Frjáls verslun - 01.09.2000, Blaðsíða 16

Hörður Sigurgestsson, forstjóri Eimskips sl. 21 ár, afhendir nýjum
forstjóra Eimskips, Ingimundi Sigurpálssyni, lyklavöldin í fyrirtækinu.
Benedikt Sveinsson, stjórnarformaður Eimskips, fylgist með.
FV-mynd: Geir Ólafsson.
Undur og stórmerki hafa gerst í íslensku viðskiptalífi á
skömmum tíma. í yfir 50 stórum og þekktum íyrirtækjum
hafa orðið forstjóraskipti á aðeins rúmum tveimur árum
og langflestir sem taka við eru á aldrinum 40 til 50 ára. Lengi
vel var haft á orði að forstjóraskipti í stórum og þekktum fyrir-
tækjum á Islandi væru sjaldgæf og að menn sætu til sjötugs í
starfi forstjóra; að um æviráðningu væri að ræða. Fyrir
nokkrum árum var það ennfremur þannig að þegar ungur
maður var ráðinn sem forstjóri eða framkvæmdastjóri í fyrir-
tæki gátu aðrir á hans reki nánast útilokað þann möguleika að
setjast einhvern tíma í forstjórastól fyrirtækisins. Núna er þetta
gjörbreytt. Forstjóraskipti eru orðin tíð í íslenskum fyrirtækj-
um og gera má ráð fyrir því að forstjórarnir 50 sem ráðnir hafa
verið á síðustu tveimur árum sitji ekki mikið lengur en í sjö ár
í starfi.
Tíminn á toppnum er að styttast bæði hérlendis og erlendis.
I nýlengri könnunun Fortune í Bandaríkjunum kom í ljós að
1998 hefðu 58% af forstjórum 200 stærstu fyrirtækjanna verið 5
ár eða skemur í starfi en 1980 hefði þetta hlutíall verið 46%. í
nýlegri könnun Vísbendingar var niðurstaðan sú að um 53%
forstjóra höfðu verið 5 ár eða skemur í starfi og um 29% höfðu
setið lengur en í 10 ár. En lítum nánar á forstjóraskiptin.
16