Frjáls verslun - 01.03.1991, Page 30
UMHVERFISMAL
SORPEYÐING HÖFUÐBORGARSVÆÐISINS BS. TEKUR TIL STARFA 26. APRÍL
HREINT LAND
BETRA LAND!
• MUN ÓDÝRARA ER AD LOSA SIG VIÐ FLOKKAÐ SORP EN ÓFLOKKAÐ.
• HÆGT ER AÐ SPARA FLUTNINGSKOSTNAÐ Á SORPIMED PRESSUGÁMUM.
Sorpförgun hefur um langt
árabil verið erfið úrlausnar hér
á landi og hefur skapast gífurleg
mengun af þeirri lausn sem víð-
ast hefur verið gripið til: Að
grafa sorpið óflokkað í grennd
við sjávarmál, brenna það elleg-
ar kasta því í sjóinn. Nú er hins
vegar umhverfisbylting í burð-
arliðnum hvað þennan þátt
áhrærir. 26. apríl nk. mun hefj-
ast móttaka á sorpi í nýrri mót-
töku- og flokkunarstöð allra
sveitarfélaga höfuðborgarsvæð-
isins í Gufunesi þar sem veru-
legum hluta þess, er til fellur,
verður komið til endurvinnslu
en annað bundið í bagga og það
urðað á sérstöku svæði.
Hér á eftir munum við skyggnast í
þann nýja heim sem nú er að opnast
okkur sem byggjum höfuðborgar-
svæðið. Við kynnum okkur hið nýja
fyrirtæki, sem nefnist Sorpeyðing
höfuðborgarsvæðisins bs., öðru nafni
Sorpa. Okkur til leiðsagnar er Ög-
mundur Einarsson, framkvæmda-
stjóri fyrirtækisins. En áður en lengra
er haldið er rétt að líta á forsöguna.
TEXTI: VALÞÓR HLÖÐVERSSON MYNDIR: GRÍMUR BJARNASON
30