Eimreiðin - 01.01.1912, Page 7

7
sem er Jón Jónsson, sagnfræðingur. Hann stendur nú með tvær
stjörnur í höndunum, sína í hvorri—»Islenzkt þjóðerni« og »Gull-
öld íslendinga«.
Sá maður er sporrækur á þann hátt, að hann getur rakið
för þeirra manna, sem lifðu fyrir 1000 árum, en sem eru sand-
orpin, snævi snivin, og grasgróin margsinnis.
Eg er enginn sagnfræðingur, þótt ég taki nú þetta efni til um-
ræðu, úr sögunum fornu. Mér kemur ekki í hug, að horfa djúpt
í efnið. En þó hætti ég mér nú út á þenna hála ís. Eg geri það
fyrir þá sök, að enginn annar hefir orðið til þess. En mér þykir
efnið hugnæmt og merkilegt. Peir sem dýpra sjá, og gefin er
meiri glöggrýni, geta gert betur, og mun ég ekki af því reiðast.
* *
*
Mennirnir, sem ritað hafa viðburðasagnir og mannkynssögu,
hafa skift undarlega misjafnt milli karla og kvenna, — Peir hafa
sýnt karlkynið í nokkurskonar ljósmóðu og hillingu. F.n þeir
hafa breitt þokuhulu yfir kvenkynið, svo að til þess sér eigi,
betur en svo, að það sést eins og í gegnum skráargat, eða í
hálfrökkri.
í upphafi skapaði guð himin og jörð — og karlmann. Petta
lesum vér á fyrstu blaðsíðu þeirrar bókar, sem er nefnd bók
bókanna.
Og karlmanninn skapaði hann í sinni mynd og blés lífsanda
í nasir honum.
Petta er heldur en ekki glæsilegt, og myndarlega að verið.
Parna hillir undir fyrsta karlmanninn, sem til varð, eins og klett
í hafinu, þegar
»Vorlognið blákembdi víðlendið alt
og vorsólin stafaði heit.«
Karlmanninn gerði hann fyrst. En kvenmanninn skapaði hann
síðar, og af rifi úr síðu mannsins.
Petta á að sýna tignarmuninn kynjanna, frá öndverðu.
Rithöfundar gamla testamentisins gera konunni alla tíð jafn-
lágt undir höfði. Peir nefna hana sjaldan á nafn nema í sambandi
við óstýrilæti karlmanna, eða til að sýna ókosti hennar.
Gyðingar töldu sig vera »útvalda þjóð drottins allsherjar«.
En þeir hafa víst ekki haft kvenkynið með í þeim reikningi. Pess