Frjáls verslun - 01.09.2000, Blaðsíða 50
STARFSMANNAMAL
Kúnstin að finna
hæft starfsfólk
Eins og er er mikil atvinna í boði
og samkeppni um hæft starfs-
fólk mikil. Réttur starfsmaður á
réttum stað getur skipt sköpum
varðandi árangur, þjónustu og fram-
leiðni fyrirtækis. Góður árangur í
samkeppninni um starfsmenn er lífs-
nauðsynlegur fyrirtækjum. Stjórn-
endur fyrirtækja þurfa því að huga
betur að því en áður með hvaða að-
ferðum unnt sé að laða að umsækj-
endur með menntun,
reynslu og hæfni sem
nýtist fyrirtækinu
vel. Hér á landi
hefur megin-
áherslan ver-
ið á valferlið
í ráðning-
um (e. sel-
ections) en
minna verið
fjallað um
öflun um-
sækjenda (e.
recruitment).
Langtímastefna í öflun
umsæhjenda Það vill
brenna við hjá stjórnendum að þeir líti á það að fylla í lausa
stöðu sem afmarkaðan atburð en ekki hluta af stærra ferli. Til
að ná árangri við öflun umsækjenda er nauðsynlegt að móta
ákveðna stefnu. Stefna til langs tíma skiptir miklu máli fyrir
fyrirtæki sem vilja verja sig fyrir sveiflum í hagkerfinu og
bregðast við samkeppni. Mikilvægt er að gera mannaflaspá til
að geta skipulagt flæði starfsmanna fram í tímann. Þegar öfl-
un umsækjenda og ráðning eru unnar í kappi við tímann
aukast líkurnar á mistökum í ráðningum. Einnig ber að huga
vel að undirbúningsvinnu, eins og starfsgreiningu og að skil-
greina hvaða eiginleikum starfsmaðurinn þarf að vera búinn.
Undirbúningsvinna getur verið tímafrek en þegar til lengri
tíma er litið getur hún sparað mikla fjármuni.
Stefna í öflun umsækjenda mótuð Stefnumótun í öflun um-
sækjenda ætti að fylgja almennri starfsmannastefnu fyrir-
tækja. Slík stefna þarf að vera í takt við markmið og hug-
Þab vill brenna við hjá stjórn-
endum aö þeir líti á þaö ab jylla
í lausa stöbu sem afmarkaban
atburb. Þegar öflun umsækjenda
og rábningar eru unnar í kapþi
vib tímann aukast líkurnar á
mistökum í rábningum.
Eftir Ásdísi Jónsdóttur Myndir: Gcir Ólafsson
myndafræði fyrirtækis. Grundvallar-
spurningin er: Hvernig starfsfólks
þarfnast fyrirtæki til að ná markmið-
um sínum? Það er ekki nóg að finna
fólk sem uppfyllir hæfniskröfur
starfsins. Stjórnendur þurfa að
þekkja menningu og ímynd fyrir-
tæksins til að velja fólk sem hæfir vel
umhverfinu. Greina þarf þá grunn-
eiginleika sem starfsfólk fyrirtækis
þarf að hafa, s.s. álagsþol eða þjón-
ustulund. Þá þarf að skoða hvernig
fólk, sem hefur þessa eiginleika,
hegðar sér, ólíkt þeim sem hafa þá
ekki. Þróa þarf spurningar fyrir ráðningarviðtöl þar sem
þessir þættir eru kannaðir. Spurningarnar þurfa að leggja
áherslu á að kanna hvort umsækjendur hafa sýnt tiltekinn
eiginleika í fyrri störfum því fyrri hegðun í starfi spáir bet-
ur fyrir um hegðun í nýju starfi en aðrir þættir.
Til að tryggja áhuga þeirra sem leita að starfi þarf að huga
að ímynd fyrirtækis. Fyrirtæki með sterka ímynd eiga sjaldan
í erfiðleikum með að manna störf, jafnvel þegar ekkert
atvinnuleysi er. Imynd er hvorki einsleit né byggð upp á stutt-
um tíma. Fyrirtæki getur haft nokkuð trausta ímynd á fjár-
málamarkaði en ekki eins trausta þegar kemur að starfs-
mannastefnu. Því þarf að huga sérstaklega að þeirri ímynd
sem snýr að framtíðarstarfsmönnum. Mikilvægast í því sam-
50