sé að gera hann upp nema endursmíða
hann allan að kalla. Hafði Jón Kr. Gunnarsson forgöngu um þetta
verk og um haustið var einnig farinn leiðangur að hans frumkvæði
og sóttir tveir bátar vestur að Breiðafirði, báturinn Heppinn að Múla
í Kollafirði og Leifur að Salthólmavík, en þessir bátar voru báðir
smíðaðir af Ólafi Bergsveinssyni í Hvallátrum snemma á öldinni.
Leifur var fyrrum í eigu sr. Sigurðar Jenssonar í Flatey, en búið ”ar
að breyta honum í uppskipunarbát þar í Salthólmavík.
Bátamir voru fluttir til geymslu á Bessastöðum, en þar fékk
safnið til umráða gamalt útihús sem til stóð að rífa. Var gert talsvert
vandlega við það og fékkst þar ágæt geymsla fyrir stóra hluti af
þessu tagi, en geymsluhús fyrir stóra hluti hafa alla tíð verið mikil
vandkvæði með.
Húsafriðunarnefnd.
Húsafriðunarnefnd hélt aðeins þrjá fundi á árinu, alla í janúar, en
síðan rann út skipunartími nefndarinnar og var ekki skipað í hana
að nýju fyrir árslok. Engin hús voru friðuð á árinu, meðfram vegna
þess að störf nefndarinnar lágu að mestu niðri.
Ásu Wright fyrirlestur.
Þriðji Ásu Wright fyrirlesturinn var haldinn í Árnagarði 6. sept-
ember 1974 og flutti Viggo Nielsen skrifstofustjóri í umhverfismála-
ráðuneytinu í Kaupmannahöfn yfirlitserindi um löggjöf á Norður-
löndum um umhverfisvernd. Viggo Nielsen er hvort tveggja í senn
fornleifafræðingur og lögfræðingur og hefur lengi gegnt embættum
í þeim deildum danska stjórnarráðsins sem hafa með höndum ýmiss
konar friðlýsingarmál. Var erindið vel sótt og skilaði fyrirlesari
skömmu síðar erindi sínu fullbúnu til prentunar.