Árbók Landsbókasafns Íslands - Nýr flokkur - 01.07.1992, Qupperneq 70

70
SKRÁ UM HANDSKRIFUÐ BLÖÐ
eru ekki lengur kunn. Má sem dæmi nefna Morgunstjörnu, Ungling
og Skinfaxa sem segir af í 1. tbl. 1. árg. áðurnefnds Gests í
Kirkjubólshreppi." Ekki er heldur ólíklegt að eitthvað af blöðum
hafi glatast þótt nú séu ekki kunnar heimildir um tilveru þeirra.
Einnig má telja næsta víst að hér og hvar leynist blöð sem ekki hafa
skilað sér á söfn.
í skránni er upplýsingum um hvert blað skipað í fjóra liði. I
þeim fyrsta er tilgreint handritsnúmer blaðsins og fæst þá jafn-
framt nokkur hugmynd um brot (stærð) þess. I öðrum lið er tekið
fram um hvers konar blað ræðir, sveitarblað, skólablað o.s.frv., og
hvaða byggðarlag er vettvangur þess. I þriðja lið er ritstjóri
tilgreindur (eða ritnefnd), sem oftast er einnig ritari blaðsins og
heimili hans því jafnan útgáfustaður þess. Hér er að því að huga að
útgefendur blaðanna eru ýmist einstaklingar, einn eða fleiri
saman, félögeða skólar. Jafnan skiptust félagsmenn og nemendur
á um ritstjórn félags- og skólablaða, stundum tveir eða þrír (jafnvel
fleiri) um hvert tölublað eða nokkur tölublöð í röð. I slíkum
tilvikum eru nöfn ritstjóra/ritnefndarmanna ekki talin upp, enda
yrði það of löng nafnaruna. Standi hins vegar svo á að aðeins einn
eða fáeinir menn annist ritstjórn þessara blaða eru þeir nafn-
greindir í skránni, en svo sem áður hefur verið tekið fram var
útgáfa sveitarblaða t.d. iðulega á vegum ungmennafélaga og var
ritstjóri þá jafnan einn í senn, stundum úr hópi ritnefndarmanna
eða með ritnefndarmenn sér til stuðnings. Tæpast verður þó hjá
því komist að í einhverjum tilvikum ráði mat skráarhöfundar því
hverjir fá nöfn sín birt í þessum lið. í fjórða og síðasta lið sést fyrst
hvaða árgangar af blaði eru til hér í safni. Þar eru einnig
tilgreindar dagsetningar fyrsta og síðasta varðveitts tölublaðs.
Síðan er talinn hver árgangur fyrir sig, fyrst núrner hans, síðan
útgáfuár (sett innan sviga), þá tölublöð og að síðustu viðbótarupp-
lýsingar, ef þurfa þykir. Ef aðeins er um einn árgang að ræða
kemur fyrst númer hans, síðan tölublöð, þá dagsetningar fyrsta og
síðasta varðveitts tölublaðs og loks athugasemdir, ef einhverjar
eru. Vanti árgangsnúmer í slíkum tilvikum er það vegna þess að
það er ekki tilgreint í blaðinu.
Varðveisla blaðanna er ærið misjöfn, svo sem skráin ber með sér.
Af sumum vantar árganga og í suma árganga vantar tölublöð. Ekki
eru öll tölublöð heldur varðveitt heil, vantað getur framan á eða
aftan af, blað og blað (eða blöð) innan úr eða hluta af blaði. Slíkar
14 Sjá einnig t.d. Arnór Sigurjónsson, sama rit, bls. 42 og 45.