Dagblaðið Vísir - DV - 15.11.1986, Síða 20

20 LAUGÁRDÁGdM 15. NÓVÉMBER 1986.
Skáklandsliðið í DV-nærmynd:
Mislit hj örð
DV-mynd BG
í dag hefst ólympíuskákmótið, það
27. í röðinni, og fer það að þessu sinni
fram í Dubai í Sameinuðu arabísku
furstadæmunum við Persaflóa. Lengi
vel var útlit fyrir að við íslendingar
sendum ekki sveit okkar til keppni
þar til að mótmæla útilokun ísraels-
manna frá mótinu. Sem betur fer var
horfið frá því og munum við íslend-
ingar keppa á ólympíumótinu, að
öllum líkindum einir Norðurlanda-
þjóða.
Það hefði verið synd að láta þetta
tækifæri sér úr greipum ganga því
líklega höfum við aldrei sent jafn
vaska sveit til leiks og nú. Skáksveit-
in verður skipuð fimm stórmeistur-
um og einum alþjóðlegum meistara.
Fyrir mótið hefur henni verið skipað
í 7.-8. sæti í styrkleikaröð samkvæmt
Elo-skákstigum. Er það nánast ótrú-
legt að jafnlítil þjóð og íslendingar
skuli geta sent jafnsterka sveit og
raun ber vitni til leiks. Það eru fleiri
en bjartsýnustu menn sem gera sér
vonir um að sveitin eigi eftir að
vinna til verðlauna á þessu fjölmenn-
asta ólympíumóti sem um getur.
Einn viðmælenda DV var meira að
segja svo bjartsýnn að hann spáði
sveitinni fyrsta sæti!
Löngum hefur manntaflið verið
sveipað dularfullum ljóma og hafa
skákmeistararnir ekki farið varhluta
af því. Á 64 svörtum og hvítum reit-
um er keppt upp á líf og dauða og
einu vopnin sem leyfð eru rúmast í
hugarheimi skákmeistaranna. Þeir
sitja nánast hreyfingarlausir hvor
andspænis öðrum tímunum saman.
Einbeiting hugans er gífurleg og
undrast margir að ekkert skuli und-
an láta. Reyndar eru til fjölmargar
sögur um það hvernig það álag og
sú einbeiting, sem felst í því að tefla
skák, fer með huga margra. Afdrif
Bobby Fischers eru aðeins nýjasta
dæmið um það.
Það er þvi ekki nema von að marg-
ir velti því fyrir sér hvernig menn
þessir skákkappar séu sem nú eiga
að halda uppi heiðri landsins í skák-
listinni. Þeir eru sex sem keppa í
Dubai: Helgi Ólafsson stórmeistari,
sem keppir á fyrsta borði, Jóhann
Hjartarson stórmeistari á öðru borði,
Jón L. Árnason stórmeistari á þriðja
borði og Margeir Pétursson stór-
meistari á fjórða borði. Fyrsti
varamaður er Guðmundur Sigur-
jónsson stórmeistari en Karl Þor-
steins, alþjóðlegur meistari, er annar
varamaður. Þessi sveit lenti í 17.
sæti á síðasta ólympíumóti. Það kom
öllum þeim, sem blaðamaður DV
‘hafði samband við, saman um það
að styrkleiki sveitarinnar fælist mik-
ið í því hversu jafnt liðið væri. Það
gæti hver sem væri af fjórum fyrstu
mönnunum teflt á fyrsta borði. Þá
væri samheldni og kunningsskapur
skákmanna okkar miklu meiri en
þekkist meðal annarra skáksveita
þar sem persónuleg óvild milli ein-
stakra skákmanna væri oft mikil og
áberandi.
Það er skáklandslið íslands sem er
í DV-nærmynd.
„Helgi er mesta skákidjótið"
Helgi Ólafsson er elstur í „fjór-
menningaklíkunni" svokölluðu sem
samanstendur af þeim Margeiri, Jóni
L. og Jóhanni. Hann var einnig fyrst-
ur þeirra til að ná stórmeistaratitlin-
um eftirsótta. Hann mun tefla á
fyrsta borði nú og er það eðlilegt því
hann er hæstur að Elo-stigum, með
2560 stig frá því í júní. Aðeins Frið-
rik Ólafsson hefur verið með fleiri
stig.
