Frjáls verslun - 01.05.1990, Page 20

tíma. Og á meðan byggist nær allt á
sjávarútvegi.
Fijáls verslun kynnti sér hvemig
stóru sölusamtökin, SH,SÍS og SÍF
standa að markaðsstarfsemi sinni í
Evrópu og birtast hér viðtöl við for-
ráðamenn söluskrifstofa þessara
fyrirtækja í Þýskalandi, Englandi,
Frakklandi og á Spáni.
Ljóst er af viðtölum við þessa
menn að framvindan er mjög ör á
sjávarafurðamarkaði Evrópu um
þessar mundir. Gæði afurðanna auk-
ast hröðum skrefum í samræmi við
kröfur neytenda og verð á afurðunum
fer hækkandi. Það stafar bæði af fisk-
vöntun og vöruþróun sem leiðir til
þess að afurðimar verða eftirsóttari.
Vegna fiskvöntunar er eftirspumin
jafnan meiri en framboðið og það
veldur að sjálfsögðu verðhækkunum.
Langt er um liðið síðan Islendingar
fóm að nálgast markaðina með því að
vinna fiskinn í neytendapakkningar í
verksmiðjum á erlendri grund. SH og
SÍS hafa átt og rekið verksmiðjur í
Bandaríkjunum í þessu skini um ára-
bil. Árið 1984 setti SH síðan á fót
verksmiðju í Grimsby á Englandi þar
sem íslenskur fiskur er unninn í neyt-
endapakkningar. Um 500 manns
starfa við verksmiðjuna en hún hefur
átt við byrjunarörðugleika að etja og
verið rekin með tapi.
Má bjóða ykkur saltfisk frá íslandi?
NÝIR MARKAÐIR
Mjög einkennandi er hve mikilvægi
Bandaríkjamarkaðar hefur minnkað
samhliða því sem Evrópa verður þýð-
ingarmeiri, svo og Asíulöndin, eink-
um Japan. Sem dæmi má nefna að árið
1989 flutti SÍS 43% af sjávarafurðum
sínum til Evrópu en einungis 26% til
Bandaríkjanna. Árið 1982 nam út-
flutningur sjávarafurða SÍS til Evrópu
aðeins 13.6% af heildarútflutning-
num. Um sömu þróun er að ræða hjá
SH. Árið 1980 fóru rúm 52 þúsund
tonn af fiskafurðum þeirra til Banda-
ríkjanna en einungis 27 þúsund tonn í
fyrra. Þá fóru 24 þúsund tonn til Asíu
en útflutningur þangað var innan við 2
þúsund tonn árið 1980. Síðustu 3 til 4
árin hefur orðið gífurleg aukning á út-
flutningi okkar til Asíu. Þá hefur sala á
íslenskum sjávarafurðum til Frakk-
lands fimmfaldast á síðustu 10 árum.
Þessu til viðbótar má nefiia að mikið
hefur dregið úr útflutningi freðfisks til
Sovétríkjanna. Árið 1980 nam útflutn-
ingur SH þangað tæpum 17 þúsund
tonnum en var innan við 7 þúsund
tonn í fyrra.
Ljóst er að þessar miklu breytingar
í útflutningi íslenskra sjávarafurða eru
ekki neinar tilviljanir. Sölusamtökin
laga markaðsstarf sitt og vöruþróun
að þeirri framvindu sem er á hveijum
tíma í viðskiptalöndum okkar. Eftir-
spum eftir fiski í heiminum er meiri
en framboðið. Fiskimiðin eru tak-
mörkuð auðlind og því er það hlutverk
þeirra, sem sinna markaðsstörfum,
að fá sem allra mest verðmæti fyrir
þær afurðir sem fluttar eru út. Þess
vegna hefur verið lögð aukin áhersla á
sölustarf á Asíumörkuðum og í
Frakklandi, svo dæmi séu nefnd, en í
þessum löndum er eftirspum eftir
gæðavöru mikil og verðið hátt.
20