Ársrit Ræktunarfélags Norðurlands - 02.02.1956, Síða 52

108
aðrar stéttir í þjóðfélaginu gerðu. Ríkisþingið samþykkti því
fjárhagsaðstoð við þessar aðgerðir árið 1938.
Lánin voru veitt fyrir milligöngu hreppsfélaganna og á
þeirra ábyrgð. Styrkur og verðlaun eru aftur veitt beint frá
landnámsdeild landbúnaðarráðuneytisins. Allar umsóknir
hreppa og einstaklinga eru athugaðar gaumgæfilega í þeirri
stofnun, og þess gætt, að framkvæmdaáætlanir séu skynsam-
lega gerðar og að framkvæmdir séu hagkvæmar fyrir aðila.
Hámark lána er 350.000 mörk og styrkur 30.000 mörk,
en verðlaun eru veitt þeim, sem höfðu vatnsleiðslur, mið-
stöðvarhitun, og fyrir aðrar framkvæmdir í byggingartækni,
sem miðuðu að því að auka verðgildi og notagildi bygg-
inganna fram yfir það venjulega. Þessi verðlaun gátu num-
ið 15 þúsund mörkum. Það algengasta var, að þessi að-
stoð næmi 30—35% af framkvæmdakostnaði, og varð sá, er
endurbyggði, að leggja hitt fram af eigin fé eða með vinnu.
Önnur lán en þau, sem hér er lýst, þekkjast varla í þessum
þætti uppbyggingarstarfseminnar. Þessi framlög eru fyrst
og fremst ætluð hinum efnaminni hluta fólks í sveitum, og
hefur það mjög bætt um ástandið í byggingarmálum.
Árið 1955 er lánafjárhæðin áætluð 1850 milljónir marka
og styrkur og verðlaun 500 millj. marka. Sama fjárhæð er á
fjárlögum yfirstandandi árs.
Seinustu árin hafa verið veitt 7000—8000 lán og veittir
styrkir og verðlaun til 20 þúsund aðila.
IX. Landútvegun með frjálsu samkomulagi.
Hin fyrrnefnda landútvegun með frjálsu samkomulagi
til landnáms og nýbyggða stöðvast á stríðsárunum og meðan
verið var að búsetja fólkið frá afhentu landsvæðunum. Það
er fyrst 1954, sem þetta starf er aftur tekið upp.
Á tveimur síðustu árunum, 1954—1955, kaupir landnáms-
deild landbúnaðarráðuneytisins land af 181 jarðeiganda, að
stærð 11.500 ha. Af því var ræktað land, akurlendi og engi,