Dagblaðið Vísir - DV - 26.02.1986, Blaðsíða 2

DV. MIÐVIKUDAGUR 26. FEBRÚAR1986.
VARAMMA
RONALDS REAGAN
ÍSLENSK?
-íslenskir ættfræðiáhugamenn rannsaka kirkjubækur
mormóna í Salt Lake CHy
„Ég er að láta rannsaka
kirkjubækur mormóna í Salt Lake
City í Bandaríkjunum til að fá
endanlega úr því skoriö hvort eitt-
hvað sé hæft í 50 ára gömlum orð-
rómi um að amma Reagans Banda-
ríkjaforseta hafi verið íslensk,“
sagði íslenskur ættfræðiáhuga-
maður í samtali við DV. Maðurinn
vill ekki láta nafn síns getið vegna
þess að rannsóknin er á viðkvæmu
stigi þessa dagana.
Amma Ronalds Reagan var bú-
sett í lllinois- fylki á síðari hluta
19. aldar. Fjölskyldunafn hennar
var Brown. Sjálfur er Reagan fædd-
ur 1911.
„Ég er að reyna að komast að því
hvort þessi kona hafi verið íslensk,
hvert skímarnafn hennar hafi ve-
rið og hvaðan hún hafi komið.
Þetta ætti að vera hægt að finna í
kirkjubókunum í Salt Lake City
vegna þess að mormónar Ijósmynda
allar kirkjubækur veraldar og
geyma á örtölvudiskum."
Ef satt reynist að amma Reagans
hafi verið íslensk á Bandaríkjafor-
seti tjöldann allan af ættingjum hér
á landi. Samkvæmt áreiðanlegum
heimildum DV var ráðgert að Vig-
dís Finnbogadóttir ræddi þessi mál
við Bandaríkjaforseta er hún hitti
hann að máli í Washington 1982
en til þess gafst ekki næði.
Niðurstaðna rannsóknanna í
Salt Lake City er að vænta áður
en langt um líður.
-EIR
Ronald Reagan athugar hóf á hesti sínum. Handbrögðin gætu verið ættuð
úr Skagafirðinum.
Fréttir Fréttir Fréttir
ÓlafurAmarson:
HUHVIUA
RÁÐHERRA
„Ég hef þegar sagt af mér og á sama
augnabliki og menntamálaráðherra
tilnefnir nýjan fulltrúa þá hætti ég
að sækja fundi í stjórn LlN. Ég held
ekki að Sverrir láti þrýsta sér út í
eitthvað sem hann ekki vill þannig
að það breytti engu þó ég myndi
hætta að sækja fundi áður en nýr
fulltrúi hefur verið tilnefndur. Ég hef
ákveðið að hlíta vilja ráðherra í
þessu máli. Hann er æðsti yfirmaður
þessa sjóðs og ég virði rétt hans og
vald til að fresta þvi að tilnefna nýjan
mann,“ sagði Ólafur Arnarson þegar
DV ræddi við hann um setu hans í
stjórn lánasjóðsins, en eins og fram
kom í frétt DV á föstudaginn eru
mjög deildar meiningar í Stúdenta-
ráði um stjómarsetu Ólafs.
Ólafur sagði að sér væri ljóst að
hann nyti ekki stuðnings meirihluta
Stúdentaráðs en ef eitthvað þá værí
minni ástæða nú en nokkru sinni til
að skipa Guðmund Auðunsson vegna
þess hve stutt væri í kosningar í
háskólanum, en þær fara fram 11.
mars. „Þá geta stúdentar sagt sitt í
þessu máli. Ég tel mig síður en svo
vera þarna gegn vilja stúdenta. Ég
hef unnið vel í sjóðnum. Vegna
minnar setu komst til dæmis í gegn
gamalt baráttumál stúdenta um
skuldabréfalán til handa 1. árs nem-
um.
Ólafur Arnarson: Tel
mig hafa unnið vel í stjórn LÍN
Ég hef verið málsvari vissrar stefnu
í lánamálum. Ég er á móti arki um
öll torg með lúðrablæstri og látum.
Ég vil tala við menn ög beita rökum
og ég tel að ágæti þeirrar stefnu
hafi verið sönnuð," sagði Ólafur.
-VAJ
ULLARHNODRAR í
VATNIHVERGERÐINGA
Hvergerðingar fengu ullarhnoðra í
vatnsglös sín, baðker og potta í síð-
ustu viku. Vatnið var mórautt en
engum varð meint af.
„Þetta var víst skolvatn úr þvotta-
körum í Ullarþvottastöðinni sem
komst inn á kaldavatnskerfið vegna
þess að einstreymisloka vantaði.
Hann hefur nú verið settur í og þetta
á ekki að geta komið fyrir aftur,"
sagði Karl Guðmundsson sveitar-
stjóri. „Hér var aðeins um nokkur
hús að ræða.“
Að sögn Bjöms Johnsen héraðs-
læknis hafa Hvergerðingar ekki leit-
að til hans vegna magakveisu eða
annarra kvilla er geta fylgt því að
drekka vatn með ullarhnoðrum í.
-EIR
Skátafélagið Kópar
fjörutíuára
Skátafélagið Kópar í Kópavogi átti
íjörutíu ára afmæli á íaugardaginn.
Vegleg afmælishátíð fór fram um
helgina í félagsheimili bæjarins og
menntaskólanum.
Kópar er, að bæjarfélaginu undan-
skildu, elsta félag Kópavogs. Það tók
sig út úr Skátafélagi Reykjavíkur á
sínum tíma og fyrsti foringi þess var
Jónas S. Jónsson. Lengi framan af
áttu skátarnir í húsnæðisvandræð-
um en keyptu árið 1970 Borgarhóls-
braut 7 og hafa síðan verið þar til
húsa. Þá eiga Kópar skála sem Þri-
stur heitir og er í Þverárdal undir
Esjuhlíðum.
Um þessar mundir eru uppi áform
um stóraukið skátastarf í bænum og
stendur meðal annars til að stofna
foreldrasveit. Núverandi foringi fé-
lagsins er Gauti Torfason. -JSÞ
Kassinn i búrinu við Miklatorg er þáttur í viðamestu mælingum á loftmengun sem nokkru sinni hafa
verið gerðar í Reykjavík. Annar mengunarmælir hefur verið settur upp i Mjódd. Mælingarnar standa
yfir í eitt ár. Þær annast mengunarvarnir Hollustuverndar ríkisins. -KMU/DV-mynd S.