Það hafa ávallt verið töluverð
vandamál því samfara að raða niður
á borð fyrir ólympíumótið. Því veld-
ur persónulegur metnaður skák-
manna en oft er óljóst við hvað á að
miða þegar svo jöfnum skákmönnum
er raðað niður. „Þeir ákváðu þetta
sjálfir að þessu sinni og þeim kom
saman um að láta stigin ráða. Þetta
hefur alltaf verið viðkvæmt mál og
stundum hafa orðið vinslit út af
þessu,“ sagði Þráinn Guðmundsson,
forseti Skáksambandsins.
Að þessu sinni var ákvörðunin tek-
in í mesta bróðemi en vitað er að
fyrir mótið 1984 urðu töluverðar deil-
ur um niðurröðunina. „’84 hélt Helgi
því til streitu að vera á fyrsta borði
og sýndi þá töluverða óbilgimi í því
máli. Margir töldu að Margeir og
Jóhann hefðu frekar átt að vera þá
á fyrsta.borði en Helgi er að mínum
dómi ekki rétta „týpan" til að tefla
Skáksveitin við brottforina til Dubai.
þar. Hann virkar stundum eins og
að hann sé hræddur, þá við vissa
skákmenn. Það er eins og hann sé
búinn að tapa fyrirfram. Það tekur
því til dæmis ekki fyrir hann að stilla
upp gegn Portish og Hubner. Ég veit
að Margeir myndi ekki gefa það jafn-
baráttulaust," sagði maður sem lengi
hefur starfað að skákmálum hér. „Eg
veit að margir hafa talað um að
Margeir hefði átt að vera á fyrsta
borði því hann sé svo öruggur. Ég
hef þó þá trú að hann geti orðið eins
notadrjúgur fyrir sveitina á fjórða
borði. Einnig held ég að Helgi eigi
mesta möguleika af þeim að ná góð-
um árangri gegn sterku mönnunum,"
sagði Jóhann Þórir, útgefandi og
skákfrömuður.
Það vakti töluverða athygli að
Helgi skyldi ekki taka þátt í Skák-
þingi íslands sem fór að þessu sinni
fram í Gmndarfirði í haust. Var sums
staðar hent að því gaman að Helgi
væri hræddur um stigin sfn en mikið
af ungum og efnilegum strákum, sem
ekki voru háir að stigum, tóku þátt
í mótinu. Reyndar er þetta að nokkru
skiljanlegt. Þegar skákmenn em
komnir með þetta mörg stig hljóta
þeir nánast að tapa einhverjum á
svona móti nema þá að þeir vinni
mótið með því meiri yfirburðum.
Sumir gagnrýndu Helga fyrir þetta.
„Honum bar siðferðileg skylda til að
ímæta,“ sögðu margir. „Helgi heldur
utan um skákstigin sín af mikilli
vandvirkni. Hann veit að hann er
stigahæstur og honum þykir vænt
um það. Hann var því ekki að ómaka
sig á Islandsmótið enda taldi hann
sig ömggan í ólympíusveitina," sagði
skákmaður.
Helgi er sá eini í skáksveitinni sem
er ekki langskólagenginn. Hinirhafa
allir lokið háskólaprófum eða eru
enn í námi. „Helgi er ekki námsmað-
ur, ég held einfaldlega að hann hafi
enga eirð í sér til þess,“ sagði skák-
maður einn, en Helgi hefur lifað af
skákiðkunum sínum undanfarin ár
þó hann sé nýlega kominn á mennta-
skólakennaralaunin sem stórmeist-
ararnir fá. „Ég held að Helgi sé mesta
„skákidjótið" af þeim, hann lifir og
hrærist fyrir skák,“ sagði gamal-
kunnur skákmaður.
Það var sameiginlegt álit þeirra
sem við var rætt að Helgi hefði
manna mest lokað sig inni í skák-
inni. Hann væri „lokuð týpa“ og
ákaflega feiminn. Hann ætti þó ýmis
strákapör til, sérstaklega þegar hann
væri við skál.
Helgi hefur fengið gott orð á sig
fyrir skákskrif sín. „Ég held að það
sé ekki ofsagt að Helgi sé vinsælasti
penninn af þeim og mest rómaður.
Það stafar sjálfsagt af því að hann
er óhræddastur við að segja skoðan-
ir sínar,“ sagði Jóhann Þórir.
„Helgi og Jón L. eru mestu „nátt-
úrutalentamir“ að mínum dómi.
Helgi er stórskemmtilegur skákmað-
ur þegar hann er í stuði. En í mótlæti
hættir honum til að taka vitlausar