Dagblaðið Vísir - DV - 26.02.1986, Blaðsíða 11

DV. MIÐVIKUDAGUR 26. FEBRÚAR1986.
11
Ökuleikni
BFÖ
ogDV:
Hart barist í úrslit-
um vélhjólakeppninnar
Úrslitakeppni í vélhjólakeppni
Bindindisfélags ökumanna, DV og
Umferðarráðs fór fram fyrir stuttu.
Eins og lesendur eflaust muna var
haldin ÖKULEIKNI um landið á
vegum BFÖ og DV. Hún fór fram á
bílum, reiðhjólum og vélhjólum.
Ekki tókst að ljúka vélhjólakeppn-
inni í haust og fór hún fram í veður-
blíðunni í Reykjavík um fyrri helgi.
Keppnin var mjög spennandi og
mikið í húfi fyrir sigurvegarana.
Tveir efstu keppendur í úrslitunum
skyldu hljóta utanlandsferð til Finn-
lands að launum. Þar verður haldin
alþjóðavélhjólakeppni í byijun júní
næstkomandi og verða tveir efstu
menn úrslitakeppninnar fulltrúar
Islands í þeirri keppni.
Keppnin á laugardag var þríþætt.
Fyrst gengust keppendur undir mjög
þungt skriflegt próf um umferðar-
reglur o.fl. Því næst óku þeir um
nokkrar götur í Reykjavík og fylgd-
ist lögreglan og bifreiðaeftirlitið með
akstri þeirra og gaf þeim stig ef þeir
gerðu eitthvað vitlaust. Síðasti hlut-
inn og jafnframt sá mest spennandi
vai' akstur á þrautaplani. Settar voru
upp nokkuð erfiðar þrautir og áttu
keppendur að aka í gegnum þær á
sem skemmstum tíma og gera sem
fæstar villur. í þessum hluta óku
allir sams konar vélhjóli sem er í
eigu Umferðarráðs.
Magnús Garðarsson úr Reykjavik
var ótvíræður sigurvegari. Hann
stóð sig best i umferðarspumingun-
um og góðakstrinum dg það forskot
nægði honum til sigup. Hann fékk
238'refsistig.
Baráttan um annað sætið varð
hins vegar hörð og voru það 3 kepp-
endur sem harðast börðust fyrir
annarri utanlandsferðinni. Þegar
upp var staðið munaði aðeins örf-
áum sekúndum á þeim. Sá sem
hreppti annað sætið var Hlynur
Hreinsson frá Isafirði. Hann hlaut
281 refsistig. Fast á hæla honum var
Aðalsteinn Ólafsson er keppti í
Keflavík. Hann fékk 287 refsistig.
Þar munaði aðeins 6 sekúndum.
Sævar Guðjónsson frá Eskifirði var
aðeins hársbreidd frá því að hreppa
utanlandsferðina. Hann fékk 291
refsistig. Hann var svo óheppinn að
gleyma einni þrautinni og varð að
fara til baka. Það kostaði hann 15
sekúndur í töf og hefði það dugað
honum i annað sætið og þar með
utanlandsferð. Hann varð hins vegar
að láta sér nægja 4. sætið. Aðspurður
var hann hinn rólegasti og sagði að
aðalatriðið væri að vera með. Sævar
stóð sig þó best allra í þrautaakstrin-
um.
Á næstu vikum mun Umferðarráð
þjálfa þessa tvo keppendur sem fara
utan og undirbúa þá undir harða
keppni í Finnlandi. Umferðarráð
mun standa fyrir utanferðinni og er
keppnin i Finnlandi haldin á vegum
Alþjóðasambands umferðarráða. DV
mun að sjálfsögðu fylgjast með fram-
gangi íslensku keppendanna og
greina frá úrslitum þegar þar að
kemur. EG
Magnús Garðarsson, sigurvegari keppninnar, ók af miklu öryggi brautina,
eins og glöggt má sjá hér á myndinni.
Sigurvegarar keppninnar ánægðir eftir eríiða keppni. Frá vinstri: Aðalsteinn
OLafsson, Magnús Garðarsson og Hlynur Hreinsson.
Blótsgestir stigu dans undir fjörugri músík diskóteksins Dísu.
DV-mynd Július Guðni.
Söngurinn er
manna sættir
- þorrinn blótaður í Víðihlíð
Frá Júlíusi Guðna Antonssyni,
fréttaritara DV í V-Hún.
Hið árlega þorrablót í Víðihlíð var
haldið í byrjun febrúar fyrir íbúa
Þorkelshólshrepps og boðsgesti
þeirra.
Auk þess að belgja sig út af hangi-
kjöti, hákarli, súrmat og brennivíni,
nutu menn skemmtiatriða þar sem
vikið var að spaugilegum atvikum
úr hversdagslífinu. Komu þar við
sögu stóðhestaveiðar, „peningabetl"
hjá kaupfélagsstjóra og ýmislegt
annað í tengslum við lífsins amstur.
Síðan var dansað undir hljómum
frá diskótekinu Dísu. Það sem ein-
kenndi kvöldið öðru fremur var það
að söngurinn er manna sættir.
Afliending
heiðurslauna
Brunabóta-
félagsins
Heiðurslaun Brunabótafélags
Islands voru veitt í sjötta sinn á
miðvikudaginn var. Sex manns
hlutu heiðurslaunin að þessu sinni:
Helgi Ivarsson, slökkviliðsstjóri í
Hafnarfirði, og Hrólfur Jónsson.
varaslökkviliðsstjóri í Reykjavík,
fengu saman heiðurslaun í þrjá
mánuði til að kynna sér bruna-
varnir i Bretlandi, Karl Þorsteins
skákmaður fékk heiðurslaun í 2
mánuði til að auðvelda þonum að
afla sér stórmeistaratitils, Lára
G. Oddsdóttir, fulltrúi á ísafirði,
hlaut heiðurslaun í þrjá mánuði til
að kvnna sér fræðslu í umhverfis-
málum, Óli Valur Hansson skóg-
ræktarmaður hlaut heiðurslaun í
tvo mánuði til að auðvelda honum
að skila afrakstri fræ- og plöntu-
söfnunar hans í Alaska síðasta
sumar i hendur þeirra sem starfa
að gróðurrannsóknum og skóg-
rækt á íslandi og Sigriður Astgeirs-
dóttir hlaut heiðurslaun í tvo
mánuði til að gera steind glerverk
til sýningar á Edinborgarhátiðinni
1986.
Heildarupphæð starfslaunanna
samsvara árstekjum yfirkennara
við menntaskóla. I reglum Bruna-
bótafélagsins um starfslaunin segir
að þau séu veitt einstaklingum sem
vinna á eigin vegum að verkefnum
„sem til hags og heilla horfa fyrir
íslenskt samfélag, hvort sem það
er á sviði lista, visinda, menningár,
íþrótta eða atvinnulífs". -VAJ
Styrkþegamir ásamt stjórnarmönnum og forstjórum Brunabótafélagsins.
DV-mynd KAE