Frjáls verslun - 01.03.1991, Page 10

FRETTIR
AÐALFUNDUR EIMSKIPS HF.:
GOTTAR-
BffTT AFKOMA
MIKIÐ FJÁRFEST
Á aðalfundi Eimskips
fyrir árið 1990 kom fram
að árið hafði verið félag-
inu hagstætt. Hagnaður
var 341 milljón króna
samanborið við 189 millj-
ónir árið á undan. Hagn-
aður fyrir reiknaðan
tekjuskatt og eignarskatt
nam 701 milljón króna og
hafði hækkað úr 383
milljónum króna frá ár-
inu á undan.
Arðsemi eigin fjár fé-
lagsins árið 1990 var 11%
en meðaltal síðustu 5 ára
er 13%. Bókfærð eigin-
fjárstaða félagsins var
3.9 milljarðar í árslok og
er eiginfjárhlutfall 45%
sem hlýtur að teljast
sterk staða. Til viðbótar
við þessa bókfærðu eigin-
fjárstöðu er ljóst að félag-
ið á verulega dulda vara-
sjóði sem gætu numið
milljörðum króna.
Á árinu 1990 voru
heildarflutningar Eim-
skips 993 þúsund tonn
sem er 5% aukning milli
ára, annað árið í röð.
Veruleg aukning hefur
orðið á flutningum félags-
ins milli erlendra hafna.
Eimskipsmenn telja að
hlutur félagsins í vöru-
flutningum á stykkjavöru
til og frá Islandi hafi verið
svipaður árið 1990 og
undanfarin ár.
Fjárfestingar voru
miklar hjá Eimskip á ár-
inu. Samtals námu þær
1.874 milljónum króna.
Félagið keypti fjögur skip
á árinu. Auk þess keypti
Eimskip skipafélagið Ok
hf. Dótturfélagið Burða-
rás fjárfesti í hlutabréf-
um að kaupverði 522
milljónir króna. Þar mun-
ar mest um kaup á hluta-
bréfum í Flugleiðum,
Sjóvá-Almennum trygg-
ingum og Skeljungi.
BURÐARAS HF.:
2 MILUARDARIBREFUM
Eimskip á dótturfélag,
Burðarás hf., sem hefur
eignarhald á hlutabréfum
Eimskips í ýmsuin hluta-
félögum, þar á meðal
Flugleiðum, Skeljungi,
Sjóvá-AImennum trygg-
ingum og eignarhaldsfé-
lögum Iðnaðarbanka og
Verslunarbanka.
Bókfært verð þessara
hlutabréfa var um 1.250
milljónir króna í árslok
1990. Markaðsverð
þeirra var þá um 2.048
milljónir króna. Þannig
voru duldir varasjóðir
vegna þessara hlutabréfa
Eimskips um 800 millj-
ónir króna miðað við
markaðsverð bréfanna í
árslok 1990.
PETUR
HÆTTIR
Pétur Sigurðsson er
hættur í stjórn Eimskips.
Á aðalfundi Eimskips
varð ein breyting á stjórn
félagsins. Pétur Sigurðs-
son, fyrrverandi forstjóri
Landhelgisgæslunnar,
gaf ekki kost á sér til end-
urkjörs. Hann var fyrst
kjörinn í stjórn félagsins
árið 1953 og átti því sæti í
stjórn Eimskips í 37 ár.
Eimskip fæst við ýmislegt fleira en skipaflutninga.
10