Frjáls verslun - 01.05.1990, Page 32

Konur eru í miklum meirihluta svipað og er í íslenskum frystihúsum.
það hefur verið samfelld aukning í sölu
síðustu 8 mánuðina.
Mikill uppgangur hefur verið í atvinnu-
lífi á Grimsby-svæðinu undanfarin ár og
má glöggt sjá það af miklum umsvifum í
iðnaðarhverfinu sem íslenska verksmiðjan
er staðsett í. Að sögn Jóns er aðeins 6-7%
atvinnuleysi í Grimsby er atvinnuleysið er
14-15% víðast annars staðar í Bretlandi.
En hvemig gengur samstarf við starfs-
fólkið í verksmiðju dótturfyrirtækis SH í
Grimsby?
„Þegar ég kom hingað fyrir 4 árum var
mjög „sterk“ verkstjóm í fyrirtækinu. Við
ákváðum að treysta meira á sjálfsaga
fólksins, losuðum um böndin og vildum sjá
hvort ekki væri hægt að laða fram betri
vinnubrögð með jákvæðri örvun, án boða
eða banna. Þetta hefur alls ekki gengið vel
að mínu mati og nú hefur verkstjómin
verið styrkt á ný.
Sannleikurinn er sá að fólk er afar mis-
jafnt í eðli sínu eftir því hvar það býr.
íslenskt verkafólk, sem ég þekki vel eftir
áralöng störf í íslenskum frystihúsum, er
mun sjálfstæðara en Bretar. Þessu fylgja
bæði kostir og gallar. Ef vandamál koma
upp stendur Bretinn ráðþrota en íslend-
ingurinn bjargar málinu! Hins vegar er
meiri agi hér en heima og hefur það auðvit-
að sína kosti, ekki síst þegar um fram-
leiðslu á viðkvæmri vöm er að ræða.“
SÍBREYTILEG FRAMLEIDSLA
Eins og fram kom hjá Jóni Jóhannessyni
eru framleiddir um 300 mismunandi vöm-
flokkar í verksmiðju dótturfyrirtækis SH í
Grimsby. Þegar okkur bar að garði var þar
ys og þys hvar sem litið var. Starfsmenn
em flestir í hlutastörfum og konur í mikl-
um meirihluta, svipað og er í íslenskum
frystihúsum.
„Gæðaeftirlit hér er afar strangt enda
kaupendumir vandlátir svo ekki sé meira
sagt. Einn starfsmaður sinnir eftirlitinu á
hverri framleiðslulínu og hefur yfirlit yfir
allt ferlið, allt frá því blokkin er söguð
niður í minni einingar og þar til framleiðsl-
an fer fullbúin í neytendapakkningar. Þá
verjum við verulegri orku og fjármunum í
þróunarstarf því stöðugt þarf að laga fram-
leiðsluna að óskum viðskiptavinanna. í því
skyni er hér fullkomið tilraunaeldhús og
auðvitað rannsóknarstofa sem gerir reglu-
legar mælingar á innihaldi hráefnisins,"
sagði Jón íramleiðslustjóri einnig.
Jón sýndi okkur nýja vöm sem er mark-
aðssett undir heitinu Cod Royals. Þar er
um að ræða valinn hluta þorsksins. Góm-
sætum sósum er komið fyrir inni í fisk-
stykkinu og brauðmylsna sett utan um
sem hjúpur. Þessi nýja framleiðsla hefur
líkað vel í Frakklandi enda mikla sælkera
að finna þar í landi.
Vinnuafl er mun ódýrara hér en
heima og markaðurinn er
á næstu grösum
En að lokum, Jón. Hvers vegna standa
menn í því að reka verksmiðju í Bretlandi?
Er ekki eðlilegra að veita íslensku fólki
atvinnu við að fúllvinna íslenskan fisk?
„Vissulega hafa menn velt þessu fyrir
sér lengi en ýmislegt gerir það að verkum
að við teljum heppilegt að reka svona
fyrirtæki hér í Grimsby. Til dæmis má
nefna að vinnuafl er mun ódýrara hér en
heima og markaðurinn er á næstu grös-
um, sem gerir það að verkum að auðvelt
er að verða strax við óskum viðskiptavina
um breytingar. Ég held t.d. að kaupend-
um okkar þætti önugt að þurfa að fara upp
til íslands til að kynna sér firamleiðsluna,
því fulltrúar viðskiptavina okkar skjótast
oft hér inn til eftirlits. Þá er ljóst að jafnvel
þótt svona fiskréttaverksmiðja væri stað-
sett heima, yrði alltaf að vera millilager í
Evrópu og þar væru menn að tala um
verulegan viðbótarkostnað.
í þessu dæmi verður að hafa í huga að
þjóðir eru ákaflega kenjóttar þegar um
mat er að ræða. Til dæmis höfum við
íslendingamir, sem hér störfum, fyrir
löngu gert okkur grein fyrir því að við
erum ekki dómbærir á gæði þeirra rétta
sem hér eru framleiddir. Smekkur Bret-
ans og hefð í matargerð eru einfaldlega allt
önnur en okkar. Besta ráðið til að mæta
þessu er að láta Bretana sjálfa um að fram-
leiða réttina eftir eigin hugmyndum. Þá
em viðskiptavinimir ánægðir," sagði Jón
Jóhannesson framleiðslustjóri í fiskrétta-
verksmiðju SH í Grimsby.
32