Dagblaðið Vísir - DV - 25.05.2002, Blaðsíða 8

8
Útlönd
LAUGARDAGUR 25. MAÍ 2002
DV
REUTERSMYND
Hermenn í skóianum
Indversk skólabörn viröa fyrir sér
hermenn sem hafa tekiö sér ból-
festu í skóla þeirra nærri landamær-
unum að Pakistan. Mikil spenna er í
samskiptum ríkjanna tveggja.
Herinn í Pakistan
prófar flugskeyti
Indverskir ráðamenn snupruðu í
gær Pakistana fyrir tilraunir þeirra
með flugskeyti sem hefjast um helg-
ina og eiga að standa næstu daga.
Pakistanar tilkynntu þetta í gær, á
sama tíma og heldur dró úr ótta
manna við áð stríð milli kjamorku-
veldanna tveggja vegna Kasmírs
væri yfirvofandi.
Colin Powell, utanríkisráðherra
Bandaríkjanna, sagði að deilur ríkj-
anna væru „mjög hættulegar" og
hét því að reyna sitt til að koma vit-
inu fyrir ráðmenn.
Þá sagði Chris Patten, sem fer
með utanrikismál hjá ESB, að þolin-
mæði indverskra stjómvalda í garð
Pakistana væri senn á þrotum.
Færri flóttamenn
til Danmerkur
Umtalsvert færri flóttamenn hafa
leitað hælis í Danmörku á undan-
förnum mánuðum á sama tíma og
þeim hefur fjölgað í bæði Noregi og
Svíþjóð. Talið er að beint samband
sé milli þessa og strangrar stefnu
dönsku ríkisstjómarinnar í málefn-
um útlendinga, að því er fram kem-
ur í danska blaðinu Jyllands-Post-
en.
Á fyrsta fjórðungi þessa árs komu
1.877 flóttamenn til Danmerkur, eða
1.251 færra en á sama tíma í fyrra.
Flóttamönnum fjölgaði aftur á móti
um 711 í Noregi á sama tíma og
fjölgaði um 1.356 í Svíþjóð.
Flóttamennimir til þessara
þriggja landa koma aðallega frá
löndum á borð við írak og fyrrum
lýðveldum Júgóslavíu.
REUTERSMYND
Bono og ráðherrann
Matarhié á sjúkrahúsi í Soweto.
Bono og ráöherr-
ann hneykslaðir
Irski U2-popparinn Bono og Paul
O’Neill, fjármálaráðherra Banda-
ríkjanna, áttu ekki orð til að lýsa
hneykslan sinni á því hve lítið er
um úrræði fyrir HlV-smitaðar van-
færar konur í Suður-Afríku.
Tvímenningamir heimsóttu
Chris Hani Baragwanath sjúkrahús-
ið i Soweto í gær og þar var þeim
sagt að tvö þúsund vanfærar HIV-
smitaðar konur í bænum fengju
enga meðferð þrátt fyrir að árleg
framlög gjafaþjóða til meðferðar
gegn alnæmi næmu um fimm millj-
örðum króna.
Starfsfólk sjúkrahússins sagði að
það kostaði aðeins um 100 milljónir
króna að gefa öllum vanfæmm kon-
um í Soweto lyf sem dregur úr því
að smitið berist í börn þeirra.
^ Samningur um fækkun kjarnorkuvopna undirritaður:
Iranar fá ekki að-
stoð við sprengjur
Vladimír Pútín Rússlandsforseti
sagði George W. Bush Bandaríkja-
forseta einslega í gær að Rússar
myndu ekki gera neitt sem kæmi
stjórnvöldum í Iran að notum við að
smíða kjarnorkusprengju, að því er
háttsettur bandarískur embættis-
maður greindi fréttamönnum frá í
Moskvu.
