Frjáls verslun - 01.09.2000, Blaðsíða 54
FV-myndir: Geir Olajsson,
Burkni Aðalsteinsson og Rögnvaldur Bjamason við Indigo prentvélarnar.
Stafræn prentun, ný tækni!
-Hvað breytist?
Prentun hefur tekið miklum breytingum á undanförnum árum
og áratugum. Tækni og öll tæknilögmál eru gjörbreytt. Stór-
bylting varð í prentiðnaði þegar offsettæknin kom fram og tók
við af blýþrykki.
Enn hefur orðið ný bylting í prentiðnaði, stafræn prentun, sem
býður mun fullkomnari tækni og nýja möguleika. Svo skrýtið sem það
kann að hljóma gerir flókin, stafræn tækni verkferlið mun einfaldara
og fljótvirkara. Hvorki eru notaðar filmur né plötur heldur er prentvélin
mötuð með stafrænum upplýsingum og skilar fullunnum prentgrip svo
til samstundis og öll eftirvinna við hann getur hafist strax.
Kostirnir við stafræna prentun umfram hefðbundna eru einkum
þeir að auðvelt er að framleiða lítið upplag af hámarks gæðum í ein-
földum sem afarflóknum prentverkum, t.d. litljósmyndir eða listaverk,
þar sem miklar kröfur eru gerðar um liti og skerpu.
Hvítlist flutti inn vélar
Fyrirtækið Leturprent var stofnað árið 1954 af Einari Inga Jónssyni. Öll
prentun fór þá fram í fyrirtækinu með þeirra tíma tækni, blýprentun-
inni. „Ég tók við fyrirtækinu af föður mínum, Einari Inga, árið 1985."
segir Kristján Ingi Einarsson, núverandi eigandi og framkvæmdastjóri
Stafrænu prentstofunnar. „Ég hef reynt að fylgjast með tækniþróun í
prentiðnaði og sá fyrir nokkrum árum að breytingar voru í aðsigi með
tilkomu stafrænnar prentunar. Ég skoðaði málið í þaula og dreif mig
síðan í að kaupa tvær prentvélar af gerðinni Indigo. Þessar vélar eru
fluttar til landsins af Hvítlist hf., en fyrirtækið lagði talsvert undir við
að flytja inn þessa tækni og þá þekkingu sem nauðsynleg er."
Efnið ersent á vélina á tölvutengdan hátt, annað hvort með netteng-
ingu eða af diski, og fullunnið fyrir prentun. Prentgripurinn rennur
örfáum sekúndum síðar út úr vélinni, tilbúinn til afhendingar eða í
brot eða skurð.
54
liMWIllfflli'lliH