Lesbók Morgunblaðsins - 18.12.1995, Side 5

BRÆÐIiATUNGUKIRKJA í Biskupstungum, vígð 1911, hefur naumast stærð
eða glæsileika sem rímar við sögu staðarins. Auðséð er að litiu hefur verið
til kostað. Oddbogar á gluggum er nánast einasta kennimark Rögnvaldar. í
kirkjunni er gamall predidkunarstóll og útlend kvöldmáltíðarmynd yfir altari.
Ljósm.Lesbók/GS.
ÓLAFSFJARÐARKIRKJA á Ólafsfirði, steinkirkja vígð 1915. Glæsileg kirkja
með hefðbundnu sniði, en formið ofantil á turninum er öðruvísi en á öðrum
kirkjum Rögnvaldar. Þessi kirkja erjafnframt sú síðasta sem hann teiknaði.
Ljósm.Lesbók/ Sigurður Björnsson, Ólafsfirði.
ÞINGEYRARKIRKJA að innanverðu, vígð 1910. Hún er nokkuð sér á parti meðal kirkna Rögnvaldar vegna þess að
hún er bæði úr steinsteypu og timbri. A þann hátt nær Rögnvaldur að gæða kirkjuna þeim þokka sem t.d. minnir á
Stóra-Núpskirkju. Altaristaflan er eftir Þórarin B. Þorláksson.
Ljósm. Lesbók/Kristinn Jens Sigurþórsson, Þingeyri.
RÖGNVALDUR Ólafsson. Enda þótt
hann virðist vera talsvert fullorðinn
á myndinni, varð hann ekki nema
43 ára og starfsferill hans var að-
eins 12 ár.
Ljósm. Myndadeild Þjóðminjasafnsins.
NÁMS- OG
Starfsferill
Rögnvaldur Ágúst Olafsson fæddist að
Ytrihúsum í Dýrafirði 5. desember 1874.
Foreldrar hans voru Ólafur Sacharíasson
bóndi og kona hans, Veróníka Jónsdóttir.
Þau fluttust til ísafjarðar og þar ólst Rögn-
valdur upp. Skólaganga hans hófst í seinna
lagi; hann las undir skóla hjá Þorvaldi
prófasti Jónssyni og settist í Latínuskólann
í Reykjavík tvítugur að aldri, 1894. Rögn-
valdur var framúrskarandi námsmaður og
varð efstur í fjórum bekkjum skólans.
Stúdentsprófi lauk hann aldamótaárið og
síðan prófi í heimspeki frá Prestaskólan-
um.
Til er svofelld lýsing skólabræðra
Rögnvaldar á honum: „Rögnvaldur Ágúst
Ólafsson er meðalmaður vexti, heldur
ófríður sýnum, en sviphýr og brosleitur,
fölleitur og grannleitur, nefstór nokkuð
og nefið einkenniiegt. Gáfaður vei, enda
námsmaður einhver hinn besti. Lipur
maður í viðkynningu og lundgóður. Kátur
og skemmtilegur í viðræðum enda fróður
mjög og sagði hann sögur manna best.
Hermdi vel eftir mönnum. Hafði mikinn
hugá byggingafræði oglas mjögþá grein.
Teiknari góður. Gaf sig nokkuð að skóla-
málum en þótti þar nokkuð óákveðinn og
flokkafylgjumaður engi. Var ritari
„Framtíðarinnar", í stjórn íþöku og for-
seti bindindisfélagsins. Reglumaður í hví-
vetna. “
Framsýnir menn sáu að þarna fór efnis-
maður sem hafði sérstakan áhuga á húsa-
gerð og það varð til þess að hann hlaut
nokkurn styrk úr landssjóði. Hélt Rögn-
valdur utan til Hafnar haustið 1901 til
náms í húsagerð við De Tekniske Selska-
pers Skole. Það var þriggja ára undirbún-
ingsskóli í almennri teikningu fyrir verð-
andi iðnaðar- og listamenn. Sýnir það vel
áherzluna á teiknikunnáttu; einnig fyrir
iðnaðarmenn.
Það var í þessu námi að Rögnvaldur
kenndi fyrst berklaveikinnar, sem varð til
þess að hann gat ekki stundað námið eins
og hann hefði kosið. Ugglaust hefur Rögn-
valdur ekki farið nægilega vel með sig;
hann vann með náminu og teiknaði um
tíma hjá prófessor Fenger, sem var fræg-
ur húsameistari í Kaupmannahöfn. Vetur-
inn 1903-04 ágerðust veikindi Rögnvaldar
svo mjög að hann varð að hætta námi
vorið 1904 og kom þá heim án þess að
hafa lokið prófum frá teikniskólanum, og
án þess að komast í nám við Konunglegu
listaakademíuna.
Nærri má geta hver vonbrigði það hafa
verið fyrir þennan bráðgáfaða unga
mann, að verða að hverfa heim frá námi.
Leið hans lá vestur á ísafjörð og þar var
hann sér til hressingar hjá móður sinni
um tírna. Ólafur faðir hans var hinsvegar
látinn.
En þrátt fyrir allt var Rögnvaldur kom-
inn heim sem réttur maður á réttum tíma.
Árið 1904 markaði veruleg tímamót. Bæði
höfðu aldamótin og sá áfangi, að íslend-
LESBÓK MORGUNBLAÐSINS 18. DESEMBER 1995 5