Dagblaðið Vísir - DV - 03.02.2001, Blaðsíða 20

20
LAUGARDAGUR 3. FEBRÚAR 2001
Helgarblað
Nornaveiðar 1
Mosfellssveit?
- Margrét Pála Ólafsdóttir útskýrir atburðina í Reykjakoti
Margrét Pála Ólafsdóttir
er ekki venjulegur leik-
skólastjóri. Hún mun
vera ein kvenna í starfs-
stétt leikskólastjóra með
magistersgráðu í leik-
skólastjórn. Hún hefur að
baki 18 ára starfsferil og
ncer tólf árum af því
eyddi hún í að byggja
upp leikskólann Hjalla í
Hafnarfirði eftir sínum
eigin hugmyndum sem
þá þóttu sérviskulegt
streð en ganga í dag und-
ir nafninu Hjallastefnan.
Hjallastefnan í rekstri leikskóla
tekur til margra þátta en það sem
hún er þekktust fyrir er að leikskól-
inn er að mestu kynjaskiptur. Þetta
þótti mörgum ekki nógu góð latína í
fyrstu en stefnan hefur löngu sannað
sig og 11 íslenskir leikskólar eru í dag
reknir samkvæmt Hjallastefnunni að
meira eða minna leyti. Aukinheldur
hefur stefnan orðið að útflutnings-
vöru þvi leikskólar i Noregi, Svíþjóð
og Danmörku hafa tekið stefnuna upp
og starfrækja skóla sína eftir henni.
Fyrst á Noröurlöndum
Leikskólinn Hjalli mun hafa verið
fyrsti leikskólinn á Norðurlöndum til
þess að beita kynjaskiptingu sem
hluta af skólastefnu sinni. Skólinn
hefur hlotið sérstök verðlaun frá
Jafnréttisráði fyrir starfið sem þar er
unnið og áþekk verðlaun hafa reynd-
ar skólar í anda stefnunnar hlotið á
Norðurlöndum.
Margrét Pála er kona sem hikar
ekki við að fara ótroðnar slóðir. Hún
hefur ekki heldur gert það í sínu
einkalífi því hún hefur staðið í fylk-
ingarbrjósti réttindabaráttu samkyn-
hneigðra á íslandi og var um skeið
formaður Samtakanna 78.
Margrét og fyrirtæki hennar,
Hjallastefnan ehf., er með þjónustu-
samning við Hafnarfjarðarbæ um
rekstur leikskólans Hjalla en sl. haust
tók hún við starfi leikskólastjóra í
Reykjakoti i Mosfellsbæ auk þess að
vera bakhjarl leikskólakennaranna
sem nú starfa á Hjalla.
Reykjakot er meðalstór leikskóli,
þar eru um 104 börn á aldrinum 2-6
DV-MYND POK
Margrét Pála Ólafsdóttir, leikskólastjórl í Reykjakotl
,Margir hafa kallaö þetta einelti eöa nornaveiöar í mín eyru en ég tek ekki sjálf afstööu þar um. Hins vegar má nefna
aö nornaveiöar miöalda beindust gegn þeim konum sem ekki fóru alltaf sömu leiö og fjöldinn. Þaö hef ég ekki gert,
hvorki í mínu einkalífi né fagiega, og vitaskuld hefur mér dottiö í hug aö fordómar búi hér aö baki."
ára. Skólinn hefur starfað frá 1994 og
hin síðari ár verið rekinn í anda
margáminnstrar Hjallastefnu.
Óánægjan birtist
í lok nóvember var foreldrum allra
barna á Reykjakoti sent bréf í kjölfar
fundar óánægðra foreldra 29. nóv og
talin upp átta atriði sem talin eru
valda óánægju í rekstri Reykjakots.
Hvatt var til umræðu um málin á for-
eldrafundi sem var haldinn 5. desem-
ber. 14. desember barst bæjarráði
formleg kvörtun undirrituð af for-
eldrum fjögurra barna í Reykjakoti.
Þar var ýmislegt í rekstri leikskólans
gagnrýnt en sérstaklega var fjallað
um öryggismál.
Vísað var til þess þegar tveir
starfsmenn leikskólans óku með Qög-
ur börn beltislaus í pallhúsi á jeppa-
bifreið frá Reykjakoti niður í íþrótta-
hús. Þetta var talið stefna öryggi
barnanna í hættu. Gagnrýnt var að
nokkur böm hefðu án eftirlits verið
send í gönguferð kringum leikskól-
ann með fram umferðargötum á tvo
vegu. Einnig var gagnrýndur skortur
á eftirliti í gönguferð nokkurra
drengja áleiðis upp að Skyggni og
fullyrt að einn þeirra hefði næstum
hlaupið fyrir bíl á leiðinni heim án
þess að kennari með í fór tæki eftir
því.
