Frjáls verslun - 01.09.1979, Síða 30

Sparisjóðirnir efia með
sér samstarf og
bæta þjónustu
,,Sameinaðir eru sparisjóðirnir með um 16% af markaðnum og sameinaðir
eru þeir næstir á eftir Landsbankanum og Búnaðarbankanum að stærð. Við
erum ekki eins stórir og allir einkabankarnir samanlagt en stefnum auðvitað
að þvíað okkar hluti verði sem stærstur og þá um leið eigum við að geta gert
miklu meira. “
Þetta voru orð Baldvins Tryggvasonar, sparisjóðsstjóra hjá Sparisjóði
Reykjavíkur og nágrennis, sem jafnframt er formaður í Sambandi íslenzkra
sparisjóða.
Samband sparisjóðanna hefur
látið nokkuð að sér kveða upp á
síðkastið og minnast eflaust
margir sjónvarpsauglýsinga, sem
sambandið hefur látið sýna ný-
lega og litið hafa út eins og aug-
lýsingaherferð. Hún hefur greini-
lega borið árangur. Aukning í við-
skiptum við sparisjóðina hefur
aukizt hröðum skrefum á þessu
ári og er þar um að ræða framhald
stöðugrar þróunar, sem haldizt
hefur undanfarin ár.
Aukning innlána í þeim 43
sparisjóðum, sem starfandi eru í
landinu, var ívið meiri milli áranna
1977 og 1978 .en hjá viðskipta-
bönkunum. Innlán hjá sparisjóð-
um jukust um 49,3% en hjá bönk-
unum um 47,9%. Hlutdeild spari-
sjóðanna í innlögðu fé í heild hefur
heldur farið vaxandi á síðustu ár-
um og nálgast nú 16%. Þetta hefur
verið hægfara þróun síðustu árin
en þegar litið er um hönd má sjá að
staða sparisjóðanna hefur styrkzt
talsvert með árunum þó að hlut-
fallstalan standi tiltölulega lítið
breytt. Ástæðan er sú, að öflugir
sparisjóðir hafa orðið að bönkum,
þ.e.a.s. Verzlunarsparisjóður,
Samvinnusparisjóður og Spari-
sjóður alþýðu.
Sparisjóður Hafnarfjarðar
stærstur
í bönkunum voru heildarinn-
stæður 120 milljarðar um síöustu
áramót en 22,8 milljarðar í spari-
sjóðum. Af þeim er Sparisjóður
Hafnarfjarðar stærstur með 3,1
milljarð í innstæðum, næstir koma
síðan Sparisjóður Reykjavíkur og
nágrennis með 3 milljarða, Spari-
sjóður Keflavíkur 2,8, Sparisjóður
Mýrasýslu 1,8, Sparisjóður vél-
stjóra 1,3 og Sparisjóður Kópa-
vogs 1,2 milljarða.
Almennt var aukning innlána hjá
stærstu sjóðunum á bilinu 45,5—
51,6% en Sparisjóður vélstjóra er
þó í sérflokki því að þar var aukn-
ing milli ára 63% eða 528,2 mill-
jónir. Þriðji sparisjóðurinn í
Reykjavík, Sparisjóöurinn Pundið
var með 60,3% aukningu. Heildar-
innstæður í honum voru 538,5
milljónir. Aðrir sjóðir sýna að vísu
enn meiri aukningu eins og t.d.
Sparisjóður Húsavíkur 125,6%,
Sparisjóður Árskógshrepps
113,1% og Sparisjóður Rauða-
sandshrepps 105,2%. Hér er þó
um að ræða fremur litla sjóði með
innstæðum 40—67 milljónir og
verður að skoða aukninguna í Ijósi
þess. Minnsti sparisjóðurinn á
landinu við síðustu áramót var
Sparisjóður Geiradalshrepps með
5.2 milljónir í innstæðum.
Af einstökum flokkum innlána
hjá sparisjóðunum voru veltiinn-
lán, þ.e.a.s. almennir hlaupareikn-
ingar og ávísanareikningar 3,9
milljarðar, en spariinnlánin, þ.e.
almennar sparisjóðsbækur,
bundnar innstæður á bókum og
vaxtaaukareikningar, námu alls
18,8 milljörðum. Hlutfall veltiinn-
lána hjá sparisjóðunum er 17,33%,
-sem er nokkru lægra en hjá við-
skiptabönkunum, þar sem það er
23,81%. Hlutfall spariinnlána hjá
sparisjóðum af heildarinnlánum er
pví 82,67% en 75,3% hjá við-
skiptabönkum.
Afurðalán lítil sem engin
Ef litið er á yfirlit yfir útlán um
síðustu áramót námu þau 15,2
milljörðum hjá sparisjóðum en
122.2 milljörðum hjá viðskipta-
bönkunum. Lánaformið hjá spari-
sjóðum er fyrst og fremst víxlar og
vaxtaaukalán. Rúm 55% útlána
30