Frjáls verslun - 01.10.1973, Síða 53

Umræður ’um skattamál hafnar. Þátttakendurnir fjórir ásamt útgefanda Fv. hafa fengið sér sæti
og byrjað að spjalla. Talið frá vinstri: Jón Sigurðsson, ráðuneytisstjóri, Hjörtur Hjartarson, for-
stjóri, Jóhann Briem, útgefandi Fv., Guðmundur Magnússon, prófessor, og Brynjólfur Bjarnason,
viðskiptafræðingur.
Er virðisaukaskattur og stað-
cjreiðslukerfi framtíðarlausnin?
Boðaðar hafa verið breytingar á skattalögunum á næstu árum. Er vissulega tími til þess kominn
þar eð allir virðast sammála um að gildandi kerfi sé ranglátt og þungt í vöfum. Frjáls verzlun
efndi fyrir nokkrum dögum til umræðu um skattamál og fara helzt’u niðurstöður hennar hér á
eftir. f umræðunum tóku þátt Brynjólfur Bjarnason, viðskiptafræðingur, Guðmundur Magnússon,
prófessor, Hjörtur Hjartarsson, form. Verzlunar ráðs íslands og Jón Sigurðsson, ráðuneytisstjóri í
fjármálaráðuneytinu. Þeir svöruðu nokkrum spurningum, sem F.v. lagði fyrir þá og ræddu mál-
in á breiðari grundvelli út frá þeim. En hefjum þá leikinn:
FV: Hverjir eru helztu gallar á
núverandi skattkerfi með tilliti
til einstaklinga og fyrirtækjanna
að mati viðstaddra?
Guðmundur: Það liggja fyrir tölur um álagða
skatta á þessu ári. Einstaklingstekjuskatturinn
með byggingasjóðsálagi er um það bil 4,7 millj-
arðar. Ég hef ekki fyrirtækjaskattana í kollin-
um, en ætli þeir séu ekki um það bil 8-900
milljónir. Síðan er útsvar sveitarfélaga, sem
er rösklega 3 milljarðar. Það, sem ríkið tekur
til sín af þjóðarframleiðslu er þá 25-26% og
með hlut sveitarfélaga kemur í heildina inn
rösklegur þriðjungur þjóðarframleiðslu.
Hjörtur: Heildartekjuöflun ríkissjóðs og
sveitarfélaga er nú nálægt 100.000.00 á hvern
borgara þjóðfélagsins. 5 manna fjölskylda borg-
ar í einhverri mynd upp undir hálfa milljón á
ári og þá á ég auðvitað bæði við beina og
óbeina skatta. Þetta er vitanlega ógurleg upp-
hæð. Persónuskattarnir eru það háir og skatt-
stiginn er þannig gerður, að menn komast í þá
aðstöðu að þurfa að borga meira en helminginn
FV 10 1973
53