Ársrit Ræktunarfélags Norðurlands - 02.02.1956, Page 51

107
eftirlitsmanna (kolonisationsinspektörer). Þeir eru 20 alls
fyrir allt landið.
Lánin, sem veitt eru, geta verið:
1. Jarða- og landkaupalán.
2. Byggingarlán.
3. Ræktunarlán.
4. Búsáhalda- og búvélalán.
5. Hludeildalán systkina.
6. Lán til almenningsframkvæmda í nýbyggðum.
Tilgangurinn með hlutdeildalánum systkina er sá, að létta
fyrir við arfaskipti, að jarðir og smábýli geti komið í hlut
eins erfingja, og eru því lánin veitt því systkini, sem situr
jörðina áfram, til að leysa út arfahluta hinna skyldmenn-
anna. Þessi lánastarfsemi hefur haft stórkostlega þýðingu og
unnið gegn því, að hæfilega stórar jarðir séu teknar til
skipta, svo að þær verði óhæfar bújarðir á eftir.
Landnámssjóðurinn hefur veitt árlega 3 milljarða marka.
Árið 1955 voru veitt 2923 jarðakaupalán, 5804 byggingar-
lán, 1450 búsáhalda- og búvélalán, 1366 hlutdeildalán syst-
kina og 284 lán til almenningsframkvæmda. Öll þessi lán
greiðast á 31—47 árum með 3% ársvöxtum.
VIII. Endurbygging og endurbœtur á íbúðar- og
peningshusum í sveitum.
Samkvæmt landnámslögunum frá 1936, eins og þau voru
upphaflega, studdi ríkið aðeins nýbyggingarstarfsemina, en
endurbætur bygginga og endurbygging á eldri jörðum naut
ekki fjárhagsaðstoðar. Þegar á fyrstu árunum kom í ljós, að
þessarar aðstoðar var mikil þörf, og þá sérstaklega í formi
af hagstæðum lánum, því bæði kostuðu viðgerðir mikið fé,
en einkum þótti þurfa að endurbæta byggingarfyrirkomulag
gömlu býlanna, til að gera búreksturinn hagkvæmari og að
sveitafólkið fengi íbúðarhúsakost í samræmi við kröfur, er