Frjáls verslun - 01.09.2000, Blaðsíða 57

VIÐTflL
Kaupréttur á hlutabráfum
„Kaupráttur á hlutabréfum er mikilvægur hluti þeirrar umbunar sem fyrirtækin bjóða upp á.
Launin fara í daglegan rekstur, húsnæðis- og bílakaup, en ef vel gengur er það
kauprétturinn sem skilar arði og sparnaði."
ekki allt of langan tíma að komast yfir tungumálahjallann."
Ögrunin fólst einkum í að Steinunn kaus sér stjórnmálafræði
sem annað aðalfag og lauk prófi í „International business and
politics".
„Eg vissi frá upphafi að ég ætlaði í MBA-nám og vildi því
ekki einskorða mig við viðskiptafögin,“ segir Steinunn um
þetta val. „Mér fannst gott að hafa eitthvert sambland, enda
hef ég alltaf haft áhuga á stjórnmálum, sem auðvitað hafa
heilmikil áhrif á viðskiptalífið." Stjórnmálunum kynntist hún
síðan ögn af eigin reynslu það eina og hálfa árið sem hún var
heima á milli þess að hún lauk prófi frá University of South
Carolina og fór síðan aftur út í MBA nám.
Að það blundi í henni stjórnmálamaður þvertekur Stein-
unn ekki alveg fyrir en bætir hlæjandi við að hún stoppi svo
stutt á hverjum stað að henni gefist lítill tími til að blanda sér
í samfélagið. „En ef ég hefði lengri viðdvöl gæti ég ekki ann-
að en verið virk í því samfélagi sem ég bý í því mér finnst það
skipta miklu máli,“ bælir hún við hugsi. Kynnin af íslenskri
pólitík fannst henni bæði skemmtileg og mjög lærdómsrík.
Að festast ekki i viðjum vanans Það reynist mörgum erfitt
að koma heim úr námi og drífa sig svo aftur út. Akveðin lil-
hneiging er til að festast í viðjum vanans þegar farið er að
vinna fyrir föstum tekjum. En Steinunn hafði það fastlega í
huga að slíkt ætti ekki að henda hana. Hún gerði samning við
nokkra félaga um að þau mundu sparka hvort öðru út í nám
innan tveggja ára, en hvernig sem á því stóð var Steinunn sú
eina sem dreif sig út eftir að hafa unnið í Islandsbanka og
VÍB.
„Nei, það var ekkert erfitt að drífa sig út í MBA nám,“ segir
hún og bætir við að hún hafi tekið það skýrt fram við ráðningu
að hún væri á leiðinni út aftur. I þetta sinn varð fyrir valinu skóli,
sem ár eflir ár hefur verið valinn besti skólinn í alþjóðaviðskipt-
um, Thunderbird, eða Tlie American Graduate School of
International Management í Arizona. Skólinn var stofnaður fyr-
ir um fimmtíu árum og er til húsa í gamalli flugstöð, sem Stein-
unn segir að gefi skólanum sérstakan sjarma. Kaffihúsið er í
flugturninum og flugskýlið er samkomusalur skólans.
Kostir skólans eru jafnvægi bandarískra og erlendra nem-
enda og að hlutfall karla og kvenna er jafnara en víðast ann-
ars staðar í sambærilegum skólum. Og ekki síst var það
sveigjanleiki skólans sem enn og aftur var lykilhugtakið fyrir
Steinunni. „Það var hægt að byrja jafnt að hausti sem vori.
Skólinn bauð upp á að dvalið væri um tíma í Kína, Mexíkó eða
Frakklandi og það var hægt að ljúka honum á 1-2 árum eftir
því hvort maður vildi vinna með eða ekki.“
Steinunn nýtti sér þessa möguleika með því að taka eina
önn í Frakklandi og vinna síðan eina önn í höfuðstöðvum
þýska flugfélagsins Lufthansa í Frankfurt, en til Frankfurt átti
leiðin síðan eftir að liggja aftur. Ofan á námið var þetta hvort
fveggja ómetanleg reynsla, segir hún.
MBA eða ekki MBA? MBA eða ekki MBA er spurning, sem
margir viðskiptafræðinemar velta fyrir sér, en Steinunn er
ekki í vafa um sitt svar. „MBA virðist skipta meira máli er-
lendis en á íslandi," svarar hún að bragði. „Kröfurnar eru
alltaf að aukast og ég vildi ekki lenda í þeirri stöðu að sækja
um starf, sem ég teldi mig hafa reynslu og hæfni til, og þurfa
svo að horfa upp á einhvern með MBA og enga reynslu vera
tekinn fram yfir mig. Eg var því alltaf ákveðin í að fara í MBA
og finnst það hafi opnað mér mörg góð tækifæri."
Tækifærin liggja ekki síst í því að bestu skólarnir hafa góð
tengsl við atvinnulífið. Þegar kemur að lok-
um MBA-námsins er hver nemandi með
allt á milli 1-30 atvinnutilboð. Steinunn er á
því að landar hennar átti sig á gildi MBA-
náms, en nýti sér ekki alltaf þá möguleika
sem það opni. „Tilhneigingin hefur verið
að fara strax heim eftir nám, þótt ég haldi
reyndar að þetta sé að breytast," segir hún.
„Nú eru menn farnir að átta sig á gildi
þess að vinna áfram erlendis í 1-2 ár eítir að námi lýkur. Sjálfri
fannst mér ekki annað koma lil greina en að nota tækifærið
og vinna áfram í Bandaríkjunum eftir að hafa lokið námi við
bandarískan háskóla," og bætir við að reynslan sem því fylgi
sé gífurleg. „Fyrsta árið mitt hjá Enron var á við þrjár MBA-
gráður. En auðvitað er erfitt að vera áfram úti, því allir sakna
Islands, Jjölskyldu og vina.“
Listin að velja rétta braut eftir nám Sá á kvölina sem á völ-
ina og það getur gilt um námsmenn með nýbakaða MBA-
gráðu í handraðanum. Mörg tilboð gera kvölina ekki minni
og Steinunn stóð einnig frammi fyrir vandasömu vali. Eins og
aðrir „Þrumufuglar" fór hún í nokkur viðtöl, en eftir að hafa
fengið tilboð frá Enron fannst henni allt blikna í samanburði
endalausa
Ekki skapa sér sérstöðu sem kvenmaður
„Það er mikilvægt að skapa sér ekki sérstöðu sem kvenmaður heldur vera ein at
hópnum. Það eru ekki aðeins viðhorf annarra í þinn garð sem skipta máli, heldur
einnig þín eigin viðhorf.“
57