Dagur - 29.08.1962, Blaðsíða 30

Verksmiðjuhverfi samvinnumanna: Gefjun, Iðunn, Skógerð og Hekla. Neðst á myndínni er litt byggt svæði.
Dúkaverksmiðjan h.f., Smjörlíkisgerð KEA, Mjólk-
ursamlag KEA, Niðursuðuverksmiðja K. Jónsson &
Co., Krossanesverksmiðjan, Vélsmiðjan Oddi h.f„
Vélsmiðjan Atli h.f., Skipasmíðastöð KEA, Slipp-
stöðin h.f., Húsgagnaverksmiðjan Valbjörk h.f.,
Prentverk Odds Bjömssonar h.f.
I nokkrum þeirra greina, sem hér hafa verið
nefndar, starfa einnig önnur iðnfyrirtæki, t. d. í
húsgagnaiðnaði, og mörg fleiri fyrirtæki hefði mátt
nefna, sem rúmsins vegna verður að sleppa að þessu
sinni.
OIl þessi fyrirtæki eiga sína sögu. Margir stofn-
endur þeirra og þeir sem reka þau nú, eru þrótt-
miklir athafnamenn, sem hafa rutt nýjar brautir og
unnið sjálfum sér og bæjarfélaginu öllu ómetanlegt
gagn með störfum sínum.
Hinn ahnenni þjóðfélagsþegn, þekkir nú orðið
hvar sem er á landinu, Gefjunar-fataefni, eða ullar-
teppi, Heklu-vinnuföt, peysur, úlpur, frakka, sokka
og fleira, Iðunnar-skó eða Iðunnar-Ioðgærur, Amaró-
nærfötin, Lindu-súkkulaði, Lorelei-kex, Flóru-
smjörlíki, K.E.A.-osta, sardínur K. Jónssonar, Val-
bjarkar-húsgögnin, og fjölda annarra húsgagna frá
Akureyri, og svona mætti lengi telja. Allt eru þetta
landsþekktar iðnaðarvörur, sem hlotið hafa viður-
kenningu landsmanna, í hverri grein fyrir sig.
Þess vegna er iðnaðurinn á Akureyri, það sem
hann er í dag, að hann hefur þróazt út fyrir bæjar-
takmörkin, og náð hylli þjóðarinnar allrar og er
raunar í vaxandi mæli byrjaður að teygja sig út fyr-
ir landssteinana á erlenda markaði.
Til enn nánari skilgreiningar á þeim iðnaði, sem
hér er rekinn, hef ég dregið saman höfuðþætti hans
í eftirfarandi yfirliti:
Byggingaiðnaður, Jámiðnaður, Skipasxníðar,
Hmgagnagerð, Matvælaiðnaður, Fiskiðnaður, Sæl-
gætis- og efnaiðnaður, Veiðarfæraiðnaður, Vefnað-
ar- og fataiðnaður, Skógerð og leðuriðnaður, Prent-
un og bókband og margs konar annar iðnaður.
Sá iðnrekstur, sem hér er nefndur, veitti sl. ár
1.304 konum og körlum atvinnu, og nam vinnu-
viknafjöldi þeirra samtals 67.791 viku.
Samanlagðar launagreiðslur til starfsliðs þessa
iðnrekstrar, námu sl. ár kr. 80.741.000.00 — áttatíu
milljónum sjö hundruð fjörutíu og einu þúsundi
króna.
Þá nam framleiðsluverðmæti alls þessa iðnaðar
kr. 394.702.000.00 — þrjú hundmð níutíu og fjór-
28 DAGUR