Frjáls verslun - 01.05.2000, Blaðsíða 40
Auður Finnbogadóttir, framkvæmdastjóri
og forstöðumaður markaðsviðskipta hjá
MP Verðbréfum. „Það er þó nokkuð síð-
an ég hætti að taka eftir því að ég er
eina konan eða ein af fáum konum á
fundum með öðrum stjórnendum eða sér
fræðingum á fjármálamarkaði."
Stjórnandi í karlafagi
Fyrir nokkrum árum var hending
að kona starfaði inni á viðskipta-
gólli. Kynjaskipting eftir verkefn-
um og deildum hefur verið töluverð og
fáar konur virðast vera í ábyrgðarstöð-
um. Það hlýtur að markast að ein-
hverju leyti af því hve fáar konur hafa
starfað innan geirans," segir Auður
Finnbogadóttir, íramkvæmdastjóri og
forstöðumaður markaðsviðskipta hjá
MP Verðbréfum. „Svo geta menn spurt sig að því af hverju hlut-
fallslega mjög fáar konur starfi ennþá sem verðbréfamiðlarar,
sem sérfræðingar á fyrirtækjasviði, sem sjóðstjórar, í gjaldeyris-
viðskiptum o.s.frv., þrátt fyrir fjölda kvenna í háskólanámi í við-
skipta- og hagfræði."
Auður hefur kynnst tímunum tvennum í starfi sínu. Hún
lærði viðskiptafræði í Bandaríkjunum og fékk á þeim tíma áhuga
á því að starfa á fjármálasviði. I janúar árið 1993 voru aðstæður
þannig að verðbréfafyrirtækin voru frekar að reka fólk en að
ráða og er það gjörólíkt starfsumhverfinu í dag. Á þessum tíma
var Lánasýsla ríkisins að hefja útboð á ríkisverðbréfum og varð
það fyrsta verkefiii Auðar, sem hefur starfað á fiármálamarkaði
síðan þá. Töluverð breyting hefur átt sér stað á markaðnum á
þeim árum sem liðin eru. Verðbréfaviðskipti hafa aukist gríðar-
lega, bæði hvað varðar magn og fiölda, hlutabréfamarkaðurinn
er orðinn öflugri, fiárfestingarstefna fagfiárfesta hefur breyst og
fleiri þátttakendur eru á fiármálamarkaði en áður var.
- Er mikiö álag í starfinu?
„Það verða miklir álagspunktar öðru hvoru eins og gengur
og gerist víða. Þeir geta t.d. falist í ákveðnum verkefnum sem
þarf að ljúka fyrir ákveðinn tíma eða í miklum verðbreytingum á
verðbréfamörkuðum sem þarf að
bregðast við. Innan markaðsviðskipta
þarf maður að vera í góðu sambandi
við viðskiptavininn og geta afgreitt
beiðnir hans skjótt og vel og með ör-
uggum hætti. Sú staða getur komið
upp að margir hringi inn á sama tíma
og þá þarf viðbragðið að vera gott,“
svarar Auður.
Það hefur oft einkennt umræðuna
um störf á verðbréfamarkaði að þar sé álagið gríðarlegt og fólk
vinnandi alla daga fram á kvöld og um helgar. „Ég tel að þessi
umræða hafi hingað til frekar fælt konur frá ofangreindum sér-
fræðistörfúm en karla þó að það virðist vera að breytast. Sum
fiármálafyrirtækin virðast vera að átta sig á því að langur vinnu-
dagur jaíhgildi ekki endilega góðri framleiðni eða góðri frammi-
stöðu starfsmanns og að frítí'mi sé jafn sjálfsagður og það að fara
í vinnuna. Álagspunktarnir verða samt alltaf til staðar."
- Hvernig er að vera stjórnandi í þessu umhverfi?
„Það er þó nokkuð síðan ég hætti að taka eftir því að ég er
eina konan eða ein af fáum konum á fundum með öðrum stjórn-
endum eða sérfræðingum á fiármálamarkaði enda hef ég starf-
að mikið með körlum síðustu ár. Ég hef þó orðið vör við undan-
farið á einstaka fundum að menn hafa haft orð á þessu og von-
andi þýðir það að menn muni leggja sig fram um að hvetja kon-
ur til þess að sækja um sérfræði- og stjórnunarstörf innan fiár-
málageirans.
Hlutirnir gerast iðulega mjög hratt á fiármálamarkaðnum og
oft þyrfti maður helst að vera á mörgum stöðum á sama tfrna. Þá
skiptir mestu að hafa samhentan hóp starfsfólks til þess að takast
á við verkefnin og sá hópur er til staðar hjá MP Verðbréfúm." H3
Síðustu tvö árin hejur kynjahlutfallið í
störfum á verðbréfamarkaði breyst mikið.
Auður Finnbogadóttir telur að konur
hafi undanfarið sýnt aukinn áhuga á
hefðbundnum karlastörjum á viðskipta-
gólfi verðbréfafyrirtækja og banka.
38