Frjáls verslun - 01.09.1979, Page 52

Samdráttur í bíla-
innflutningi — en ekki
alvarlegur enn
Japanskir og rússneskir bílar standa
upp úr það sem af er árinu
Eins og fram kom í greininni hér
á undan þá hefur bílainnflutning-
urinn verið að rétta úr kútnum síð-
an árið 1975. Innflutningurinn
hefur aukist nokkuð mikið þó að
hann hafi ekki náð því hámarki
sem varð árið 1974. Samkvæmt
nýjustu heimildum virðist það ekki
takast í ár því að fyrirsjáanlegur er
samdráttur í innflutningnum.
Tímabilið janúar—júní á síðasta
ári voru tollafgreiddar 4675 nýjar
fólksbifreiðar en samsvarandi tala
fyrir árið í ár er hinsvegar 3459 og
þarna hefur því orðið samdráttur
upp á rúmlega 25%. Ósagt skal
látið hvort seinni hluti ársins nái að
verða það öflugur í bílainnflutningi
að heildartalan verði hærri en í
fyrra en sé miðað við tölur frá síð-
asta ári er lítill möguleiki á þeirri
þróun.
Einstök lönd:
Japan
Langmest hefur verið flutt inn af
bílum frá Japan eða 885 fólksbílar
(jan.—júní) af alls 22 tegundum.
Sömu tölur í fyrra voru hinsvegar
1211 bifreiðar af 28 tegundum.
Þarna hefur því orðið nokkuð mikil
minnkun.
Samið um 700 Daihatsu
Það hefur vakið nokkra athygli
að Daihatsu-umboðið á íslandi
bauð bíla af Daihatsu gerð á
óvenjulágu verði. Þessir bílar
komu hingað frá Hollandi þar sem
ekki reyndist mögulegt aó selja þá.
Við spurðum forsvarsmann fyrir-
tækisins að því hvernig unnt væri
aö bjóða þessi kjör. Þeir svöruðu
því til að þeir hefðu gert samning
um að geta tekið við mjög miklu
magni af bílum, allt að 700 stykkj-
um, og með því móti væri hægt að
ná verðinu niður. í Hollandi höfðu
stjórnvöld gert þannig ráðstafanir
að ekki reyndist unnt að selja þá
og þá voru þeir sendir hingað.
Verðið á bílunum í Hollandi var þó
nokkuð hærra heldur en þeir eru
boðnir á hér. Annars sögðu þeir að
mjög mikil sala væri á Daihatsu—
bifreiðum í Evrópu. Þó að þessir
bílar hafi komið frá Hollandi þá
flytur fyrirtækið yfirleitt sína bíla
beint frá Japan. Eins og gefur að
skilja hlýtur að vera mikið stökk að
selja svona mikinn fjölda af bílum á
stuttum tíma, hvaö varðar alla viö-
haldsþjónustu. Daihatsumenn
kváðust alls óhræddir við að geta
ekki annað því, bæði hefðu þeir
stórt og gott verkstæði og einnig
traustan varahlutalager.
Annað fyrirtæki sem flytur inn
japanska bíla er Mazda-umboðið.
Svo sem sjá má í töflu sem fylgir
þessari grein er Mazda eitt af þeim
bílaumboðum sem selja hvað
flesta bíla. Kristinn Breiðfjörð hjá
Mazda-umboðinu tjáöi okkur að
verðið á Mazda-bílum hefði alltaf
verið talið hagstætt. ,,Það er t.d.
hagstæðara nú heldur en í fyrra ef
miðað er við verðbólguna," sagði
Kristinn. Ekki hafa þeir hjá Mazda
séð ástæðu til að bjóða bílana á
einhverju sérstöku verði að sögn
Kristins. En salan mun vera góö og
eftirspurn mikil. Kristinn sagði að
þeir hefðu orðið varir við fráhvarf
frá stærri bílum og meira hefði
verið spurt um minni og spar-
neytnari bíJa. Þetta er örugglega
afleiðing olíukreppunnar. Mazda-
verksmiðjurnar munu ekki hafa
undan að afgreiða pantanir þann-
ig að Mazda-bílar virðast vera vin-
sælli annarsstaðar en hér.
Yfir 100% aukning í
innflutningi á Honda
Honda-umboðið, sem flytur inn
Honda-bifreiðar frá Jaþan, hefur
aðra sögu að segja en flestir aðrir
bílainnflytjendur. Gunnar Bern-
hard sagði: ,,Við hófum innflutning
af fullum krafti árið 1976 og síðan
hefur verið stöðug aukning. Það
hefur orðið yfir 100% aukning frá
síðasta ári á innflutningi hjá okkur.
Eftirspurnin er mjög mikil og við
getum engan veginn haft undan
pöntunum. Þaó er staðreynd að
52