Dagblaðið Vísir - DV - 30.09.1985, Qupperneq 11
DV. MÁNUDAGUR 30. SEPTEMBER1985.
11
DV-myndPK.
Risapálmi í
Blómavali
Bjarni Finnsson í Blómavali stendur
þarna hjá risapálma sem hann hefur
keypt í tilefni fimmtán ára afmælis
fyrirtækis síns, Blómavals.
Pálminn heitir Washingtonia, eftir
fyrsta forseta Bandaríkjanna. Hann er
vaxinn upp í Suður-Ameríku en búinn
að vera í sóttkví í Hollandi síðan í
mars.
Pálmategund þessi er sama
tegundin og vex í Kaliforníu þar sem
þekkt borg, Palm Springs, er kennd við
tegundina.
Risapálminn hans Bjarna er á
svipuðum aldri og Blómaval, eða um
fimmtán ára. A.Bj.
Brynja fær styrk
úr leiklistarsjóði
Stjórn Leiklistarsjóðs Þorsteins ö.
Stephensen, við Ríkisútvarpiö, hefur
veitt Brynju Benediktsdóttur leik-
stjóra styrk að upphæð kr. 75.000 til að
sækja námskeiö í sjónvarpsleikstjórn
hjá sænska ríkisútvarpinu og Drama-
tiska Institutet í Stokkhólmi. Er þetta í
fyrsta sinn sem úthlutað er úr sjóðn-
um. -SOS.
Athyglisverðar
lausnir og ósjálf-
ráð afslöppun
— spjall við Árna Sigfússon í Bandaríkjunum
Óskar Magnússon, DV, Washington:
„Hér hafa menn fundið margar at-
hyglisverðar lausnir sem væru eftir-
breytniverðar á Islandi. Raunar
hafa mönnum hér líka orðið á mistök
sem gott gæti verið að varast,” sagði
Arni Sigfússon í samtali við DV.
Árni stundar nú nám í rekstrar-
hagfræði og stjórnsýslufræðum í
borginni Knoxville í Tennessee-ríki í
Bandaríkjunum. — Spjallið fór fram
í mestu stjórnsýsluborg í heimi,
höfuðborginni Washington.
„Þetta er nám sem kallaö er á
ensku „Public administration”.
Megináherslan er á því hvernig opin-
berar stofnanir, sem ekki hafa
hagnað einan að leiðarljósi, verði
sem best reknar. Sneitt er hjá stór-
um bandarískum ríkisrekstri en
frekar miöað við smærri einingar.
T.d. er borgin Knoxville jafnfjöl-
menn og Island og til borgarinnar
sækjum við mikið af viðfangsefnum
okkar í náminu. Auk þess er á þessu
svæði TVA, sem er eins konar fílefld
„Landsvirkjun”. Þessi stofnun
annast stíflugerð hér á svæði sem
nær allt frá Pennsylvaníu til Ala-
bama og rekur auk þess þau kjarn-
orkuver sem eru á þessu svæði,”
sagði Árni.
Nám sniðið eftir aðstæðum
Árni er kennaramenntaður frá
Kennaraháskóla Islands. Hann
starfaöi fyrst sem kennari en síðan
sem blaðamaður á dagblaðinu Vísi.
Hann var framkvæmdastjóri full-
trúaráðs Sjálfstæðisflokksins uns
hann hélt utan til náms fyrir rúmu
ári.
„Það hafa verið í gangi miklar um-
ræður undanfarin ár um endurskipu-
lagningu opinberra stofnana og
tilraunir með breytt rekstrarform.
Fjölmargir hópar hafa látið sig þessi
mál varða með ýmsum hætti. Minna
hefur verið gert að því að rannsaka
málið fræðilega. Það má því segja að
það hafi verið hvatinn að því að ég
ákvað að leggja stund á þetta nám.
Auk þess hef ég alltaf haft áhuga á
því sem er að gerast í kringum mig
og mig langaði til að fullnægja þeirri
þörf minni betur. Eg held að nám af
þessu tagi nýtist mjög vel á Islandi.
Bandaríkjamenn kunna að laga
námið að þörfum hvers og eins. Eg
hef fengið að sinna nokkrum verk-
efnum sem tengjast Islandi. Þannig
fer ég nú í tveggja mánaöa vinnu í
Fjárlaga- og hagsýslustofnuninni í
beinum tengslum við námið og lýk
síðan mastersprófi snemma á næsta
ári.”
Opnir, alþýðlegir og
liðlegir
„Okkur hefur litist mjög vel á okk-
ur í Bandaríkjunum. Bandaríkja-
menn eru mun opnari, alþýðlegri og
liðlegri en við Islendingar. Þetta
finnur maður vel í daglegri um-
gengni. Annars kom mér hvað mest
á óvart hvað félagsleg aðstoð er
miklu meiri hér í landi einkafram-
taksins en ég hafði gert mér grein
Árni Sigfússon.
fyrir. Miklu fé er varið til sam-
hjálpar þótt vissulega mætti gera
þaö með markvissari hætti.
