Frjáls verslun - 01.09.1979, Side 26

Leiga stórt gámaskip
frá Noregi
— Fijúgandi hleðslustjóri flýti fyrir afgreiðsiu
„Það háir okkur að skipin okkar
eru ekki dæmigerð gámaskip, en
við leggjum áherzlu á það í fram-
tíðinni að auka flutninga í gámum
og á brettum," sagði Ragnar
Kjartansson, framkvæmdastjóri
Hafskips hf. í viðtali. Hann kvað
félagið hafa aukið gámaflutninga
með skipum sínum allt frá því
síðla árs 1977. I dag réði félagið
yfir nokkur hundruð gámum.
Til að auka enn á flutningsgetu í
gámum, hefur félagið tekið á leigu
gámaflutningaskipið Borre frá
Fred. Olsen skipafélaginu í Noregi.
Hér er um aö ræða 12 mánaða
samning, en Ragnar kvað það
ætlun félagsins að festa kaup á
þessu skipi, ef vel tekst til, og leyfi
yfirvalda fást. Á skipinu er skutur
með akstursbrú og tvær opnan-
legar hliðar, þar sem hægt er að
aka með lyftara út og inn með
gáma og bretti.
Afköst skipanna
aukast
„Kostirnir við gámaflutningana
eru augljósir“, sagði Ragnar
Kjartansson. „Afgreiðsla skipanna
í höfnum tekur miklu skemmri
tíma, þannig að afköst skipanna
aukast mjög frá því sem áður var.
Þannig tekur það ekki nema sól-
arhring að afferma Borre hér sam-
kvæmt okkar útreikningum. Þó er
skipið rúmlega helmingi burðar-
meira en skipin okkar, rúmar 225
þúsund tenginsfet í stað þess að
okkar skip rúma um 100 þúsund
teningsfet."
Leigugjald $ 3000
á sólarhring
Ragnar kvað Hafskip greiða
Fred. Olsen ca. 3000 Bandaríkja-
dali á sólarhring í leigugjald fyrir
skipið. Gámarnir eru allnokkuð
dýrir í innkaupi, kostar 20 feta
gámur þannig eitthvað talsvert á
aðra milljón króna í dag. _
„Það er augljóst að í framtíðinni
munum við auka mjög flutninga á
vöru í gámum og á brettum", sagði
Ragnar Kjartansson. „Skórinn
kreppir helzt að þar sem hafnar-
aðstaðan er. Við erum með vöru-
skemmur allfjarri hafnarsvæðinu,
suður í Tívolí og á Eiðsgranda.
Þeir flutningar kosta okkur um 100
milljónir á ári og gera vinnuna við
skipin mun seinvirkari. Viö erum
að gera okkur vonir um að úr
þessu rætist áður en langt um líð-
ur".
Hleðslustjóri á
ferð og flugi
Ragnar sagði að í sambandi við
tilkomu nýja skipsins Borre, hefði
verið ráðinn sérstakur hleðslu-
stjóri fyrir skipið. Hann flýgur á
milli hafna þar sem skipið tekur
vörur og kemur heim með
hleðsluplanið. Þetta á að auðvelda
og flýta fyrir losun á skipinu í
höfnum hér heima.
Ragnar var spurður hvort upp
væri risið „stríð" eða samkeppni
milli Hafskips og Bifrastar um
flutningana. Báðir aðilarnir aug-
lýsa starfsemi sína af kappi um
þessar mundir. ,,Nei, því fer víðs
fjarri", sagði Ragnar. ,,Við erum
þvert á móti að vonast til að geta
komið á með okkur samvinnu en
ekki stríði", sagði hann og stað-
festi að umræður hefðu farið fram
milli aðilanna um þetta efni.
Leiguskipið Borre
26