Eimreiðin


Eimreiðin - 01.01.1906, Side 23

Eimreiðin - 01.01.1906, Side 23
23 elzt allra kaupfélaga í landinu. Frumkvöðlar þess voru þrír menn einkanlega: Benedikt á Auðnum, Sigfús í Múla, sem fór til Vestur- heims, og Jakob frá Grímsstöðum; séra Benedikt í Múla og Jón Gauti voru og nær staddir með ráði og dáð. Félagsstofnunin var runnin af rótum lýðveldisanda og jafnaðarmensku. En heldur hefir það færst í horf einveldisins með aldrinum og eru þó öll mál borin undir atkvæði félagsmanna. En stjórnin er ekki laus við ráðríki í anda sínum og orðum og gerðum. Enda má vel vera, að engu félagi verði stjórnað til lengdar nema því að eins, að forkólfarnir herði á tökunum. Eg er ekki svo kunnugur sögu almennra félagsfyrirtækja í heiminum, að ég þori að fullyrða neitt í því efni. Félagið hefir komið miklum hagsmunum í hendur sýslubúum og líka hefir það hlynt að menningu og samneyti manna. Aðalfundur þess er haldinn nærri miðjum vetri á hinum beztu bæjum sýslunnar og er þar öllum heimill greiði, sem þangað sækja. »Kaupfélagið borgar«. Par er margs konar fagnaður í tómstundum fundarins: sungið og kveðið, sagðar draugasögur, járnuð perta, fleginn köttur, farið í gegn um sjálfan sig og jafn- vel reynt með mönnum, hverir séu fljótastir að prjóna. — Annað félag nefni ég sérstaklega. I’að hefir útlendar bækur til lesturs, danskar og norskar og sænskar, skálcjrit og tímarit mestmegnis. það hefir fært marga ljósgeisla inn í sýsluna. Aðalforkólfar þess hafa lengi verið: Benedikt á Auðnum, Pétur Gauti og Sigurður í Felli. Félagsmenn hafa verið um 20. Það hefir dregið úr gagni þessa félags, að mennirnir í því eru á strjálingi, svo að bækurnar eru lengi að ganga á milli og varla er hægt að tala saman um þær, en þess þyrfti, því að þær eru þungar fyrir skilninginn sumar. Petta félag kalla sumir menn Svartaskóla og er Bene- dikt allra manna lærðastur í þeim fræðum. Porri manna leitar sér þó annarra skemtana, en fræðslu þess- ara bóka og eru þær ýmislegar. Dansfundir eru tíðir meðal unga fólksins á vetrum, og eru þeir ekki í frásögur færandi, þótt fóta- spark og kaffidrykkjur keyri þar úr hófi. Pá eru skírnarveizlur gleðiefni og eru varla til svo fátæk hjón, að þau haldi ekki hóf, þegar börn þeirra eru vatni ausin. Slægjufundir eru haldnir á haustin í sumum sveitum og eru þar ræðuhöld af skynsamlegu viti. Oft eru og fundir haldnir til fróðleiks og kynningar mönnum og söngur æfður. — Pá eru sveitablöð í sumum sóknum. Pau byrjuðu í Mývatnssveit göngu sína og eru tvö á ferð í sveitinni

x

Eimreiðin

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Eimreiðin
https://timarit.is/publication/229

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.