Bandaríkin eru svo stórt land að
maður verður var við mjög mismun-
andi skoðanir og þekkingu eftir því
hvar maður er í landinu. Við vorum á
ferðinni í gegnum Virginíu-ríki um
daginn og fengum þá bágt fyrir að
halda ekki hátiðlegan 4. júh, þjóðhá-
tíðardag Bandaríkjanna. Fólkið hélt
sem sagt að Island væri eitt af
Bandaríkjunum. Nokkru sunnar, í
Georgíu, höfðum við það á tilfinning-
unni aö litið væri á okkur sem
pólitíska flóttamenn.”
Ástandið í
kringum Svíþjóð
„Fólkinu þar var mjög tíðrætt um
ástandið í kringum Svíþjóð, hversu
mikill sósíalismi væri þar. Island var
talið falla þar undir sem eitt af
grannríkjum Sviþjóðar. ”
Eiginkona Árna, Bryndís
Guðmundsdóttir, stundar nám í tal-
meinafræðum. Þá er ótalinn hinn
helmingur fjölskyldunnar, dæturnar
Aldís Kristín og Védís Hervör. —
Una alhr sér? „Já, þótt nóg sé að
gera, þá er eins og maöur slappi
sjálfkrafa af við að koma hingað,”
sagöi Árni Sigfússon.
Bókun iðnaðarmanna í Gufunesi:
Lýsa fyrirlitningu
á vinnubrögðum
verksmiðjustjórnar
„Hitt er alvarlegra aö sjálf stjórn
verksmiðjunnar og ríkisstjórn Islands
skuli kinnroðalaust tilkynna starfs-
mönnum að þeim veröi sagt upp,
verksmiðjunni lokað og framleiðslan
boðin út erlendis vegna yfirstandandi
vinnudeilu. Iðnaðarmenn i Áburðar-
verksmiðjunni lýsa fyrirlitningu á
þeim vinnubrögðum sem stjórn
verksmiöjunnar hefur með þessu tekið
upp. Með þeim opinberar stjórnin
Utilsvirðingu sína gagnvart starfs-
mönnum hennar.”
Þessi orð eru í bókun sem verkfalls-
mennirnir átján í Áburðar-
verksmiðjunni létu gera hjá ríkissátta-
semjara er þeir urðu við tilmælum
hans um að þeir endurskoðuðu afstöðu
sína til sáttatillögu í kjaradeilunni.
Iðnaðarmennimir sneru á ný til vinnu
sl. fimmtudag eftir 47 daga verkfall.
I bókuninni segir ennfremur aö
skammt sé um liðiö síöan ríkis-
verksmiðjunum hafi með ákvöröun
ríkisstjórnarinnar verið smalað inn í
Vinnuveitendasambandið. Þrátt fyrir
það hafi herkostnaður verksmiðjanna í
stríöi VSl við starfsfólk þeirra verið
ærinn, enda ljós að VSI þyki ríkis-
framfæri henta ágætlega í baráttu
sinni gegn hagsmunum verkaf ólks.
Iðnaðarmenn hafi í deilunni krafist
jafnréttis á viö aðra hópa, meðal
annars að því er varðar starfsaldurs-
hækkanir. Utgjaldaauki verksmiðj-
unnar vegna þessa hefði á heilu ári ein-
ungis numið broti af kostnaði við stöðv-
un verksmiðjunnar í einn dag. Þetta
sýni ljósar en nokkuð annað þá óbil-
gimi sem iðnaðarmenn í verksmiðj-
unni hafi mætt af hendi stjómenda
hennar og forystu VSI.
VSI og stjórnendur verksmiöjunnar
hafi lokað sig af og.ekki verið til
viðræðu um samninga. Engu máli hafi
skipt hvort kröfur voru stórar eða
smáar — öllu skyldi fórnað til þess að
knésetja starfsmenn.
-KMU.
Skjálftamælingar
Vegna lýsingar DV á mælingu á
stærð jarðskjálfta og styrkleika þeirra
vill Ragnar Stefánsson jarðskjálfta-
fræðingur fá að koma þeirri leiðrétt-
ingu áleiðis að ekki megi rugla saman
þessum tveim mælingum. Með
Richters-kvarðanum sé mæld stærð
jarðskjálfta, en það er ákveðið mat á
þeirri orku sem leysist úr læðingi við
jarðskjálfta. Á þeim kvarða eru tölur
sem birtast almenningi byggðar.
Stærsti skjálfti sem vitað er um var 8,9
á Richter-kvarða.
En það er annar kvarði sem mæhr
styrkleika skjálfta, svokallaður Mer-
calli-kvarði. Er hann aöaliega notaður
til að meta styrkleika hræringa út frá
lýsingum fólks.
Sérverslun með
SKRIFSTOFUHÚSGÖGNI
ftiinMiiNnssnN Kópavogi.
Panasonic ÍÍMímmíI
GASELDAVÉLAR Z hellur + grlll
KALLKERFI 2ja -4ja stöðva fyrlr shrif-
stofur, verhsmiðjur, helmahús, sKlp, báta
og bændur.
Einföld uppsetning með rafhlöðum.
Fullkominn fallegur olluofn
Ofninn fyrlr:
• sumarbústaðinn
• bílsKúrinn
• gróður/garðhúslð
• áfylling m. lausum tanK
• eyðir 026 I. á Klst.
• hitagjafi. 2.7 Kwst.
• viðgerða og varahlutaþjónusta
RAFB0R6
Rauðarárstíg 1, Sími 11141