Morgunblaðið - 25.01.2001, Page 23

ÚR VERINU
MORGUNBLAÐIÐ FIMMTUDAGUR 25. JANÚAR 2001 23
VERKALÝÐSFÉLAG Raufar-
hafnar hefur sent frá sér yfirlýs-
ingu þar sem lýst er yfir vanþóknun
á meðferð SR-mjöls á starfsfólki
fyrirtækisins á Raufarhöfn.
Segir í yfirlýsingunni að sex
starfsmenn SR-mjöls á Raufarhöfn
hafi verið sendir heim án fyrirvara í
síðustu viku. Fyrirtækið hafi borið
fyrir sig lög nr. 19 frá 1979, 3. gr.,
sem kveða á um vinnustöðvun fisk-
vinnslufyrirtækja vegna hráefnis-
skorts. Samkvæmt þeim ber at-
vinnurekanda ekki að greiða bætur
til launþega sinna þegar vinna fell-
ur niður vegna hráefnisskorts, enda
missi launþegar ekki uppsagnarrétt
sinn meðan slíkt ástand varir.
Loðnan er sérlundaður fiskur
Í yfirlýsingunni segir ennfremur:
„Vissulega er það svo að loðna er
sérlundaður fiskur en þó er bull-
andi loðnuveiði þessar vikurnar.
Daginn sem fólki var tilkynnt að
það þyrfti ekki að mæta til vinnu
næsta virkan dag hafði hinsvegar
spáð brælu á miðunum. Finnst
Verkalýðsfélaginu að nú sé fokið í
flest skjól ef 3. grein er notuð við
bræluspá. Það er alkunna að boðið
hafi verið í loðnufarma og skip siglt
hringinn í kringum landið til að
landa. Þetta gerir SR ekki í þessu
tilviki.“
Segir í yfirlýsingunni að hætta sé
á að SR-mjöl fari að misnota þessi
lög sem séu þó fyrst og fremst ætl-
uð fyrir fiskvinnslustöðvar þar sem
kauptrygging er í öllum tilfellum
nema hjá lausráðnu fólki. Loðnu-
bræðslur heyri ekki undir þá samn-
inga og fólk sem starfi við loðnu-
bræðslur hafi enga kauptryggingu.
Hafþór Sigurðsson, verksmiðju-
stjóri SR-mjöls hf. á Raufarhöfn,
segist undrast þessi viðbrögð
verkalýðsfélagsins. Starfsmenn
verksmiðjunnar hafi áður verið
sendir heim undir svipuðum kring-
umstæðum, enda sé það heimilt
samkvæmt umræddum lögum.
Hann segir verksmiðjuna á Rauf-
arhöfn vera langt frá loðnumiðun-
um á þessum árstíma. Veiðarnar
hafi auk þess verið í þeim mæli að
ekki þótti taka því að sigla með
farm til Raufarhafnar, sérstaklega í
ljósi þess að SR-mjöl rekur tvær
loðnuverksmiðjur á Austfjörðum.
Verkalýðsfélag Raufarhafnar ósátt við starfsaðferðir SR-mjöls
Sex starfsmenn sendir heim
vegna hráefnisskorts
ÁRNI M. Mathiesen, sjávarútvegs-
ráðherra Íslands, og Jørgen Nicla-
sen, sjávarútvegsráðherra Fær-
eyja, áttu fyrr í vikunni fund með
Franz Fischler, yfirmanni sjáv-
arútvegsmála í framkvæmdastjórn
Evrópusambandsins.
Megintilgangur fundarins var að
fjalla um niðurstöðu skýrslu um
umhverfismerkingar á sjávaraf-
urðum sem kynnt var á Svalbarða
sl. haust þar sem sjávar-
útvegsráðherra var falið að kynna
niðurstöðurnar fyrir
Evrópusambandinu.
Fischler sagði á fundinum að
talsvert hefði verið fjallað um mál-
ið innan Evrópusambandsins og
væri nú verið að leggja lokahönd á
skýrslu um umhverfismerkingar
sem unnin er fyrir framkvæmda-
stjórnina. Taldi hann mikilvægt að
Norðurlöndin og Evrópusambandið
ynnu sameiginlega að málinu í kjöl-
far þess að framkvæmdastjórninni
hefði verið kynnt efni skýrslunnar.
Stefnt er að því að fundur með
fulltrúum beggja aðila verði hald-
inn um miðjan mars næstkomandi.
Ráðherrarnir ræddu um þann
vanda sem komið hefur upp í
tengslum við kúariðumálið svokall-
aða og sérstöðu fiskimjöls gagn-
vart kjöt- og beinamjöli. Þá var á
fundinum fjallað um díoxín í fiski-
mjöli og nauðsyn þess að fara var-
lega við ákvörðun um takmarkanir
á magni þess í sjávarafurðum sem
seldar eru til landa Evrópusam-
bandsins.
Samvinna um
umhverfismerkingar
Gunnar Snorri Gunnarsson sendiherra, Jörgen Niclasen, sjávarútvegs-
ráðherra Færeyja, Árni M. Mathiesen sjávarútvegsráðherra og Franz
Fischler, yfirmaður sjávarútvegsmála í Evrópusambandinu.
„ÞAÐ eru engar viðræður um
sameiningu Ísfélagsins og
Vinnslustöðvarinnar í gangi nú
eftir að þeim var slitið á sínum
tíma,“ segir Gunnlaugur Sæv-
ar Gunnlaugsson, stjórnar-
maður í stjórn Ísfélags Vest-
mannaeyja, í samtali við
Morgunblaðið.
„Mín skoðun hefur alltaf
verið sú, að ætli menn sér að
byggja upp öfluga fiskvinnslu í
Vestmannaeyjum gera þeir
það ekki hver í sínu horni. Það
vita allir sem hafa komið ná-
lægt fiskvinnslu, að menn eru
ekki að dútla við þetta hver í
sínu horni. Menn eru með öfl-
ug hús, sem eru sérhæfð með
mikið magn, og ná þannig hag-
kvæmni, en ekki með því að
menn séu að hokra hér og þar.
Nú mæna allir á Ísfélagið og
allt í lagi með það enda eðli-
legt að til þess sé horft. En Ís-
félagið er aðeins með um 11%
bolfiskkvóta Vestmannaeyja í
þorskígildum talið. Það mætti
því horfa til annarra líka og ég
tel að það hefði nú verið heppi-
legt núna hefðu menn verið
sameinaðir í þessu. Þá stæðu
mál öðruvísi og Vestmannaey-
ingar gætu kannski verið
bjartsýnni. Þar er bara ekki
við Ísfélagið að sakast. Í mín-
um huga eru aðrir sem bera
meiri ábyrgð á því hvernig
komið er en aðstandendur Ís-
félagsins.“
Ísfélagið
Engar við-
ræður um
sameiningu