Dagur - 29.08.1962, Qupperneq 21

AKUREYRAR
var
pLUGBJORGUNARSVEIT AKUREYRAR
stofnuð árið 1953 og var Þorsteinn Þorsteinsson,
framkvæmdastjóri Ferðafélags Akureyrar, lielzti
hvatamaður þess. Stofnendurnir voru flestir áhuga-
menn um ferðalög og flugmál. Skömmu áður hafði
verið stofnuð flugbjörgunarsveit í Reykjavík og er
skipulag beggja sveitanna svipað.
Sveitin liefur ráð á mörgum mjög góðum tækjum
svo sm sjúkrabíl, snjóbíl, góðum fjallabíl, sleðum,
tjöldum og margs konar sjúkragögnum og útbúnaði
A síðari árum hefur sveitin fengið ríflega fjár-
styrki frá ríkinu, Akureyrarbæ og nokkuð frá Eyja-
fjarðarsýslu. Auk þess hefur hún fengið góðar gjafir
frá Slysavarnadeild kvenna á Akureyri, K.E.A. og
frá ýmsum einstaklingum.
Ef slys ber að höndum, þá er gott til þess að vita
að nú eru til á Akureyri mörg góð tæki, sem að
gagni gætu komið. Þegar vegir eru ófærir venjuleg-
um bifreiðum er sjúkrabifreið Flugbjörgunarsveit-
arinnar jafnan til taks, og hefur hún töluvert verið
notuð þegar svo hefur staðið á. Bragi Svanlaugsson,
verkstæðisformaður á B.S.A. og félagar hans hafa
séð um bílakost sveitarinnar og hafa annazt þessa
flutninga.
Kristinn Jónsson, framkvæmdastjóri hjá Flugfé-
lagi íslands á Akureyri, hefur frá upphafi verið for-
maður Flugbjörgunarsveitar Akureyrar, en Tryggvi
Þorsteinsson, skátaforingi, er leitarstjóri. Sveitina
skipa um 60 menn og er henni skipt í flokka.
KONUR Á AKUREYRI
IIÉR VERÐUR hvorki mælt fyrir minni kvenna á
Akureyri eða þeim sungið það lof, sem þær hafa
til unnið, sem mæður borgaranna, húsmæður heimil-
anna, dætur, unnustur og eiginkonur.
En utan heimilanna hafa þær lagt mörgum góð-
um málum lið, sem vert er að minnast. Þær komu
upp Lystigarði Akureyrar, Nonnahúsi, Bamaheimil-
inu Pálmholti, stóðu fyrir kaupum á sjúkraflugvél
og snjóbíl til sjúkraflutninga, reistu skipbrotsmanna-
skýli, komu upp húsmæðraskóla, lögðu fjárfúlgur
til kirkju sinnar og til elliheimilis Jress, sem nú er
að taka til starfa, söfnuðu fé svo um munaði til
Björgunarskútu Norðurlands, áttu mikinn þátt í að
koma upp flugbjörgunarsveit og hafa auk Jress látið
líknarmálin njóta starfskrafta sinna í ríkurn mæli,
og styrkt kristniboð.
Konur eru hættar að bera fisk, en þær taka vax-
andi þátt í iðnaðar- og framleiðslustörfum í mörgum
helztu iðngreinum, utan heimila sinna. Margar þær
iðnvörur, sem þekktastar eru að gæðum og fram-
leiddar eru á vkkureyri, liafa konur lagt hönd að.
Þær eiga verulegan þátt í þeirri staðreynd, að Ak-
ureyri er tiltölulega mesti iðnaðarbær á íslandi. Að
sjálfsögðu er þó móðurhlutverkið þýðingarmest, hér
sem annars staðar.
Hinir starfsömu og heiðarlegu borgarar liöfuð-
staðar Norðurlands, sem nú minnast 100 ára sögu
kaupstaðar síns, bera mæðrunum bezta vitnið.
DAGUR 19