Ágreiningur forsetanna um mál
þetta kom hins vegar í ljós á fundi
sem þeir héldu með fréttamönnum í
gær, á fyrsta degi fjögurra daga
fundahalda þeirra.
Bandarikjamenn hafa haft af því
þungar áhyggjur að aðstoð Rússa
við írana að reisa kjamorkuver til
raforkuframleiðslu verði til þess að
gera írönum kleift að framleiða ger-
eyðingarvopn. Stjómvöld í Wash-
ington líta svo á að ráðamenn í
Teheran styðji við bakið á hryðju-
verkamönnum.
Vladimír Pútín bar það alfarið til
baka að aðstoð Rússa gæti leitt til
REUTERSMYND
Forsetamir heilsast
Gestgjafmn Vladimír Pútín Rúss-
landsforseti heilsar vini sínum,
George W. Bush Bandaríkjaforseta,
viö upphaf fundar þeirra í Moskvu.
þess ama.
„Við ætlum að vinna náið saman
að þessu mikilvæga máli,“ sagði
Bush á fréttamannafundinum.
Ágreiningur forsetanna tveggja
um íran hefur varpað skugga á ann-
ars ágætan fund þeirra i Moskvu
þar sem þeir undirituðu í gær tíma-
mótasamning um niðurskurð í
kjarnorkuvopnabúri landanna.
Samningurinn kveður á um að lang-
drægum kjamaoddum verði fækkað
um tvo þriðju á næstu tíu árum.
Bush stóð undir þvi orðspori sem
fer af honum að vera fremur fljótur
í ferðum þegar hann skoðar erlend-
ar borgir. Þannig tókst Bandaríkja-
forseta til dæmis að hespa af skoð-
unarferð um Kreml á sjö mínútum.
Ferðin átti aftur á móti að taka
hálfa klukkustund. Bush skoðaði
meðal annars hið fræga Dómkirkju-
torg í Kreml þar sem gefur að líta
glæsilegar kirkjur með tumum í
laginu eins og laukar.
REUTERSMYND
Veifað til mannfjöldans
Marta Lovísa Noregsprinsessa og Ari Behn veifa til mannfjötdans í Þrándheimi eftir brúökaupiö í gær.
Marta Lovísa Noregsprinsessa gekk í hjónaband í gær:
Felldi tár í kirkjunni
Mikið var um dýrðir í Niðaróss-
dómkirkju í gær þegar Marta
Lovísa Noregsprinsessa gekk að
eiga sinn heittelskaða, rithöfundinn
Ara Behn, frammi fyrir guði, kóng-
inum og dauðlegum mönnum.
Prinsessan var í hvítum liljum
skreyttum silkikjól, með þriggja
metra löngum slóða, þegar hún ját-
aðist Ara. Marta Lovísa var svo
hrærð að þún þurfti að brúka vasa-
klút til að þerra tárin.
„Þú færð prinsessu alls landsins,"
sagði Finn Wagle biskup við brúð-
gmnann þegar hann gaf þau saman.
Enda þótt þetta hafi ekki veriö
„ekta“ konunglegt brúðkaup, þar
sem rithöfundurinn Ari er ekki með
blátt blóð í æðum, voru engu að síð-
ur fulltrúar konungsfjölskyldna
viðs vegar að úr Evrópu meðal
hinna fimm hundruð gesta í Niöar-
óssdómkirkju, þar á meðal Margrét
REUTERSMYND
Lokslns gift
Norski rithöfundurinn Ari Behn smell-
ir kossi á brúöi sína, Mörtu Lovísu
Noregsprinsessu. Þau gengu i
hjónaband í Niöaróssdómkirkju í
Þrándheimi í gær.
Þórhildur Danadrottning.
Mikill fjöldi Norðmanna stóð
meðfram þröngum götum Þránd-
heims, margir hverjir í litríkum
þjóðbúningum, þar sem Marta
Lovisa og faðir hennar, Haraldur
kóngur, fóru um í opnum vagni á
leið til dómkirkjunnar. Eins og
nærri má geta skartaði Þrándheim-
ur sínu fegursta í tilefni dagsins,
skraut og blóm á hverju homi.
