Dagblaðið Vísir - DV - 07.12.1996, Side 34

LAUGARDAGUR 7. DESEMBER 1996
viðtal
Hópur manna frá Sviss kemur í sjóstangaveiöi á hverju ári og
hér má sjá einn þeirra um borö í Níelsi Jónssyni EA.
Mikið er um hrefnur í Eyjafiröi, þær koma oft nærri bátnum þeg-
ar farið er í hvalaskoðunarferöir og gera ýmsar kúnstir eins og
sjá má á myndinni sem tekin var i einni ferðinni.
Hnúfubakarnir eru engin smásmíöi en talsvert virðist vera af
þeim í Eyjafirði þar sem þeir hafa haldiö til síöan í vor.
Mikil ásókn er í hvalaskoðun og sjóstangaveiði frá Hauganesi í Eyjafirði:
Hnúfubakurinn er tignarlegur
og svartfuglinn pattarafegur
DV, Akureyri: ____________________
„Upphaflð að hvalaskoðunarferð-
um okkar má rekja til þess að árið
1994 fórum við með norskan sjávar-
líffræðing, Öivind Kaasa, í köfunar-
leiðangur út af Hrólfsskeri utan við
Hrísey. í þessum leiðangri sáum við
30-40 hrefnur og Norðmaðurinn
spurði hvers vegna í ósköpunum við
stæðum ekki fyrir hvalaskoðunar-
ferðum fyrir ferðamenn á þessum
slóðum. Þetta var það sem ýtti okkur
af stað og þótt okkur sem búum við
sjóinn þyki það í sjálfu sér engin
stórtíðindi að sjá hrefnur þá þykir
öðrum það, svo ég tali nú ekki um
þegar stærri hvalir sýna sig,“ segir
Árni Halldórsson á Hauganesi við
Eyjafjörð en hann er einn eigenda
Níelsar Jónssonar s/f sem á og gerir
út samnefndan bát frá Hauganesi og
stendur að ferðamannaþjónustu það-
an.
Ásamt Árna eru Halldór bróðir
hans og Garðar Níelsson eigendur að
fyrirtækinu en þremenningarnir
hafa verið að taka við rekstri bátsins
af feðrum sínum. Árið 1989 var byrj-
að að fara með ferðamenn frá Hauga-
nesi og var aðallega um að ræða út-
lendinga sem vildu komast í sjó-
stangaveiði.
Koma aftur og aftur
„Sumir þessara hópa hafa komið á
hverju einasta ári síðan og ætla
greinilega að halda áfram að sækja
okkur heim. Næsta sumar koma t.d.
þrír svissneskir hópar manna sem
hafa komið ár eftir ár. Þeir hafa
venjulega komið með öll sín tæki íil
veiðanna en í fyrra voru þeir svo
ákveönir að koma aftur að þeir
skildu öll tækin eftir. Það er mjög
gaman að fá sömu mennina aftur og
aftur til sín og sýnir okkur að þeir
eru ánægðir með ferðimar.
Við erum tæplega eina og hálfa
klukkustund á þau mið sem við för-
um ávallt með þessa hópa á og þess
eru dæmi að menn hafi verið að fá
300-500 kg í þessum ferðum. Sviss-
lendingamir flaka sjálfir allan afla
um borð sem síðan er frystur og þeir
hafa hann svo með sér þegar þeir
halda heim,“ segir Árni.
Árni segir að þjónusta við ferða-
menn frá Hauganesi hafi hafist þegar
harðna fór á dalnum hjá mönnum
vegna kvótasetningar, þá hafi ekki
verið nein verkefni yfir sumarmán-
uðina fyrir menn með báta eins og
Níels Jónsson EA sem er 30 tonna
eikarbátur.
Mikil aukning
milli ára
„Það var svo fyrir hvatningu Norð-
mannsins Eivind Kaasa að við fórum
Árni Halldórsson t.h. og Sigurjón Hafsteinsson „í svartfugli". Ef marka má fuglafjöldann viö fætur þeirra hefur ver-
iö góö veiöi þennan daginn.
að fara með fólk í hvalaskoðunarferð-
ir og þær hófust strax sumarið 1994.
Við höfum sáralítið sinnt markaðs-
málunum en þrátt fyrir það fengum
við strax og við létum vita af okkur
hópa í þessar ferðir og það hefur orð-
ið mikil aukning milli ára. í sumar
var um 40% aukning á fjölda þeirra
sem fóru í þessar ferðir og við reikn-
um með talsverðri aukningu á næsta
ári. Við höfum fram undir þetta ein-
ungis verið með ferðir fyrir hópa en
munum næsta sumar einnig verða
með ferðir á ákveðnum tímum sem
verða öllum opnar.“
Á tímabilinu frá mars og fram í
maí er Níels Jónsson EA notaður til
að veiða þann kvóta sem fyrirtækið á
en það eru um 150 tonn, mest þorsk-
ur. Síðan er tekið til við feröaþjón-
ustuna.
Sjá alltaf hvali
Árni segir að sést hafi til hvala í
hverri einustu hvalaskoðunarferð
þeirra sl. sumar og eins og staðan er
þessa dagana er fátt sem bendir til að
á því verði breyting. „Það er geysi-
lega mikið líf hér í firðinum núna
þótt bolfiskinn vanti,“ segir Ámi.
„Hér hefur verið mikið af hrefnu
og mikið um svartfugl en það sem
hefúr komið á óvart er að svo virðist
sem hnúfubakurinn sé að setjast hér
að, eða það vonum við a.m.k.
Síðan í vor höfum við séð til ferða
hnúfubakanna af og til en að undan-
fomu hefur sést til þeirra upp á
hvem einasta dag og þeir eru greini-
lega margir á ferðinni því sést hefur
til allt að átta dýra í einu. Þessir
hvalir em engin smásmíði, þeir geta
orðið allt að 15 metra langir og vega
um 15 tonn þeir þyngstu. Það er því
tignarlegt að sjá til þeirra héma inni
á firðinum. Það yrði ekki til að
skemma fyrir okkur ef svo færi að
þessi hvalategund settist hér að.“
Svartfuglsveiðar
ísókn
Eitt af því sem Árni og félagar hafa
gert er að fara með menn á svart-
fuglsveiðar yfir vetrarmánuðina. „Þá
notum við mun minni bát og þetta
sport verður vinsælla með hverju ár-
inu sem líður. Það er eins með svart-
fúglinn og hvalinn að það er meira
um hann en áður og það er greinilega
nóg um æti. Fuglinn er feitur og patt-
aralegur enda mun vera mjög mikið
um ungloðnu og smásíld í firðinum
sem er kjörfæða fyrir bæði hvalina
og svartfuglinn. Svartfuglsskyttirí er
mjög skemmtilegt og ég myndi hik-
laust leggja það að jöfnu við rjúpna-
eða gæsaveiðar," segir Ámi. -gk