Svört gluggatjöld og
töfrabrögð
Fjölmargar aðrar kvartanir hafa
verið bornar fram af þessum foreldr-
um og lúta þær meðal annars að því
að svört gluggatjöld verði sett upp til
að byrgja alla glugga leikskólans,
kakódrykkja á ákveðnum dögum hafi
verið felld niður, leikföngum hafi
fækkað, bömin fái ekki að handleika
bækur, börnum séu sýnd töfrabrögð
með eld og svarin til leyndar um slíkt
heima fyrir.
Fæstar þessara ásakana hafa verið
bomar upp með formlegum hætti en
em ítarlega kynntar á heimasíðu sem
Garðar Skarphéðinsson heldur úti og
heitir Betra Reykjakot. Skemmst er
að segja frá þvi að bæjarráð Mosfells-
bæjar fól Skólaskrifstofu að rannsaka
mál þau sem kvartað var undan.
Skrifstofan komst að þeirri niður-
stöðu að meðferð leikskólans á mál-
um væri eðlileg og sá ekki ástæðu til
að hafást neitt að vegna þessara
kvartana.
Starfsmenn skólans hafa skrifað
Birni Þráni Þórðarsyni, yflrmanni
fræðslu- og menningarsviðs Mosfells-
bæjar, og kvartað undan margendur-
teknum ásökunum og ofsóknum á
Garðar Skarphéðinsson foreldri:
Börnin okkar eru
ekkiörugg
Garðar Skarphéðinsson er hópi
þeirra fernra foreldra sem hafa
kvartað undan öryggisbrotum sem
hafa átt sér stað á Reykjakoti
Hann segir að fjöldi hinna óá-
nægðu sé reyndar mun meiri. Ekki
mun ofmælt að segja að bæjaryfir-
völd í Mosfellsbæ hafl ekkert viljað
aðhafast vegna umkvartana for-
eldra. Ertu ánægður með það?
„Ég er það alls ekki. Bæjaryfir-
völd hafa alls ekki tekið á þessu
máli eins og við viljum. Forstöðu-
maður fræðslu- og menningarsviðs
getur ekki talist hlutlaus aðOi í um-
fjöllun málsins vegna yfirlýsinga-
gleði sinnar og fer að auki með
rangt mál. Við viljum að yfirvöld
viðurkenni alvarleika málanna en
það gera þau ekki,“ segir Garðar í
samtali við DV.
- Mikið hefur verið rætt um
starfsmannamál í Reykjakoti og
sagt aö flótti hafi orðið en því er
jafnframt haldið fram að hlutfall
faglærðra hafl hækkað.
„Þetta er leikur að tölum þvi
starfsmönnum hefur fækkað úr 16 í
11,5 heilsdags stöðugildi. Þetta þýð-
ir að hver starfsmaður annast fleiri
böm en áður og langtum fleiri en
lög og reglugerðir um leikskóla gera
ráð fyrir, auk þess fá böm sem
þurfa séraðstoð ekki hana lengur."
- Var þetta meðal þess sem þið
kvörtuðuð undan við bæjaryfirvöld?
„Þegar við hófum okkar baráttu
var Reykjakot vel mannað en síðan
hafa starfsmenn sagt upp eða verið
hraktir í burtu og fáir komið í stað-
inn.“
- Bæjaryfirvöld í Mosfellsbæ
virðast lita svo á að málinu sé lok-
ið. Hvað með ykkur? Heldur barátt-
an áfram?
„Baráttan heldur áfram og henni
linnir ekki fyrr en við getum tryggt
aö börnin séu örugg inni á leikskól-
anum. Ég get ekki séð að neinar ör-
yggisreglur nái yfir það þegar leik-
skólastjóri kennir börnum að fikta
með eld eins og Margrét Pála gerir
þegar hún kveikir á eldspýtu fyrir
framan börnin og setur upp í sig og
segist hafa gleypt eldinn. Það hafa
fundist eldspýtur inn i herberjum
hjá börnum sem eru á Reykjakoti.
Við teljum að henni sé engan veg-
inn treystandi. Jafnframt vil ég taka
fram að barátta okkar snýr ekki að
starfsmönnum eða stefnu skólans
heldur að stjórnendum leikskól-
ans.“
- Er þá ykkar meginkrafa sú að
hún víki úr starfi?
„Aðalkrafan er sú að bömin okk-
ar séu örugg. Leikskólastjóri sem
sýnir svona dómgreindarleysi hlýt-
ur að þurfa að víkja fyrir ábyrgari
aðila."