Aldrei fyrr hafa jafnmargir tignir
gestir sótt borgina heim á sama
tíma.
Brúðguminn Ari Behn er þekktur
rithöfundur í Noregi og hefur verið
fremur umdeildur. Hann hefur með-
al annars verið gagnrýndur fyrir of
áberandi klæðaburð, eins og bleika
skyrtu sem hann klæddist ein-
hverju sinni þegar hann brá sér á
skíði.
Kjósendur flýja
Vandaræðagang-
ur Anfinns Kalls-
bergs, lögmanns
Færeyja, við að
mynda meirihluta-
stjóm hefur orðið
til þess að kjósend-
ur hafa snúið baki
við flokki hans,
Fólkaflokknum, og einnig við Jafn-
aðarflokkmum. Ný skoðanakönnun
Gallups sýnir að margir kjósendur
þessara flokka myndu nú greiða at-
kvæði á annan veg en þeir gerðu í
kosningunum 30. apríl.
Finnar reisa kjarnorkuver
Finnsk stjómvöld ákváðu í gær
að láta hefja smíði fyrsta kjam-
orkukljúfsins í Evrópu í tíu ár til að
mæta vaxandi orkuþörf, þrátt fyrir
harða andstöðu umhverfissinna.
Fyrstu jarðarber ársins
Fyrstu jarðarber ársins sem rækt-
uð vom í gróðurreitum utanhúss í
Danmörku voru boðin til sölu í
Esbjerg í gær. Rúmlega tíu þúsund
krónur fengust fyrir kílóið af þess-
um fyrsta skammti.
Bondevik gagnrýnir Svía
Kjell Magne Bondevik, forsætis-
ráðherra Noregs, gagnrýndi óbeint í
gær Monu Sahlin, ráðherra innflytj-
endamála í Svíþjóð, fyrir að hafa
blandað sér i dönsk innanríkismál
og gagnrýnt stefnu danskra stjóm-
valda I málum útlendinga.
Hækkanir í skjóli evru
Verðhækkanir í Þýskalandi í
skjóli innleiðingar evrunnar hafa
valdið mörgum Þjóðverjum vand-
ræðum og stjómvöld íhuga að grípa
í taumana.
Fundur í öryggisráði
Jacques Chirac
Frakklandsforseti
fundaði í gær í
fyrsta sinn með ný-
stofnuðu ráði sem á
að gæta öryggis í
landinu. Ráði þessu
er ætlað að gegna
lykilhlutverki í bar-
áttunni fyrir því að fylla landsmenn
aftur öryggiskennd. Glæpir og ör-
yggisleysi voru helstu baráttumál
hægrimanna í forsetakosningunum
í apríl og maí.
Netanyahu vill völdin
Benjamin Net-
anyahu, fyrrum for-
sætisráðherra ísra-
els, sagði í gær að
hann ætlaði bjóða
sig aftur fram til
embættisins í
næstu kosningum
sem áformaðar em
í nóvember 2003. Hinn hægrisinnaði
Netanyahu hefur ekki farið dult
með þá löngun sína að setjast aftur
í stól forsætisráðherra þaðan sem
hann hraktist í kosningunum 1999.
Lík flugmanns fundið
Björgunarsveitir fundu í gær lík
flugmanns breskrar þyrlu sem
hrapaöi í sjóinn undan Orkneyjum.
Þolinmæði senn á þrotum
Farouq al-Shara, utanríkisráð-
herra Sýrlands, sagði í Stokkhólmi í
gær að þolinmæði arabaþjóða gagn-
vart ísrael væri senn á þrotum og
vandræði væm fram undan ef ísra-
elar héldu ekki að sér höndum i
árásum sínum á Palestínumenn.