Ársrit Ræktunarfélags Norðurlands - 02.02.1956, Síða 14

Karl Kr. Arngrímsson:
Kynni mín af Páli Briem amtmanni
Tildrögin til þess, að ég kynntist Páli Briem amtmanni,
voru þessi:
Þegar ég var á 19. árinu, var ég sendur til Akureyrar,
einhverra erinda fyrir heimili mitt, sem var að Halldórs-
slöðum í Kinn. Eitt með öðrum erindum var að skila bréfi
til Páls amtmanns Briem, frá Sigurði hreppstjóra á Hall-
dórsstöðum. Ég skilaði ekki bréfinu um kvöldið, sem ég
kom inneftir. Morguninn eftir fór ég að hugsa um að koma
bréfinu frá mér, en um leið fannst mér, að það mundi vera
vandi fyrir mig að heilsa upp á amtmanninn, sem ég hafði
aldrei séð. Klukkan var því orðin 11, þegar ég geng að
húsi hans í Hvamminum, sem kallað var. Ég ber að dyrum
á skrifstofunni, og innan við er sagt: „Kom inn“. Ég opna
hurðina; þá stendur upp af stól hár og tígulegur maður og
heilsar mér hlýtt og innilega.
„Er þetta Páll Briem amtmaður?" segi ég.
„Það á nú svo að heita,“ segir hann.
„Ég hef hér bréf til yðar frá hreppstjóranum í Ljósa-
vatnshreppi, gerið þér svo vel,“ segi ég.
Hann tekur á móti bréfinu, lítur á utanáskriftina og
segir: „Þetta er fögur rithönd, mig minnir, að skrifstofan
eigi bréf frá þessum hreppstjóra fyrir.“
Ég segi honum, að ég hafi átt að taka svar við bréfinu.
„Geturðu komið aftur kl. 4 í dag, þá skal svarið verða
tilbúið," segir amtmaður. Þá ætla ég að kveðja, en um leið