Ársrit Ræktunarfélags Norðurlands - 02.02.1956, Síða 44

100
því að gera það sem mest óháð utanríkisverzluninni um
landbúnaðarafurðir. Meðan landið laut Rússum, var flutt
inn komvara án tollálagningar. í byrjun var því lögð áherzla
á að auka akuryrkjuna. Öll nýyrkjustarfsemi var því mjög
studd fjárhagslega af því opinbera hin fyrstu ár, og á tíma-
bilinu 1920—1939 var akurlendi og ræktun aukin um 600
þús. hektara.
Stofnun nýrra bújarða hefur hin síðustu 12 ár verið með
tvennum hætti í Finnlandi. Annars vegar haldið áfram á
þeirri braut, sem áður var farin, um stofnun nýbýla til að
taka á móti hinni eðlilegu fólksaukningu í landbúnaðar-
héruðunum, og í sambandi við það er unnið að stækkun
bújarða, er ekki þykja hafa fullnægjandi landumráð af rækt-
uðu landi eða landi hæfu til ræktunar. Samhliða því er og
veittur stuðningur til endurbygginga og viðbótarbygginga
á íbúðar- og peningshúsum. Þessi framkvæmd fer fram sam-
kvæmt lögum, er sett voru hinn 6. nóv. 1936 og breytingum,
er síðar hafa verið gerðar á þeirri löggjöf. Hins vegar er sú
byggðaraukning eða byggðartilfærsla, er stendur í sambandi
við landtap og landafhendingu, sem varð í sambandi við
friðarskilmálana við Rússa 1944. Lýtur sú framkvæmd á-
kvæðum laga um útvegun lands til nýbyggða, er sett voru
5. maí 1945. í sambandi við hinar verklegu framkvæmdir,
að búsetja það fólk, er flytja varð af afhentu svæðunum,
voru gefnir út 11 lagaflokkar og 13 lagabreytingar til að
auðvelda framkvæmdina. Til þess að fá nokkra yfirsýn um,
hvað gerzt hefur í þessum málum, verður ekki hjá því kom-
izt að gera grein fyrir því, hvað knýr Finna til jafn stór-
felldra aðgerða og þeirra, sem löggjöf sú, er hér verður lýst,
fjallar um.
Samkvæmt vopnahléssamningunum í Moskva 19. sept.
1944, skyldu Finnar afhenda land að flatarmáli 43.840 km2,
en fyrir stríð var búsett á þessum svæðum 425.300 manns.
Þetta voru landamærahéruð. Nokkur þeirra voru því nær