Árbók Landsbókasafns Íslands - Nýr flokkur - 01.01.1993, Síða 53

BRÉF TIL BJARNA ÞORSTEINSSONAR
53
óhaganlegast á, úr því að póstar eru um garð gengnir; og hvað því
fyrra viðvíkur, fæ eg víst aldrei mikilvægara og mér gleðilegra efni
að segja yður en eg hefi nú: sem er það, að eg í sumar ætla að fara
að gifta mig með jfr. Helgu Gröndal í Reykjavík, þeirri stúlku, sem
eg hefí fundið elskuverðasta og öldungis eftir mínu hjarta. Pegar
eg segi yður, að eg hefi nú hennar elsku, þá sjáið þér, hvörnin
lukkan hossar mér núna, en mín tilkomandi lukka verður í því
innifalin að gera hana sem lukkulegasta og ánægðasta, og það held
eg mér takist, því viljann vantar ekki. Nú á eg að fara að læra að
búa, það er slæm lectía, og ekki kemur mér óvart, þó eg strandi
nokkrum sinnum í henni; - eg ætla bara að vara mig við að hafa
lectíurnar stórar fyrst framan af; eg byrja þá á einni kú, til skiptis
við Nissens grísku grammatík.
Eg lifi og hefi lifað, síðan eg flutti hingað af Regentsi, eins og eg
lifði þar, heill heilsu og sjálfum mér líkur; er nú búinn að gleyma
miklu af því litla eg kunni í theologicis, en hefi í þess stað fengið
skarðið uppbætt af Xenophon og Homer. Oftar hefi eg litið í Eddu
eða einhvörja ísl. sögu en í biblíuna eða patres ecclesiasticos.- En til
þess að halda uppi góðum siðum, hefi eg stigið í stól tvisvar. Eg hefi
á prjónunum að leggja út apocalypsin, en eg hugga mig við, að það
nægi, ef manuscriptið fínnst einhvörntíma í sterfbúinu; og verkið
sjálft hugnast mér vel, af því þar er lítið við að gera. -
Forlátið mér, ef eg hefí nokkuð tafið fyrir yður með þessu; eg
segi mig skyldugan til að lofa yður að tefja fyrir mér aftur í staðinn,
og það skal vera mér gaman, ef þér viljið gera það. -
Með kærri kveðju til yðar og frú kærustu, er eg
yðar hávelborinheita
elskandi
SrEgilsson
Utanáskrift: Hávelbornum/ herra amtmanni Thorsteinsen/ á/ Stapa.
Undir dagsetningu stendur: Sv. 26. apr. 1822.
Skýringar: Helga Gröndal var dóttir Benedikts Jónssonar Gröndals skálds og
Þuríðar Ólafsdóttur. Helga og Sveinbjörn gengu í hjónaband 20. júní 1822;
Nissens grísku granmatík: N.L. Nissen kenndi latínu og grísku og varð prófessor
við Hafnarháskóla árið 1811 og fékkst mikið við hin fornu klassísku fræði;
Regents var stúdentagarður í Höfn, þar sem íslenskir námsmenn bjuggu um
fjögurra ára skeið meðan þeir voru við háskólanám; í theologicis: í guðfræði;
Xenophon og Homer: grískir rithöfundar og skáld; patres ecclesiasticos: kirkjufeður;
apocalypsin: opinberunarbókina; manuscriptið: handritið; sterfbúinu: dánarbúinu.