Dagur - 29.08.1962, Qupperneq 57

stöðu síðan 1960, en hóf þar starf árið 1946, sem að-
stoðarmaður Snæbjarnar. Auk hans eru fastráðnir
tveir bifreiðaeftirlitsmenn, annar með búsetu á
Húsavík, enda nær umdæmið yfir svæðið frá og
með Siglufirði og allt austur yfir Þingeyjarsýslur
báðar. í sumar starfar aukamaður ogskrifstofustúlka
hjá eftirlitinu.
Starf bifreiðaeftirlitsins er einkum fólgið í skrán-
ingu ökuskírteina, prófi ökumanna, skoðun bif-
reiða og löggæzlustörfunr á vegum úti.
Ökuskírteinin í Akureyrarumdæmi eru nú orðin
á sjötta þúsnnd. Bifreiðir í umdæmi bifreiðaeftir-
litsins og önnur ökutæki um 2700 talsins og fer ört
fjölgandi. — A-bifreiðarnar eru 1700.
Elzta bifreiðin í umferðinni er Ford-vörubifreið
Sigurðar Jónssonar á Húsavík, árgerð 1926.
LANDSÍMINN
ANDSÍMASTÖÐIN var opnuð á Akureyri 29.
sept. 1906, og samtímis ritsíma- og talsímasam-
band milli Reykjavíkur og Seyðisfjarðar, en þaðan
hafði verið lagður sæsímastrengur til Skotlands. —
Landsímastöðin á Akureyri hefur alltaf verið við
Hafnarstræti og síðan 1945 í nr. 102. Árið 1950 var
sett upp sjálfvirk bæjarsímastöð með 1000 númer-
um, sem síðar var fjölgað í 2000 í tveim áföngum.
Og nú er hafin bygging við húsnæði pósts og síma í
Hafnarstræti 102, því enn þarf bráðlega að fjölga
númerum til muna.
Símastjórar hafa aðeins verið fjórir á Akureyri:
Poul Smith 1906—1908, Gísli Ólafsson 1908—1912,
Halldór Skaftason 1912—1924, en síðan Gunnar
Scliram.
Gunnar Schram, símastjóri.
Bátar frá Akureyri eru viðurkenndir um land allt og vitna
um góða skipasmiði.
SJÁLFSBJÖRG
J7ITT YNGSTA og jafnframt þróttmesta félagið
á Akureyri er Sjálfsbjörg, félag fatlaðra. Það réð-
ist þegar í það stórvirki að byggja sér félagsheimili
og tókst það. Heitir það Bjarg og stendur við
Hvannavelli 10. Fyrsti formaður var Emil Ander-
sen, en núverandi formaður er Karl Friðriksson.
Bjarg er fyrsta félagsheimili Sjálfsbjargarfélaganna
hér á landi.
LYFJABÚÐIR
A KUREYRARAPÓTEK var stofnað árið 1819.
■^Núverandi eigandi er Oddur C. Thorarensen og
tók hann við því á 100 ára afmæli þess.
STJÖRNUAPÓTEK er fyrsta samvinnulyfja-
búð landsins. Þetta apótek var stofnað 1936 og
stjórnar því Baldur Ingimarsson.
KVIKMYNDAHÚS
Á AKUREYRI eru tvö kvikmyndahús: Nýja-Bíó,
eigandi Oddur Thorarensen, lyfsali, og Borgarbíó,
sem stúkur bæjarins eiga og reka. Nýja-Bíó rúmar
400 manns í sæti og Borgarbíó um 300, eða samtals
rösklega 700 manns.
GULLSMIÐIR
TVÆR gullsmíðavinnustofur eru á Akureyri og
eiga aðra þeir Sigtryggur Helgason og Pétur Breið-
fjörð og er hún í Brekkugötu 5, en hina hefur Kon-
ráð Jóhannsson í Brekkugötu 7.
D A G U R 55