Búnaðarsamband Austurlands - 01.01.1911, Blaðsíða 40

42
Dálitið stykki var látið standa 'ram á hanst, er sýna
skyldi, hversu miklum Jiroska kjarninn mætti ná. Þrosk-
unin stansaði öll eftir frostin sem komu seinni partinn
í ágúst og í september.
Auk þess, sem áður hefir verið getið, var sáð all-
miklu af blönduðu korni, rúgi oghöfrum og byggi. Gaf
það all misjafna eftirtekju eftir sáðtíma, jarðvegi o. fl.
4. Grasrækt.
Þetta árið hefir grasrækt verið með langminsta
móti. Kemur það sumpart af því að fræræktarreitir
þeir, sem sáð var í síðasta ár, brugðust algerlega, og
varð þvi að plægja þá upp á miðju sumri, sumpart af
því að töðuvöllur sá, sem sáð var í 1908 og þar fyrir
var plægður upp í fyrra haust, varð eigi notaður en
eigi verið unt að koma nýjuin grasvelli fyrir ennþá.
Af fræræktar reitunum frá 1909 fékkst ekkert fræ
í sumar, en tvíslegnir voru þeir þótt snöggir væru fremur.
Sáðtímatilraununum var haldið áfram eins og að
undanförnu samkv. fyrirmælum Ræktunarfundar frá
1908 (sjá Búnaðar. 23. ár bls. 73). Sáðtímunum i
apríl og maí varð eigi fylgt, en i þess stað sáð 8/4 og
15/5, hinum sáðtímunum haldið. Reitirnir frá 1909 og
10 voru tvíslegnir, þólt frennir væru þeir snöggir.
Sáðtímatilraunir þessar virðast benda til þess, að
æskilegast væri að sá grasfræi sem fyrst á vorin. Þau
3 ár sem tilraunir hafa verið hér um sáðtíma, hefir eigi
orðið sáð fyr í april en 8. 1911 og 21. 1909. 1910 varð
alls eigi sáð í apríl eða maí. I maí var sáð 1909 þ. 6.
1910 aldrei og 1911 þ. 15. Þessir sáðtímar virðast full-
einarðlega benda á stopulleik sáðtímans í hinum fyrstu
vormánuðum; einmitt þeim, sem heppilegast mundi að