Ársrit Ræktunarfélags Norðurlands - 02.02.1956, Qupperneq 79

135
ráðunautanna. Jafnframt hvatti hann ráðunautana til þess
að leggja fram meira af efni í Ársritið.
Þessir menn tóku til máls: Ingi Garðar Sigurðsson, Aðal-
bjöm Benediktsson, Egill Bjarnason.
Ólafur Jónsson þakkaði góðar undirtektir og skýrði mál-
ið frekar.
Er hér var komið, var kl. 19.00. Ólafur Jónsson tilkynnti,
að kl. 20.30 ætlaði prófessor Knut Breirem frá Noregi að
flytja erindi um votheysgerð og fóðrun með votheyi, og væri
þess óskað að fundarmenn mættu þar.
Fundi frestað til næsta dags.
Mánudag 5. nóv., kl. 10.30, var fundur settur að ný að
Hótel KEA. Fyrir var tekið:
3. Sauðfjárrækt. — Sigfús Þorsteinsson hafði framsögu,
Ræddi hann um viðfangsefni sauðfjárræktarfélaganna og
starf héraðsráðunauta þeim til leiðbeiningar og aðstoðar.
Mörg vandamál koma fram í þessu starfi. Grundvöllur sá,
sem á er byggt, þekking á erfðagildi fjárstofnanna, er ekki
nægilega traustur. Fóðrun er víða ábótavant og af því leið-
ir, að erfitt er að dæma um eðliskosti gripanna. Einkum er
þetta bagalegt, og jafnframt algengt, þegar um veturgamla
hrúta er að ræða. Þá vék framsögumaður að nauðsyn þess
að koma sérvigtun á fallþunga dilka í sláturhúsum í gott
horf. Þá lagði hann áherzlu á þýðingu og nauðsyn þess að
taka upp tæknifrjóvgun sauðfjár, til þess að flýta fyrir því,
að árangur náist í sauðfjárræktinni.
Til máls tóku: Aðalbjöm Benediktsson, Grímur Jónsson,
Egill Bjamason, Baldur Baldvinsson, Ólafur Jónsson.
Aðalbirni Benediktssyni og Sigfúsi Þorsteinssyni falið að
semja tillögu til fundarályktunar.
Matarhlé frá kl. 12.00 til 13.30.
Aðalbjöm Benediktsson og Sigfús Þorsteinsson Iögðu
fram svohljóðandi tillögu:
„Fundur ráðunauta og fulltrúa búnaðarsambandanna í