Frjáls verslun - 01.03.1991, Side 35

Móttaka rafhlaðna og annarra spilliefna er þegar hafin við Dalveg í Kópa-
vogi. Öll slík móttaka verður í Gufunesi frá 26. apríl.
grein fyrir þeim kostnaði sem leiðir af
söfnun og förgun sorps. Með starf-
rækslu Sorpu verður hér breyting á.
Það er dæmigert fyrir ástandið að við
stórar verslunarmiðstöðvar er ekki
gert ráð fyrir búnaði til að minnka
rúmmál þess sorps sem þar fellur til.
Menn geta ímyndað sér allt það magn
af pappakössum, vörubrettum og
öðru rusli sem fellur til daglega við
hafnir eða í stórum vöruhúsum.
Þessu er í dag fleygt í gáma og hundr-
uð flutningabíla aka því fleiri kílómetra
— bflar með fullan farm af lofti!
Ögmundur Einarsson fram-
kvæmdastjóri Sorpu taldi nauðsyn-
legt að forráðamenn atvinnulífsins
gaumgæfðu kostnaðarliði eins og
þessa. „Gámaþjónustufyrirtækin á
höfuðborgarsvæðinu veita ágæta
þjónustu og sennilega eru 400-500
gámar í stöðugum flutningum um allt
svæðið. Fyrirtækin verja verulegum
íjármunum í þessa þjónustu og þegar
þau þurfa nú að auki að greiða fyrir
hvert tonn, sem til okkar kemur,
hljóta þau að leita leiða til að minnka
rúmtak úrgangsins og stuðla þar með
að lægri flutningskostnaði á hvert
tonn.“
TAKMÖRKUM ÚRGANGINN!
En betur má ef duga skal. Söfnun
og losun hvers konar úrgangsefna
kostar verulega fjármuni og fyrirtæk-
in hljóta í vaxandi mæli að líta á allt
framleiðsluferli sitt og leita leiða til að
sem minnst fari til spillis. Það kostar
nefnilega að losa sig við hvert kfló
sem lendir í ruslagáminum.
Iðntæknistofnun hefur komið á fót
sérstakri Umhverfisdeild, en starfs-
menn hennar eru til þjónustu og ráð-
gjafar fyrir fyrirtæki sem vilja efla
mengunarvarnir sínar. Æ fleiri
rekstraraðilar gera sér grein fyrir því
að lágmörkun úrgangsefna frá þeim
felur í sér beinan spamað og um leið
betri markaðsstöðu. Þess vegna er
við því að búast að úrbætur í um-
hverfismálum fyrirtækja verði meira
á döfinni. Ráðgjafar Iðntæknistofnun-
ar munu veita þjónustu í þeim efnum.
Aður var minnst á nauðsyn þess að
menn skoðuðu allt framleiðsluferlið til
að draga úr myndun úrgangs.
Hreinsitæki og annar búnaður á loka-
stigi eru aldrei fullnaðarlausn. Eða
eins og einn ágætur umhverfisvemd-
armaður orðaði það: „Það er ódýrara
að bólusetja gegn sjúkdómnum held-
ur en fjölga sjúkrahúsunum!" Fyrir-
byggjandi aðgerðir skila mestum ár-
angri og þær kosta einfaldlega
minnst.
í frétt frá Iðntæknistofnun segir
m.a. að markmið þeirrar þjónustu,
sem Umhverfisdeildin býður fyrir-
tækjunum, sé að koma af stað innra
eftirliti í fyrirtækjum sem leiði til lág-
mörkunar úrgangsefna. Þá er farið
yfir þætti eins og þessa: Innkaupa-
venjur skoðaðar. Athugað hvort
hægt sé að nota minna skaðleg efni en
þau sem notuð hafa verið. Athugað
hvort hægt sé að nota minna magn af
þeim efnum sem þarf að nota. Litið á
söfnun og meðferð spilliefna innan
fyrirtækisins og loks veittar leiðþein-
ingar um hvar hægt sé að fá frekari
upplýsingar um einstök mál.
Þeir, sem áhuga hafa á þessari
þjónustu, geta snúið sér til Guðjóns
Jónssonar, deildarstjóra hjá Iðntækn-
istofnun, en síminn þar er 91-687000.
Pappír er mjög fyrirferðarmikill í heimilissorpinu. Nú tekur Sorpa á móti
dagblöðum og öðru sem til fellur á heimilum. Fer það utan til endurvinnslu.
35