Árbók Landsbókasafns Íslands - Nýr flokkur - 01.07.1992, Page 64

64
JÓN KJÆRNESTED
Winnipeg Beach, Manitoba, 28. jan. 1924.
Stephán minn góður.
Þú átt hjá mér bréf og bögu. Brotlegur um margt ég er. En þá að
rita syndasögu samt ég naumast ætla mér. En óska vildi ég þér
gleðilegs árs og þakka þér fyrir allt gamalt og gott og þar á meðal
þitt seinasta tilskrif seinnipart vetrar, sem ég þó sendi þér eitthvað
card um í sumar og ég vona að þú hafir fengið. Hef í raun og veru
ekkert að rita, nema hvað okkur hér líður svona við þetta vanalega,
en höfum þó orðið að fækka skepnum vegna aðstöðu í bænurn.
Það sem af er vetri óvanalega mild tíð og sama sem enginn snjór
fram á Nýjár og enn ekki nema með naumindum sleðafæri. En
kafli í janúar allkaldur. Vatnið lagði óvanalega seint. Opið fram
undir jól. Og margir átt í hraki með net og veiði. Afurðir bænda
ekki að tala um; hér í engu verði eins og annarstaðar, og þar af
leiðandi þröngt um svif hjá mörgum. Ekki hef ég enn séð bækur
þínar hinar nýju. En býst þó við einhverntíma að sjá þær. Þú gerir
vel og ert óþreytandi. Verð nú að hætta og kveðja, en rispa þá
heldur seinna.
Þinn með bestu óskurn,
Jón Kernested.
Athugasemdir og skýringar: card | póstkort.